2 Samuwɛli 23:8 - ALLALA KUMƐ

⁸ Kɛlɛ-kurugba sawɛ minnu madonnɛ Mansa Dawuda la, wonu tɔgɛ le kɛnu na. A fɔlɔtɛ le Yosɛbu-Basɛbɛti la, Takimo kɛ, kɔni. Ale le kɛlɛ-den-kunyɛ la mɔgɔ sawɛ kɛnu tɔ. Lun kelen ale ya mɔgɔ kɛmɛ segin kɛlɛ ka anu damasi faga ala tanbɛ la.

2 Samuwɛli 23:8 Iomraidhean Croise

2 Samuwɛli 10:7

Mansa Dawuda fanan ya wo lamɔɛn min kɛ, a ya ala kɛlɛ-den-kun-tigi Yohabu anubɛ ala kɛlɛ-dan bɛɛsi lata Amonnu kɛlɛ tinɛ.

1 Mansɛnu 1:8

Minnu ma sɔn bilala Adonaya fɛ, wo le, Saraka-Masɔla Sedoki wo, Yɛhoyadala den Bɛnaya wo, Nɛbi Netan wo, Simayi wo, Riya wo, anubɛ Mansa Dawuda makandannɛnu.

1 Ko-Kɔrɔta-Karan 11:10

Dawudala kɛlɛ-kɛla-nyana le kɛnu na. Wonu denubɛ Isirɛla mɔgɛ toenu kofura ale Dawuda ma ka a ma mansɛ la iko Mari ya a fɔ nya min. Anu ya a ma, ala mansayɛ ya fanka sɔrɔn.

1 Ko-Kɔrɔta-Karan 27:1

Isirɛla mɔgɔ-banu anubɛ kebila-kunyɛnu anubɛ bɔnsɔn-kunyɛnu, wonu bi Isirɛla nyamanɛ kumafɛlɛnna. Karɛ-wo-karɛ, kɛlɛ-kurugba-kurɛ si bɔ kɛnu tɔ anubɛ kɛlɛ-den-kura waga mogan-ni-nani (24,000). Anu ya kɛlɛ-kurugba-kurɛ minnu sigi, wonu tɔgɛ le kɛnu na.

1 Ko-Kɔrɔta-Karan 27:2

Anu ya mɔgɔ fɔlɔtɛ min sigi, wo le Sabadiyɛlila den Yasabɛyami la.

1 Ko-Kɔrɔta-Karan 27:32

Mansa Dawuda fa na-kelen-nyɔgɛ min tɔgɛ Yonatan, makawandi-kɛla-nyimɛ anubɛ kɛdi-sɛbɛlɛ le ale la. Mansɛla dannu karannɛ le ale Yonatan anubɛ Hakimɔnila den Yɛhiyɛli la.

Kɛlɛ-Kurugbɛnu 15:15

A ya sofɛlɛ gbaga-gbaga-kole sanɛ yen. A ya wo bi ka Filisiti mɔgɔ waga kelen faga wo la.