2 Samuwɛli 24:15 - ALLALA KUMƐ

¹⁵ Wo le ya a ma, Mari ya kiraya-fitinɛ layigi Isirɛla mɔgɛnu kuma ka a dabira wo wulun sɔgɔmɛ ma, fɔ a wati-latɛgɛnɛ kenɛ Mari bolo. Mansa Dawudala nyamanɛ mumɛ bɛɛ rɔ, mɔgɔ waga bi-wɔrɔnfila (70,000) le kunyɛ tora kiraya-fitinɛ wo rɔ.

2 Samuwɛli 24:15 Iomraidhean Croise

2 Samuwɛli 24:2

Mansa Dawuda ya a fɔ ala kɛlɛ-den-kunyɛ Yohabu ye ko, “Ta ila mɔgɔ-banu na i bolo. Ka a bi Isirɛla nyamanɛ-dan doi ma ka a sigi a dan doi la, wo ni ke bɔnsɔn damasi ma ka a mɔgɛnu dan. A sɔgɛ ye n na, n ni a lɔn mɔgɛ min nyɔgɔn yatɛ ye nyamanɛ kɛ rɔ.”

1 Ko-Kɔrɔta-Karan 21:14

Wo le ya a ma, Mari ya kiraya-fitinɛ layigi anu kuma. Mansa Dawudala nyamanɛ mumɛ bɛɛ rɔ, mɔgɔ waga bi-wɔrɔnfila (70,000), wole kunyɛ tora kiraya-fitinɛ wo rɔ.

1 Ko-Kɔrɔta-Karan 27:24

Sɛruya Yohabu ya Isirɛla mɔgɛnu-dan dabira kɔnɔ a ma ban a mɔgɛ damasi danna. Alla ya Isirɛla mɔgɛnu tɔrɔ ka a tɛgɛ anu dan-koe ma. Woletɔ mɔgɛnu yatɛ ma sɛbɛ Mansa Dawudala mansaya-buku rɔ.

1 Ko-Kɔrɔta-Karan 27:4

Anu ya kurugba fila nyɔgɛ min sigi, wo le Dodayi la. Aho kegeya-mɔgɛ do le ale la. (Wo kan-kɔrɔ-sigilɛ le Mikiloti la.)

Aiseya 37:36

Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli faga Asiriyanu tɔ (185,000). Bandɛ kanɛ, wonu furi taranta nyɔ.

Habakuku 3:2

Mari, i wara koe min bɛɛsi ma nun, n bara wonu namɔɛn. N bara kawa wonuna ko la. I taranta ko-makawanɛ minnu kɛla nun, a sɔgɛ ye n na, i ni wonu ma tun mata wati kɛ rɔ. Hali i fonde bɔnɛ, i ni kinikini ma ma.

Yilan-Yilan Koe 25:9

Kɔnɔ samani tɔn ni sigi anuna tɔrɔyɛ la, mɔgɔ waga mogan-ni-nani (24,000) nyɔgɔn bara faga.

Matiyu 24:7

Sibolo-gbɛrɛnu si wuli anu nyɔgɔn kan ma. Nyamanɛnu si wuli anu nyɔgɔn kan ma. Kɔnkɔ-fitinɛ si na. Dugu-yɛrɛyɛran si kɛ kan tina siyaman tɔ.

Lankɛnimayɛ 6:8

N ya so-pɔrɔkɔsɛ yen. Min siginɛ a kuma, wo tɔgɛ “Sayɛ.” Lakira bilanɛ a kɔma. Alla ya sarati di sayɛ anubɛ lakira ma ka mɔgɛnu faga kɛlɛ anubɛ kɔnkɔ-fitinɛ anubɛ kirayɛ anubɛ sogo-feremɛnu na duninya-tonko-nanɛ wo kelan tɔ.

1 Samuwɛli 6:19

Mari ya kemini bi-wɔrɔnfila faga Isirɛla mɔgɛnu tɔ Bɛti-Simɛsi soe burɔ bawo anu bara anu yɛ layigi tɔn-kenkirɛ burɔ. Nyɔ-mɔgɛnu dira bawo Mari ara mɔgɔ-siyaman faga anu tɔ.