2 Samuwɛli 23:14 - ALLALA KUMƐ

¹⁴ Wati wo rɔ, Mansa Dawuda ye kan-tina-latankanɛ wo rɔ. Filisiti donu bara ta Bɛtalehɛm soe bira-a-la.

2 Samuwɛli 23:14 Iomraidhean Croise

2 Samuwɛli 5:17

Filisitinu ya a lamɔɛn min kɛ ko Dawuda ara ma mansɛ la Isirɛla nyamanɛ rɔ, anu ya anuna kɛlɛ-dannu nata a bira tinɛ. Mansa Dawuda fanan ya wo lamɔɛn min kɛ, a tara kan-tina-latankanɛ do rɔ.

1 Ko-Kɔrɔta-Karan 12:16

Lunyɛ do, Bɛnyamɛ bɔnsɔn anubɛ Yuda bɔnsɔn-mɔgɛ donu tara Dawuda taran wulɛ kan-tina-latankanɛ do rɔ.

1 Samuwɛli 10:5

“Wo kɔma, i si ta kan tinɛ do rɔ anu bi min kelela ko Allata kɔnkɛ. Wo ye Kibiya soe burɔ le, Filisitinu si anu daga makɛ kan min. Yanni i ni don soe burɔ, i si bɛn nɛbi-kurɔn donu na. Anu bi saraka-mintan-tina-kɔnkɛ wo yigila. Anu bi sɔrɔnnu anubɛ dundunnɛnu fɔla. Anu bi fulinu fɛla ka bɔlɔnnu fanan fɔ. Nɛbi wonu bi dɔn anubɛ sɔnkɔ-sɔnkɛ kun na.

1 Samuwɛli 13:23

Filisitinu ya kɛlɛ-den-kurɔn donu nata nyɔ ka kɔnkɔ-gbɛran-don-dɛ makandan Mikimasi soe dafɛ.

1 Samuwɛli 13:4

Isirɛla mɔgɛ damasi ya a lamɔɛn ko Mansa Sɔli ara bui Filisitinu ma, ado anu ya a lamɔɛn fanan ko Isirɛla mɔgɛnu gboyanɛ Filisitinu ye lass! Isirɛla mɔgɛ bɛɛ kofura Mansa Sɔli ma Kiligali kɛlɛ rɔ.

1 Samuwɛli 14:6

Yonatan ya a fɔ ala kɛlɛ-miran-madununɛ wo ye ko, “Ma ta Filisiti-kemininyabɛlɛ kɛnu barɛ. Tumado Mari si na ma dɛnbɛ. Ni wo mara, hali ma ma siya nya min kɛ, Mari si a ma, ma ni nɔ-ko sɔrɔn anu ma. Fenfen ti wo tinya.”

1 Samuwɛli 22:1

Dawuda ya a buri ka bɔ Kati soe burɔ ka ta a dogon faran do la Adulam soe dafɛ. Dawuda na-kelen-nyɔgɛnu ya a lamɔɛn min kɛ ko a ara ta faran wo la nyɔ, anu tara kofu a ma nyɔ.

1 Samuwɛli 24:22

Dawuda ya lanyiri kiri Mansa Sɔli ye. Mansɛ anubɛ ala kɛlɛ-dannu tara soe. Dawuda anubɛ ala keminɛnu sɛgira anu kɔma anu dogon-tina-kɔrɛnu tɔ.