2 Samuwɛli 24:1 - ALLALA KUMƐ

¹ Mari fonde bɔra Isirɛla mɔgɛnu ma tun, woletɔ a ya a ma, Mansa Dawuda ya anu yakɔrɔ-mamɔ. Mari ya a fɔ Mansa Dawuda ye ko, “Ta Isirɛla nyamanita-mɔgɛnu anubɛ Yuda nyamanita-mɔgɛnu dan ka anu yatɛ lɔn.”

2 Samuwɛli 24:1 Iomraidhean Croise

Ko-Dabirɛnu 45:5

Wo kana wo nyɛrɛ ta-a-la hali ka kilan bawo wo ya n mayira kamasɔrɔn wole gba ma. Alla le ya n nana wo yarɔ yan alako n ni wo niyi lakisi.

Ko-Dabirɛnu 50:20

Wole ya ko-yogomɛ sigi n na kɔnɔ Alla ya a yɛlɛma n ye a nyimɛ la alako mɔgɔ siyaman ni kanan n fɛ.

2 Samuwɛli 12:11

Mari ko a ara ban a latɛgɛla ko fɔ ila bonna-mɔgɛ do wa tɔrɔyɛ lana i kuma. A ko fɔ a wa ila musinu bi i bolo ka anu di kei-gbɛrɛkɛ ma. Wo wa ma tumɛ min, i si a lɔn wo rɔ ko a ara min fɔ, tonyɛ le wo la. Kei wo si a sa ila musinu fɛ tele rɔ gbaga!

2 Samuwɛli 16:10

Mansɛ ya a fɔ Abisayi anubɛ a kɔrɔ Yohabu ye ko, “Wota sa kɛ rɔ. Ni Mari le ya a fɔ a ye ko a ni n mamɔɛn, yon si a fɔ a ye ko a kana wo ma?”

2 Mansɛnu 3:6

Wo le ya a ma, Mansa Yɔram bɔra Samariya soe burɔ ka ta Isirɛla kɛlɛ-dan bɛɛsi kundɛn kan-tina-kelen.

1 Ko-Kɔrɔta-Karan 21:1

A sɔgɛ ya Setanɛ bira ka Isirɛla mɔgɛnu tɔrɔ. Woletɔ a ya Mansa Dawuda yisi kɔrɔtugu alako wo ni ala nyamanita-mɔgɛnu dan.

1 Ko-Kɔrɔta-Karan 7:2

Isakarila den Tola ya den-kei mɔgɔ wɔrɔ sɔrɔn, Yusayi wo, Rɛfaya wo, Yɛreyɛli wo, Yameyai wo, Yibisam wo, anubɛ Sɛmuwɛli. Mɔgɔ wɔrɛ kɛnu mara kebila-kunyɛnu na anu fa Tolata kebilɛ rɔ. Anu dama mara kɛlɛ-kurugba-nyananu na. Mansa Dawudata wati rɔ, a kegeyɛ yatɛ bɛnta mɔgɔ waga mogan-ni-fila, mɔgɔ kɛmɛ wɔrɔ (22,600) ma.

1 Ko-Kɔrɔta-Karan 7:40

Min bɛɛsi madannɛ kɛ la, Asɛra sɔrɛ le wonu na. Anu dama mara kebila-kunyɛnu anubɛ kɛlɛ-kurugba-nyananu na. Wati-siyaman-tenbinɛ, kɛlɛ-dan minnu bɔra mɔgɛ kɛnu tɔ, wo le yirika bɛnta mɔgɔ waga mogan-ni-wɔrɔ (26,000) ma.

2 Ko-Kɔrɔta-Karan 32:25

Kɔnɔ Mansa Hɛsakaya wasira ka fisiriwɔlitayɛ telen Mari la, ado Yuda anubɛ Yerusalɛm kɛnu tɔrɔta wola ko la.

Bɔ-Koe-Iyipiti 7:3

N si ale mansɛ yisi gbɛlɛya alako n ni nta kabana-ko-siyamɛ yira a la Iyipiti nyamanɛ rɔ.

Isikiyɛli 14:9

“Ni nɛbi do ya foninya-kumɛ fɔ, nde, Mari le ya a yanfa wo la. Nde nyɛrɛ-nyɛrɛ si nɛbi wo wurun Isirɛla mɔgɛnu tɛma.

Isikiyɛli 20:25

“Wo kɔma, n ya tɔnnu di anu ma minnu si anu tɔrɔ, ado ni anu ya wonu bira, anu si siyimayɛ sɔrɔn.

Saraka-Masɔlɛnuta Tɔnnu 10:6

Musa ya a fɔ Aruna anubɛ ala den-kemini-to filɛ Ɛliyasa anubɛ Itamarayi ye ko, “Wo kana wo kunya-rabɔbɛlɛ to. Wo kana wola durukinu tafara yisi-tinya bolo alako ka a yira mɔgɛnu na ko wo ye dila. Ni mɔgɛnu ya a lɔn ko wo yisi magboyanɛ, wo si faga. Mari si diminya Isirɛla mɔgɛ bɛɛsi ma fanan. Mari nyɛrɛ le ya a ma, tɛ bɔra san ma ka anu faga. Ni di-kɛ-sɔgɛ ye wo ta-nyɔgɛ Isirɛla mɔgɛ toenu na, tana ma wo la.

Kɛwɔlɛnu 4:28

I wara ban koe min bɛɛ latɛgɛla i sɛnbɛ anubɛ i sako rɔ, anu ya anu nadɛn ko anu ni wo ma.

2 Tɛsalonaika 2:11

Wola ko la, Alla si kɔndɔfili-belebele lana alako mɔgɛnu ni la foninyɛ wo la.

Kɛlɛ-Kurugbɛnu 2:14

Woletɔ Mari fonde bɔra Isirɛla mɔgɛnu kan ma. Mari sɔnta ko kankannu ni bui anu ma. Anu yoge minnu bi anuna foolɛ rɔ, Mari sɔnta ko wonu ni Isirɛlanu nɔ. Wo le ya a ma, Isirɛla mɔgɛnu ma ke anu nyɛrɛma-kɛlɛ kɛla.

Kɛlɛ-Kurugbɛnu 2:20

Mari fonde si na bɔ tun ka a fɔ ko, “Mabɛ anu benbanu sarata min ma, mɔgɛ kɛnu bara anutɛ wo tinya.

1 Samuwɛli 26:19

N tigi, n bi min fɔla i ye, i wɔlɔ matɔlɔ wo la. Ni Mari le wara a ma, i wara nɔrɔ n ma, sarakɛ si a ma, ale Mari yisi ni yɛlɛma n bara-koe rɔ. Kɔnɔ ni mɔgɛnu denu gba ye, alamɛ wonu tiginu ya Marita dankɛ sɔrɔn bawo anu bara n gben Marita nyamanɛ rɔ ka n nata nyamani-gbɛrɛ rɔ alako n ni sibolo-gbɛrɛnuna bɛsɛnu kɔ nyɔ.