2 Samuwɛli 3:14 - ALLALA KUMƐ

¹⁴ Wo kɔma fanani, Dawuda ya kilayɛnu nata Mansa Isibosɛti ma ka a fɔ a ye ko, “Nna musi Mikali don n bolo, n ya min furu Filisiti mɔgɔ kɛmɛ sogo-kundi la.”

2 Samuwɛli 3:14 Iomraidhean Croise

2 Samuwɛli 2:10

A sigira mansayɛ la a san bi-nani nyɔgɛ le ma. San fila pe, a ya wo le bɔ mansayɛ la. Kɔnɔ Yuda bɔnsɔn-mɔgɛnu sɔnɛ Dawuda fɛ gben!

2 Samuwɛli 3:15

Mansa Isibosɛti ya a tirisan-musi wo bi ala kei bolo, Layisala den Palatiyɛli ka a lata Dawuda ma.

2 Samuwɛli 6:16

Anu bi anu kun nabɔla soe ma tumɛ min tɔn-kenkirɛ wo la anu bolo, Sɔlila dunmusi Mikali min tora Mansa Dawuda ye, wo ya a yɛ labɔ wundan la. A ya Mansa Dawuda yen nala a dɔnna anubɛ a ye gbangbanna a sɛbɛ-kuna-wɛ la Mari yakɔrɔ, a bɔrɔbɔra a ye.

Matiyu 1:18

Allata-Mɔgɔ-Yabɔnɛ, Yisa sɔrɔnta nya min, wo le kɛ la. A na Mariyama mabiranɛ Yusufu le bolo nun. Kɔnɔ yanni anu ni a latenbi ala kei ma, Mariyama tɛrɛnara a kolomɛ la Allala Ni-Sɛnimɛ sɛnbɛ bolo.

1 Samuwɛli 18:25

Woletɔ mansɛ ya a fɔ anu ye ko anu ni ta a fɔ Dawuda ye ko, “N bi nyinina min ma ale bolo ka nna dunmusi furu a la, wo le, a ni ta Filisiti mɔgɔ kɛmɛ faga ka anu nakemininya. A ni na wonu sogo-kundinu na n ma. Wo si ma n tayili-sara la Filisitinu bara la.” (Mansɛ ye kɛ dama mala le alako Filisitinu ni Dawuda faga.)

1 Samuwɛli 18:27

Dawuda anubɛ ala kɛlɛ-dannu tara Filisiti mɔgɔ kɛmɛ fila faga ka anu nakemininya. Dawuda nara wonu sogo-kundinu na ale mansɛ ma ka wonu dan mansɛ yala nyɔ alako a ni ma mansɛ biran-kei la. Woletɔ Mansa Sɔli ya ala dunmusi Mikali di Dawuda ma.

1 Samuwɛli 25:44

Kɔnɔ ala musi fɔlɔtɛ, Sɔlila den Mikali, Sɔli ya wo di Leyisala den Pati ma min bɔra Kalimu soe burɔ.