2 Samuwɛli 22:3 - ALLALA KUMƐ

³ Nta farɛ le Alla la n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

2 Samuwɛli 22:3 Iomraidhean Croise

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

2 Samuwɛli 22:31

“Mata Allala ko-ladan-nyanu telenta. Fɛɛ-wo-fɛɛ sa ala kumɛnu na. Ale manɛ nɛgɛ-walan la wonu ye min bi kisi tinɛ nyinina ale bolo.

2 Samuwɛli 22:47

“Ale Mari ye nyɔ. Nta farɛ le ale la min si n kandan. Ale Alla min makawara, min ya n nakisi, a bɛnta n ni ale matɔgɔ!

2 Samuwɛli 22:49

Ale le ye n bɔla n yogenu bole la ka n nafɛrɛ. “E, Mari, i ye a mala, n bi nɔ-ko sɔrɔnna n yogenu ma. I ye n nakananna karagbɛlɛnu masibɛ ma.

2 Samuwɛli 22:51

Ale Alla le ye a mala, nde ata mansa-yabɔnɛ ni nɔ-ko sɔrɔn. A ye ata keninteyɛ yirala nde, Dawuda anubɛ n kegeyɛ la burubukai!”

2 Samuwɛli 23:3

Mata farɛ le Alla la min bi Isirɛla mɔgɛnu natankala. Wo le ya a fɔ ko mansɛ min bi mansayɛ kɛla telenbagayɛ la ka Alla sako kɛ,

Yaburi 14:6

Miriya min bi mɔgɔ-famayiginɛnu bolo, karagbɛlɛnu kɛnɛna wonu tinyana. Kɔnɔ hali wo, Mari ye ale mɔgɔ-famayiginɛnu dɛnbɛna.

Yaburi 140:1

E, Mari, n nakisi wunduyogenu masibɛ ma. N nakanan karagbɛlɛnu ma.

Yaburi 140:11

Minnu bi ma tɔgɛ malibi-libila, alamɛ wonu wara-koe diginta bore la map! Minnu bi wunduyogoyɛ mala, alamɛ karagbɛlɛyɛ ya wo manɛgɛn ka wo lato dogbe!

Yaburi 140:4

E, Mari, n nakisi karagbɛlɛnu sɛnbɛ ma. Minnu bi n nabui-koe rɔ, wonu kana na n nɔ.

Yaburi 142:4

N ba n yɛ lasɛgi tumɛ min, n ti n dɛnbɛna fenfen yen. N buri-kɛ-tina-wo-tina sa. Mɔgɔ-wo-mɔgɔla ko sa nna ko rɔ.

Yaburi 144:2

N keninte le ale la min si n kumafunfan. N kandannɛ anubɛ nna kisilɛ le ale la. Nna nɛgɛ-lufɛ le ale la min si n kandan kɛlɛ rɔ. A ye sibolo-gbɛrɛnu nɔla n ye ka n ma mansɛ la wonu kuma.

Yaburi 18:2

Mari le n natankalɛ la. Nna tarɛ le ale la, n si kisi ale le tɔ. Ale le si n tanka ko-yogomɛ ma. Nta farɛ le Alla la, n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

Yaburi 27:5

N tenbi tɔrɔyɛ rɔ, a si n nakanan. A si n nakanan ata Bato-Bɔn la. A si n sigi fara-kolo-wɛ kuma n si kisi kan min.

Yaburi 28:7

N natankalɛ anubɛ n nakanannɛ le ale Mari la bawo n lanɛ a la. A ye n dɛnbɛna ka n nanyagalen woletɔ n si sewa-bɛtinu bɔ a ye.

Yaburi 3:3

Kɔnɔ Mari, ile le si n matanka gbalo ma, ado ile le ye a mala fanan, n ni nɔ-ko sɔrɔn ha n kun na ni yiri.

Yaburi 32:7

N dogon tinɛ le ile la. Ile si n nakisi tɔrɔyɛ ma. N si kanan-ko-bɛti bɔ bawo i ya n nakisi.

Yaburi 46:1

Ma latanka-tinɛ anubɛ ma sɛnbɛ le Alla la. Ma tenbi tɔrɔyɛ rɔ, a rabɛnnɛ ma dɛnbɛn-koe la tuma-wo-tuma.

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 46:2

Hali duninya mumɛ bɛɛ ramagara, ma ti kilan. Hali kɔnkɛ bɛɛ buira kɔgɔ-yi-dumɛ rɔ, ma ti kilan.

Yaburi 46:7

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 5:12

Mari, minnu bi ita kumɛ birala anu bolo filɛ la, wonu si ita duwɛ sɔrɔn. Keninteyɛ min bi i bolo anuna ko la, wo mani de iko nɛgɛ-walan min bi anu natankala kɛlɛ rɔ.

Yaburi 55:9

E, n tigi, anu kan yabasan. Anu kana na anu nyɔgɔn kuli ragbɛ. N bi mɔgɛnu yenna kɛlɛla ka yakɔrɔ-mamɔɛ lana soe burɔ.

Yaburi 59:16

Kɔnɔ nde si ita fankalamaya-sigi sa. Ka a tɛgɛ ila hinɛ ma, n si n kuli mayɛlɛ sigi sa tinɛ sɔgɔma-wo-sɔgɔma. N natanka tinɛ le ile la. I mara n kisi tinɛ la n tɔrɔya-wati rɔ.

Yaburi 61:3

bawo n natankalɛ le ile la. Nna tarɛ le ile la n yogenuna ko la.

Yaburi 71:7

N kɛ-nya manɛ misalɛ la mɔgɛnu ye bawo i wara ma n natanka-tina-gbɛlɛmɛ la.

Yaburi 72:14

Minnu bi bolo-kolɔn bira boloko-yogomɛ-kɛla ka anu tɔrɔ, ale mansɛ si wonu tɔrɔ bawo bolo-kolɔn wonu niyi-sɔnkɔ sa.

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Yaburi 84:9

E, Alla, ita duwɛ layigi mala mansɛ kuma min si ma lakanan. Duwɛ layigi ale mansɛ kuma, ile nyɛrɛ ya min yabɔ.

Yaburi 86:14

E, Alla, mɔgɔ-wasinɛnu bi nala n kan ma. N faga-sɔgɛ ye karagbɛlɛ kurɔn kɛnu denu na, ado anuna ko sa ila ko rɔ.

Yaburi 9:10

Mari, minnu ya i lɔn, wonu lara i la kosɛbɛ! Min bi nala ile ma, i ti wonu boloka.

Yaburi 9:9

Mɔgɔ-tɔrɔnɛnu dogon tinɛ le Mari warɛ la. Anu tenbi kɔndɔfili rɔ, i si anu natanka.

Bɔ-Koe-Iyipiti 15:2

Ma kisilɛ le mata Mari la min si ma kunyɛ bɔ gbaran rɔ. Ma fanuta Alla le, ma si min gbiliya. Ma nyɛrɛta Alla le, ma si min tanto.

Hɛnkilimaya-Kumɛnu 18:10

Mari le mɔgɔ niyi lakisilɛ la iko so-latankanɛ, telenbagɛnu si anu buri ka ta anu dogon kan min.

Hɛnkilimaya-Kumɛnu 30:5

“Allata kumɛ bɛɛsi sɛninyani de! Fɛɛ sa anu na. A si ma tanka iko nɛgɛ-walan si kɛlɛ-kurugbɛ latanka nya min.

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Aiseya 32:2

Anu kelen-kelennamɛ-bɛɛ si ma iko toge min si mɔgɛnu tanka bandɛ anubɛ fɔnyɔ ma. Wonu si ma iko yi-kimɛ dugu-ragbalanɛ rɔ. Anu si ma iko fara-gbilɔn-bɛ-ninɛ dugu-fafanɛ rɔ.

Aiseya 45:21

Wo na kumɛ kɛ la kiti-bɔn la. Wo fɛkalɛnu ni anu nyɔgɔn kundɛn. Koe minnu bara ma kaka, yon bara wo fɔ wo ye nun kɔrɔma la? Ale Mari Alla le ya wo fɔ, min bi ala mɔgɛnu kisila, kɔni. Alla-wo-alla sa nyɔ ale kɔma.”

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Yɛrɛmaya 16:9

Isirɛlata Mari Sɛnbɛ-Bɛɛ-Tigi Alla ko a ti mɛ tun, a si tɔn sigi sewɛ anubɛ nyagalan la kan tinɛ kɛ rɔ. A si tɔn sigi kɔnyɔ-masɔ-ladiyɛla sewɛ la, ado a ko kɛ bɛɛ si ma n siyi-tele kɔrɔ.

Luka 1:47

N niyi sewanɛ nna kisilɛ Allala ko la

Luka 1:69

A ara kisilɛ-sɛnbɛmɛ lawuli ma ye min bɔnɛ Mansa Dawuda bɔnsɔn rɔ.

Luka 1:71

a si ma kisi ka ma bɔ ma yogenu bolo. Minnu bara ma kon, a ya ma bɔ wonuna sɛnbɛ kɔrɔ.

Tɔn-Fɔɛ-Fila-Nyɔgɛ 32:37

Mari si wo manyinika worɔ ko, ‘Wola bɛsi-makawanɛ minnu bi wo bolo nun, wonu bi mintɔ kaka? Farɛ minnu bi wo yogenu bolo nun, wo lara minnu fanan na, wonu bi mintɔ?’

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.

Tɔn-Fɔɛ-Fila-Nyɔgɛ 33:29

Wole Isirɛla mɔgɛnu, duwa-dan le wole la. Sibolo-gbɛrɛkɛ sa minnu bi iko wole bawo Alla ya wole kisi. Wo kandan-fan le Mari la anubɛ wola kɛlɛ-kɛ-faan. A ye wo tankala ka nɔlɛ di wo ma. Wo yogenu si kilan wo la ka dɛgɛ min wo ye. Wo si anuna bɛsɛ kɔ tinɛnu tinya.”

Taita 3:4

Kɔnɔ ma kisilɛ, Allata nyimayɛ anubɛ keninteyɛ bɔra gbɛ rɔ ma ye tumɛ min,

Taita 3:6

ado Alla ara ata Ni-Sɛnimɛ labɔn ma kuma bui! A ya wo ma ma kisilɛ Yisa Kirasiti baraka le tɔ.

Hiburunu 2:13

A ko fanan, “N si n yigi sa Alla kuma.” Wo kɔma, a ko, “Alla ara dan minnu di n ma, mabɛ wonu bi yan.”

1 Samuwɛli 2:1

Hana ya Mari bato. A ko, “Mari ara n yisi lafa sewɛ la. N sewanɛ bawo Mari ara min ma n ye. N si yɛlɛn de n yogenu ma gbɛ! N nyagalennɛ bawo Alla ara n dɛnbɛ.

1 Samuwɛli 2:2

“Mɔgɔ-wo-mɔgɔ sɛninyani ma iko Mari, ado a nyɔgɔn sa. Fenfen sa nyɔ min si mɔgɔ matanka iko mata Alla kɛ.