2 Samuwɛli 22:48 - ALLALA KUMƐ

⁴⁸ Ale le ye a mala, n bi n yogenu nɔla ka sibolo-gbɛrɛnu don nna sɛnbɛ kɔrɔ.

2 Samuwɛli 22:48 Iomraidhean Croise

2 Samuwɛli 18:19

Sedokila den Ahimahasi ya a fɔ Yohabu ye ko, “A ma, n ni n buri tala ka kuma-nyimɛ kɛ fɔ mansɛ ye ko Mari ara a lakisi a yogenu ma.”

2 Samuwɛli 18:31

A ma mɛ, Itiyopiya kɛ wo fanan kera mansɛ ma. A ko, “N tigi, kuma-nyimɛ ye n bolo n bi min fɔla i ye. Mɔgɛ minnu bara murutiya i ma, Mari ara a ma, i wara nɔ-ko sɔrɔn wonu ma bi.”

2 Samuwɛli 4:8

Wo wulun sɔgɔma, anu kera Hiburɔn soe burɔ. Anu ya a kunyɛ yira Dawuda la. Anu ko, “I yoge Mansa Sɔli min bi i faga-koe rɔ nun, wola den Mansa Isibosɛti kunyɛ le kɛ la. Mari ara sɔn i tayili-sara-koe ma Sɔli anubɛ a bɔnsɔnnu na bi.”

Yaburi 110:1

Mari ya a fɔ nna mansɛ ye ko a ni a sigi a bolo-nyimama-kɔɛn wara la ha ale Mari ni ale mansɛ yogenu sa a kin kɔrɔ.

Yaburi 144:2

N keninte le ale la min si n kumafunfan. N kandannɛ anubɛ nna kisilɛ le ale la. Nna nɛgɛ-lufɛ le ale la min si n kandan kɛlɛ rɔ. A ye sibolo-gbɛrɛnu nɔla n ye ka n ma mansɛ la wonu kuma.

Yaburi 94:1

Mari, Alla le ile la min si karagbɛlɛnu tɔrɔ. Ita fondo-bɔɛ yira anu na.

1 Kɔrɛnti 15:25

ado a fɛrɛ sa fɔ Kirasiti ni kun-tigiyɛ kɛ ha Alla ni a yoge bɛɛsi ladon a kin kɔrɔ.

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

1 Samuwɛli 24:12

Alamɛ Mari ya kiti tɛgɛ ma tɛma ka yoe di yo-tigi ma. Alamɛ Mari ya i tɔrɔ ila ko-yogomɛla ko la nde wara la kɔnɔ nde ti ko-yogoma ma i la.

1 Samuwɛli 25:30

Mari ara lanyiri min bɛɛsi kiri i ye, a si wonu natɔnbagaya ka i ma Isirɛla mɔgɛnuna mansɛ la.

1 Samuwɛli 25:39

Dawuda ya a lamɔɛn tumɛ min ko Nebali ara faga, a ko, “Mari ni tanto! Nebali kɛ le ya n mɔɛn, ado i wara n tayili sara a la. Mari ara a ma, n ma ko-yogoma ma. Mari ara Nebali tɔrɔ ala wunduyogoyɛla ko la.” Dawuda ya a sara Abigɛli wara a furu-koe rɔ.