2 Samuwɛli 22:7 - ALLALA KUMƐ

⁷ N bi yakɔrɔ-mamɔɛ wo la n bolo tumɛ min, n ya nta Mari Alla rakele alako a ni n dɛnbɛ. A ya n kan wo lamɔɛn ata Bato-Bon-sɛnimɛ la. A ya a wɔlɔ matɔlɔ n di-kɛ-kan la.

2 Samuwɛli 22:7 Iomraidhean Croise

Yaburi 107:6

Wo tumɛ anu bi tɔrɔyɛ wo rɔ, anu dira Mari dala. A ya anu kunyɛ bɔ nyankankantan wo rɔ.

Yaburi 116:4

Wo le ya a ma, n ya Mari rakele n ko, “I yandi, n Mari, n nakanan!”

Yaburi 120:1

N bi nanparan rɔ tumɛ min, n ya Mari rakele n dɛnbɛn-koe la, ado a ya n denkun.

Yaburi 18:6

N bi yakɔrɔ-mamɔɛ wo la n bolo tumɛ min, n ya nta Mari Alla rakele alako a ni n dɛnbɛ. A ya n kan wo lamɔɛn ata Bato-Bon-sɛnimɛ la. A ya a wɔlɔ matɔlɔ n di-kɛ-kan la.

Yaburi 27:4

N bara Mari manyinika ko kelen pe lela ko ma. N bi nyinina wo le ma a bolo, wo le, ka n siyi-tele mumɛ bɛɛ dunu Mari Bato-Bɔn la. Wo si a ma, n ni to kawala ata nyimayɛ ma nyɔ rɔ ka to hɛnkili sɔrɔnna a bolo.

Yaburi 34:6

Bolo-kolɔnnu ba di a dala, Mari si a wɔlɔ matɔlɔ anuna di-kɛ-kan la ka anu madɛnbɛ. A si anu bɔ anuna yakɔrɔ-mamɔɛnu tɔ.

Bɔ-Koe-Iyipiti 3:7

Mari ya a fɔ ko, “Nta mɔgɛ minnu bi Iyipiti, n bara wonuna tɔrɔyɛ yen yati! Anuna wɔli-kunyɛnu bi min mala anu na, n bara wo lɔn ka anu di-kɛ-kannu namɔɛn. N bara anuna yisi-lafinyɛ lɔn.

Yona 2:4

N ya a lɔn nun ko i wara n kɔn. N ya a lɔn nun ko n ti ita bon-sɛnimɛ yen tun.

Yona 2:7

N ya a lɔn tumɛ min ko n bara gbɛrɛn kanba-dɛ ma, n ya ile Mari matara. I ya n kuman-kan lamɔɛn ita bon-sɛnimɛ la.

Habakuku 2:20

Mari ye a warɛ Arinyɛni tɔ. I tenbi a yakɔrɔ, mɔgɛ bɛɛ ni a sigi-a-la don!

Luka 22:44

Yisa tɔrɔta bɛrɛkɛ min kɛ, a ya madiyali kɛ bɛrɛkɛ! Wusi bɔra a ma iko yele ka tinti dugi ma.

Hiburunu 5:7

Yisa ye dugu-kole kɛ kuma tumɛ min, Alla min si ke a kisila sayɛ ma, a ya wo madiya a kulu-mayɛlɛnɛ anubɛ diyi la a bolo. Alla ya a wɔlɔ matɔlɔ Yisa la bawo a ya a famayigi ka madiyali kɛ, ado a telenta.

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!