2 Samuwɛli 24:11 - ALLALA KUMƐ

^11-12 Mari ya a fɔ Mansa Dawudala ko-rayennɛ Kadi ye ko, “Ta a fɔ Dawuda ye ko ko sawa ye nyɔ n bi min yirala a la, a ni kelen bi wonu tɔ. A wa fenfen bi kɛ sawɛ rɔ, ale le wo la.” Mansa Dawuda ya a lasɔ min kɛ sɔgɔma,

2 Samuwɛli 24:11 Iomraidhean Croise

2 Samuwɛli 12:1

Mari ya Nɛbi Netan sɔ Mansa Dawuda wara. Nɛbi ke nyɔ, a ya tili tɛgɛ mansɛ ye ko, “Kei fila le taranta so kelen tɔ, fen bi doi bolo, fen sa doi wo bolo.

1 Ko-Kɔrɔta-Karan 2:19

Asubala sayɛ kɔma, Kelabu ya musu-gbɛrɛkɛ furu min tɔgɛ Ɛfarati. Ɛfarati ya den-kei kelen sɔrɔn min tɔgɛ Huri.

1 Ko-Kɔrɔta-Karan 21:9

Ko-rayennɛ min bi Mansa Dawudata wati wo rɔ, wo tɔgɛ le Kadi. Mari ya a fɔ wo ye ko,

1 Ko-Kɔrɔta-Karan 25:5

Alla ya den-kei mɔgɔ tan-ni-nani anubɛ dunmusi mɔgɔ sawa di Himan kɛ ma, mansɛla nɛbi, kɔni. Alla ya lanyiri kiri Himan ye dan kɛnu bara-koe rɔ alako ale Himan wara-koe ni sabati.

1 Ko-Kɔrɔta-Karan 29:29

Ka a bi Mansa Dawudala wulɛ ma ha ka a sigi ala ban la, koe min bɛɛsi mara a wara-koe rɔ, nɛbi mɔgɔ sawa, wo le ya wo sɛbɛ, Nɛbi Samuwɛli wo, Nɛbi Netan wo, anubɛ Nɛbi Kadi, kɔni.

2 Ko-Kɔrɔta-Karan 29:25

Marita Nɛbi Kadi anubɛ Nɛbi Netan, wonu ya Mansa Dawuda makawandi nun ko Lifayi bɔnsɔn ni to karanyanu gbesila anubɛ seremanu anubɛ sɔrɔnnu fɔla Bato-Bɔn la. Ale Mansa Hɛsakaya ya kumɛ wonu to a gbɛ rɔ ata wati rɔ.

1 Samuwɛli 22:5

Nɛbi min tɔgɛ Kadi, wo ya a fɔ Dawuda ye ko, “I kana to sigini yan tɔ. Ta Yuda nyamanɛ rɔ.” Dawuda ya a bɔ nyɔ. A tara Hɛrɛti gbɔngbɔn kɔrɔ.

1 Samuwɛli 9:9

Sɔli ya a fɔ a ye ko, “Tonyɛ le wo la. Ma ta.” Anu tara soe burɔ, nɛbi wo ye kan min. Anu bi so-kɔnkɛ yɛlɛla tumɛ min, anu bɛnta sunkurunnɛ donu na minnu bi tala yi-bi-tinɛ. Anu ya sunkurunnɛ wonu manyinika ko, “Ko-rayennɛ wo ye soe burɔ, wa?” (Wo wati rɔ, anu si nɛbinu kele ko, “Ko-rayennɛ.” Ni Alla-manyinika-sɔgɛ ye mɔgɛ do la, a si a fɔ ko, “Ma ni ta ko-rayennɛ wara.”)