2 Samuwɛli 24:16 - ALLALA KUMƐ

¹⁶ Marita niyi-bɔ-melika gbɛrɛnnɛ Yerusalɛm soe ma tumɛ min, Mari kinikinita Isirɛla mɔgɛnu ma ka a miriya yɛlɛma. A ya tɔn sigi anu kasarɛ la. A ya a fɔ ala melika wo ye ko, “A to ka. Minnu bara faga kɛ la, wo ara a bɔ!” Wo ya a taran, niyi-bɔ-melika wo ara ke Arɔnala gbere-kole ma. Yɛbusi mɔgɛ le ale Arɔna la.

2 Samuwɛli 24:16 Iomraidhean Croise

Ko-Dabirɛnu 10:16

Kenanla den filɛ Sadon anubɛ Hɛti, wonu kegeyɛ le Yebusinu wo, Amoranu wo, Kagasanu wo,

Ko-Dabirɛnu 6:6

wo le ya a to, anuna mɔninyɛ donta Mari rɔ.

2 Samuwɛli 24:18

Tele wo nyɛrɛ rɔ, Nɛbi Kadi tara a fɔ Mansa Dawuda ye ko, “Ta Arɔnala gbere-kole ma. I ni saraka-mintan-tinɛ ladan Mari ye nyɔ rɔ.”

1 Mansɛnu 19:4

Telen-gbɛn, Nɛbi Ilaya ye tagamana wulɛ rɔ. A ke kɔlɔma-kuru-wɛ do kɔrɔ, a sigira wo ninɛ la. A sɔgɔ labɔra a nyɛrɛ la. A ya Alla matara, a ko, “E, Mari, a la ara gbɛlɛya n kuma. N niyi bi kelenna! N ni ta n benbanu taran lakira.”

2 Mansɛnu 19:35

Wulɔn-suyi-nyɛrɛ rɔ, Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli (185,000) faga Asiriyanu tɔ. Bandɛ kanɛ, wonu furi taranta nyɔ.

1 Ko-Kɔrɔta-Karan 1:14

Kenan kegeyɛ fanan do le Yebusinu wo, Amoranu wo, Kagasanu wo,

2 Ko-Kɔrɔta-Karan 3:1

Mansa Silamɛni fa Mansa Dawuda ara Bato-Bɔn sɔ tinɛ rabɛn nun. Nyɔ ye gbere-koloyɛ le la Yɛbusi do bolo min tɔgɛ Arɔna. Kan tinɛ kɛ ye Muraya kɔnkɛ le kuma Yerusalɛm soe burɔ, ado Mari ya a nyɛrɛ yira Mansa Dawuda la nyɔ le. Mansa Silamɛni ya Bato-Bon-sɔɛ dabira

2 Ko-Kɔrɔta-Karan 32:21

Mari le ya melika do sɔ min ya Asiriya kɛlɛ-den-kunyɛnu anubɛ kɛlɛ-dannu faga. Wo le ya a ma, Asiriya mansɛ wo yarabinɛ sɛgira ala nyamanɛ rɔ. Min tenbira wo la, lunyɛ do, Mansa Sɛnakaribu ye ala bɛsi-kɔ-tinɛ tumɛ min, ala den-kei donu ya a faga faan la.

Yaburi 135:14

I si ila mɔgɛnu kumafunfan ka kinikini ila wɔli-kɛlɛnu ma.

Yaburi 35:6

Ita melika tenbi anu sɔnsɔnna alamɛ pinpi burunta anuna kilɛ la. Anu ni nama gbalaki!

Yaburi 78:38

Kɔnɔ hali wo, Alla kinikinita ala mɔgɛnu ma. A ya anu hakɛ makoto. A ma anu nato. A mɛra a fonde birala a rɔ. A tora a munyuna anu kɔrɔ.

Yaburi 90:13

E, Mari, kinikini ma ma. I si i ya-lamunun male, ita wɔli-kɛlɛnu na muntuma?

Bɔ-Koe-Iyipiti 12:13

Yele susanɛ bɔn minnu dɛ ma, yele wonu si ma tamasere la. Ni n ya tamasere wo yen bɔn minnu dɛ ma, n bi nta fitinɛ min nanala Iyipiti kɛnu ma, wo ti ke nyɔ.

Bɔ-Koe-Iyipiti 12:23

Mari si tenbi Iyipiti nyamanɛ rɔ Iyipiti kɛnuna den-kei-sarɛnu halaki koe la suyi wo rɔ. Ni a ya yele yen bɔn minnu dɛ tɔnkɔn filɛ ma anubɛ a kumɛ, Mari si tenbi bɔn wonu kun na. A ti sɔn ko niyi-bilɛ ni ke bɔn wonu na.

Bɔ-Koe-Iyipiti 32:14

Wo le ya a ma, Mari ya a fonde yɛlɛma. A ma ala mɔgɛ wonu kasara tun.

Bɔ-Koe-Iyipiti 9:28

Wo ni Mari madiya kamasɔrɔn san-sɛran anubɛ banda-kole kɛ ara a lamoya ma kuma. N si wo boloka. Wo ti to yan tɔ tun.”

Aiseya 27:8

Mari ma ala mɔgɛnu tɔrɔ wo nya na fɔ kɛlɛ tara anu na min kɛ. A tara anu na iko fɔn-gbɛlɛmɛ min bi bɔla tele-bɔɛ wara la wo ye tala fen-gbalɛ la nya min.

Aiseya 57:16

A ko a ti to wo kɛlɛla. A ti kɔrɔtɔ wo ma. Ni a tora wonu mala wo la, hadama-dan bɛɛ si firan dugu-kole ma. A ya sɔndɔmɛ min bɛɛ ladan, a ti wo bɛɛ lato dogbe!

Yɛrɛmaya 26:19

Kɔnɔ Mansa Hɛsakaya anubɛ ala mɔgɛnu ma Nɛbi Maika faga wola ko la de, ado Mansa Hɛsakaya ya Mari gbiliya ka kuma-diyamɛnu fɔ ale Mari ye. Wo le ya a ma, Mari ya a miriya yɛlɛma Yerusalɛm kasara-koe ma. Nba, male nyɛrɛ-nyɛrɛ le ye kasarɛ lanala ma kuma gbɛ!”

Yɛrɛmaya 42:10

ni wo ye a fɛ wo ni to nyamanɛ kɛ rɔ, a si wo ma mɔgɛ la, a ti wo tinya tun. A ko a si wo ki, ado a ti wo wurun tun. A ko a nara kasarɛ min na wo ma fɔlɔ, wo ya a ma, a kinikinita wo ma.

Emɔsi 7:3

Woletɔ Mari ya a fonde yɛlɛma ka a fɔ nde, Nɛbi Emɔsi ye ko, “N bara n miri ko-yogomɛ min ma mɔgɛ kɛnu bara la, n ti wo ma tun.” Ko-Rayira Fila Nyɔgɛ

Emɔsi 7:6

Wo kɔma, Mari ya a fonde yɛlɛma ka a fɔ nde, Nɛbi Emɔsi ye ko a ti anu halaki tɛ la muk! Ko-Rayira Sawa Nyɔgɛ

Habakuku 3:2

Mari, i wara koe min bɛɛsi ma nun, n bara wonu namɔɛn. N bara kawa wonuna ko la. I taranta ko-makawanɛ minnu kɛla nun, a sɔgɛ ye n na, i ni wonu ma tun mata wati kɛ rɔ. Hali i fonde bɔnɛ, i ni kinikini ma ma.

Sakaraya 9:7

Anu ti soge anubɛ a yele dɔn tun iko anu duruta a mala nya min, ado dɔn-fen-haramunɛ ti ke anu dɛ ma tun. A mɔgɛ toe minnu tonɛ, wonu si ma Maritɛ la ka ma Yuda furu-nyɔgɛnu na. Ɛkirɔn so-burɔ-mɔgɛ toenu si kofu Isirɛla mɔgɛnu ma iko Yebusinu mara nya min.

Maraka 14:41

A sɛgira anu bara min kɛ tun a sawa nyɔgɛ rɔ, a ya a fɔ anu ye ko, “Ha bi, wo ye kinɔgɔla ka wo sulen? Wo ara a bɔ! Nde, Hadama-dan don-tumɛ ara ke n yogenu bolo tɔ hakɛ-tiginu sɛnbɛ kɔrɔ.

Kɛwɔlɛnu 12:23

Tiriyante wo rɔ, Marita melika ya Hɛrodi gbesi a rɔ. A buira dugi ma bawo a ma Alla gbiliya. Tɔ-a-la, tunbinu kɛra a rɔ ha a fagara.

1 Kɔrɛnti 10:10

Ma kana kɔrɔtɔ iko wo donu ya a ma nya min, ha niyi-bɔ-melika ya anu kasara.

2 Kɔrɛnti 2:6

Ale ara tɔrɔyɛ min sɔrɔn wo bolo, wo ara a bɔ.

Yasowa 15:63

Kɔnɔ Yuda bɔnsɔn ma ke Yebusi kɛnu gbenna minnu siginɛ Yerusalɛm soe rɔ. Wonu siginɛ anu tɛma ha bi.

Kɛlɛ-Kurugbɛnu 1:21

Kɔnɔ Yebusi minnu siginɛ Yerusalɛm soe burɔ Bɛnyamɛ bɔnsɔnta nyamanɛ rɔ, Bɛnyamɛ bɔnsɔn-mɔgɛnu ma wonu gben nyɔ. Yebusi wonubɛ Bɛnyamɛ bɔnsɔn-mɔgɛnu siginɛ nyɔ ka a bi wo wati ma ha kaka.

1 Samuwɛli 15:11

“Sɔli kɛ mɛ n bolo mansɛ la, n bara nimisa ala ko la bawo a ara a kan-kɔ sɔ n na ka nna kumɛnu tinya.” Samuwɛli yisi kɔrɔtɔra a ma ha a kira Mari madiyala.