2 Samuwɛli 23:10 - ALLALA KUMƐ

¹⁰ Ale sɔra a gbɛ rɔ gben! A ya Filisitinu matɛgɛ furr, ha a bole kankanta ala faan ma. Mari ya a ma, anu ya nɔ-ko sɔrɔn wulɔn tele rɔ. Kɛlɛ kanɛ a la, Isirɛla mɔgɛnu tara ale Ɛliyasa taran alako anu ni furi wonu bolo-fannu bi.

2 Samuwɛli 23:10 Iomraidhean Croise

2 Samuwɛli 23:12

Kɔnɔ Sama ya a sɔ gben, ka dugi wo kumafunfan. A ya Filisiti mɔgɔ-siyaman faga. Mari ya a ma, anu ya nɔ-ko sɔrɔn wo rɔ.

2 Mansɛnu 5:1

Siriya kɛlɛ-den-kunyɛ do ye nyɔ nun min tɔgɛ Neyaman. Wo ye gbiliyɛ rɔ Siriya mansɛ bolo bawo Mari ara ale Neyaman dɛnbɛ ko a ni nɔ-ko sɔrɔn a yogenu ma, ado kurugba-bɛrɛbɛrɛ le ale la kɔnɔ yaga, kiraya-yogomɛ do ye a fɛrɛ ma.

1 Ko-Kɔrɔta-Karan 11:13

Lunyɛ do, Filisitinu nara Dawuda kɛlɛ tinɛ Pasidami soe dafɛ. Anu ya Isirɛla kɛlɛ-dannu kɛlɛ sɛnɛ do rɔ kɔnɔ Isirɛla kɛlɛ-den-toenu ya anu buri ka ale Ɛliyasa anubɛ Dawuda to sɔni nyɔ.

Yaburi 108:13

Ni ile Alla ye ma fɛ, fɔ ma wa nɔ-ko sɔrɔn. Ma si ma yogenu nɔ le worɔ feu!

Yaburi 144:10

I ye nɔlɛ dila mansɛnu ma ka nde, ila wɔli-kɛlɛ Dawuda latanka.

Yaburi 68:12

Anu bi tala a fɔla ko, “Mansɛnu anubɛ anuna kɛlɛ-dannu bi anu burila.” Mɔgɔ-burinɛ wonu ya miran minnu to, musinu bi wonu farala anu nyɔgɔn na.

Aiseya 53:12

Mari ko a si mɔgɔ-siyaman ma aletɛ la. Mɔgɔ-siyaman si ma a halalɛ la iko mansɛnu bi fan min sɔrɔnna kɛlɛ rɔ. A ya a nyɛrɛ niyi di foninsereyɛ la. Mɔgɛnu ya a bira iko ko-yogoma-kɛlɛ A tara mɔgɔ-siyaman hakɛ la a bolo ka makotolɛ nyini hakɛ-tiginu ye a bolo.

Romu 15:18

N sa kuma-gbɛrɛkɛ fɔla fɔ Kirasiti ya min ke nde warala dɔrɔn. Sibolo-gbɛrɛnu bara Allala kumɛ bira ka a tɛgɛ nde, Pɔlila kawandilɛ anubɛ n kɛ-nya ma.

2 Kɔrɛnti 4:5

Ma sa ma nyɛrɛta koenu kawandili bɔla. Ma ye kawandili bɔla ko Yisa Kirasiti, Mari le. Ma ko male nyɛrɛ le wota wɔli-kɛlɛnu na Yisala ko la.

Yasowa 10:10

Mari ya a ma, Amora mɔgɛnu kilanta bɛrɛkɛ ha anu kumakɔra. Woletɔ Isirɛla mɔgɛnu ya Amora mɔgɛ wonu siyaman faga Kibiyon soe rɔ. Isirɛla mɔgɛnu ya anu gben kilɛ la kɔnkɛnu tɔ Bɛti-Hɔrɔn soe dafɛ ha ka ke Asika soe ha Makida soe ma.

Yasowa 10:42

Yasowa anubɛ ala kɛlɛ-dannu ya sɛnbɛ sɔrɔn kɛlɛ-wa-kelan wo rɔ bawo Isirɛlata Mari Alla ya kɛlɛ wo kɛ anu ye.

Yasowa 11:8

Mari ya mɔgɛ wo bɛɛ don Isirɛla mɔgɛnu bolo. Anu ya anu bɛɛ gben ha ka ke Saidon soe burɔ anubɛ Misirofa-Maim ha ka ke Misipa lɛɛ rɔ tele-bɔɛ wara la. Mɔgɔ-wo-mɔgɔ ma to a niyi la. Anu ya anu bɛɛsi faga.

Kɛlɛ-Kurugbɛnu 15:14

Anu ke Gbaga-Gbaga-Koloya soe ma, Filisitinu burimatoe le nara a magbenna. Anu bi sɛrɛn-sɛrɛnna a ma. Marita sɛnbɛ yigira Samsin kuma. A ya fanka sɔrɔn. A ya yili wo ratɛgɛ a bole ma iko yesekari-lamurunnɛ.

Kɛlɛ-Kurugbɛnu 15:18

Ale Samsin kan lagbalata dɔgɔma-ma-de! A ya Mari rakele, a ko, “I wara a ma, n bara mɔgɛ kɛnu nɔ bi. Kɔnɔ n kan la ara gbala nya min kɛ la, Filisiti-kemininyabɛlɛ kɛnu si na n suyi taran kɔrɛ, yɔ!”

1 Samuwɛli 11:13

Kɔnɔ Mansa Sɔli ya a fɔ anu ye ko, “Wo kana mɔgɛ faga bi bawo Mari ara Isirɛla mɔgɛnu natanka bi.”

1 Samuwɛli 14:23

Anu tara kɛlɛ kɛla furr, fɔɔ Bɛti-Efɛn soe kɔma. Mari ya Isirɛla mɔgɛnu natanka wulɔn de!

1 Samuwɛli 14:6

Yonatan ya a fɔ ala kɛlɛ-miran-madununɛ wo ye ko, “Ma ta Filisiti-kemininyabɛlɛ kɛnu barɛ. Tumado Mari si na ma dɛnbɛ. Ni wo mara, hali ma ma siya nya min kɛ, Mari si a ma, ma ni nɔ-ko sɔrɔn anu ma. Fenfen ti wo tinya.”

1 Samuwɛli 17:53

Anu bɔɛ anu gbere la, anu ya Filisitinu bolo-fannu bi anuna dagɛ rɔ.

1 Samuwɛli 19:5

A ya a niyi fili ka Kolati faga. Mari ya nɔlɛ di Isirɛla mɔgɛnu ma wo wati rɔ. Ile nyɛrɛ ya wo yen tumɛ min, i sewara. Nfenna worɔ, a sɔgɛ ye i la, i ni baga Dawuda ma fufafu, ado ale ma ko tinya i ma?”