2 Samuwɛli 24:22 - ALLALA KUMƐ

²² Arɔna ya a fɔ a ye ko, “N tigi, hali i ma fenfen bɔ. Gbere-kole kɛ dama bi. I ma nna sara-ninkinu yen? Wonu ma saraka-mintantɛ la Mari ye. Kɔlɔma minnu si sa sara-ninkinu kan ma anubɛ fui-fen-tatɛn-kɔlɔmanu, i ma wonu fanan yen? Wonu ni ma saraka-mintan-sɔgɛ la.”

2 Samuwɛli 24:22 Iomraidhean Croise

Ko-Dabirɛnu 23:11

“Nba, n tigi, i wɔlɔ matɔlɔ n kan la. N si faran wo di i ma anubɛ nna dugi min bi faran wola foolɛ rɔ. N si nyɔ di i ma mɔgɛ kɛ bɛɛ yala bi. I si ila furi togon nyɔ.”

1 Mansɛnu 19:21

Ilaisa tara ala sara-ninki filɛ wonu faga. Kɔlɔma min kirinɛ wonu kan ma, a ya wo ma soge wo tɛ-sɔgɛ la. A ya ninki-soge wo di mɔgɛnu ma, wonu ya wo dɔn. Wo kɔma, a bilara Nɛbi Ilaya fɛ. Ale mara wola karan dan la.

1 Ko-Kɔrɔta-Karan 21:22

Mansɛ ya a fɔ a ye ko, “N nara ila gbere-kole kɛ le san tinɛ i ma alako n ni saraka-mintan-tinɛ sɔ Mari ye. Wo le si a ma, tɔn ni sigi kiraya-fitinɛ kɛ la. N si a san iko a dɛ ye nya min.”

Kɛlɛ-Kurugbɛnu 6:26

I ni saraka-mintan-tina-hakikɛ ladan saraka-mintan-tina-kɔrɛ wo kuma nde, Mari Alla ye ka i fala turɛ wo mintan nyɔ kuma. I ni Asura kɔlɔma kundi-kundi wonu bi ka wonu ma sarakɛ wo mintan fan la.”

1 Samuwɛli 6:14

Ninki-yuwan wonu nara tɔn-kenkirɛ wo la ha kei dola sɛnɛ rɔ ka a sɔ fara-gbu-wɛ do dafɛ. Sɛnɛ-tigi wo tɔgɛ le Yasowa. A sɔrɔnta Bɛti-Simɛsi soe burɔ. Lifayi bɔnsɔn-mɔgɛ donu ya kenkirɛ wonu bi ka anu sigi fara-gbu-wɛ wo kuma. Wo kɔma, anu ya kirindi wo ratɛgɛtɛgɛ ka ninki wonu ma saraka-mintantɛ la Mari ye. Soe wo mɔgɛnu fanan ya saraka-mintantɛnu bɔ anubɛ saraka-gbɛrɛkɛnu Mari ye.