2 Samuwɛli 21:6 - ALLALA KUMƐ

⁶ Woletɔ wo ni kei mɔgɔ wɔrɔnfila bira, a kegeyɛnu, kɔni, ka wonu don ma bolo. Ma si anu faga ka anu dun kɔlɔma ma Kibiya soe burɔ Mari yala. Mari ya ale Sɔli min yabɔ ka a ma mansɛ la, a sɔrɔn-soe le Kibiya soe wo la.” Mansa Dawuda ko, “N si anu don wo bolo iko wo ara a fɔ nya min.”

2 Samuwɛli 21:6 Iomraidhean Croise

Ko-Dabirɛnu 40:19

Ile ye tele sawa pe le bɔla. Wo kɔma, mansɛ si i kunyɛ tɛgɛ a dagɛ rɔ ka i don kɔlɔma ma. Konanu si i tɛgɛ kon!”

Ko-Dabirɛnu 40:22

Kɔnɔ a ya ala biredi-mintannɛ wo don kɔlɔma ma iko Yusufu ya anuta kiyonu kɔrɛ fɔ anu ye nya min nun.

2 Samuwɛli 17:23

Ahitafɛli ya a yen min kɛ ko anu sa ata kawandili-kan birala tun, a ya kirikɛ sa ala sofɛlɛ kuma. A sigira a la ka a warɛ-kilɛ bira. A ke a warɛ-soe burɔ, a ya a kɛɛ ratala. A ban wo la, a tara a dun kɔlɔma la ka a nyɛrɛ faga. Anu ya a furi bi ka ta a togon anuta kebila kaburu-soe la.

2 Samuwɛli 18:10

Mansɛla kɛlɛ-dan do ya ale Abasalɔm dunnɛ yen kɔlɔma-kuri wo la. A tara wo fɔ Yohabu ye.

2 Samuwɛli 19:28

A bɛnta nun, i ni n fala kebilɛ bɛɛsi lato kɔnɔ hali wo, ile ara i don n dunɛ kɔrɔ ka ma de-nyini kan-tina-kelen. N tigi, a ma bɛn, n ni i manyinika ko-nyima-wo-ko-nyima ma tun.”

1 Ko-Kɔrɔta-Karan 12:3

Anuna kɛlɛ-den-kunyɛ le Sɛmahala dannu na, Ehayisa anubɛ Yohasi. Kibiya kɛ le anu denu na. Kɛlɛ-dan minnu bi kɛnu kɔrɔ, wonu tɔgɛ le kɛnu na. Asamafɛtila dannu Yɛsiyɛli anubɛ Pɛlɛti Bɛreka anubɛ Yehu ka bɔ Anatɔti soe burɔ

Ɛsira 6:11

Ni min ya n kan kɛ bɔ a gbɛ rɔ, wo si wo tigila bon-kɔn do sagan a rɔ ka a lasulen ka wo sɔrɔngbɔ ale mɔgɛ wo rɔ. Wo wa ka-a-la, wo si ala bɔn wo ma sundu-kunyɛ la.

Matiyu 27:5

Yudasi ya wodi wo fili Alla-Bato-Bɔn burɔ. A tara. Wo kɔma, a tara a nyɛrɛ dun yili la.

Kɛwɔlɛnu 13:21

Kɔnɔ anu nɔrɔta mansaya-koe ma min kɛ, Alla ya Kisila dan Sɔli di anu ma ka bɔ Bɛnyamɛ bɔnsɔn rɔ alako wo ni ma anuna mansɛ la. A tora mansayɛ la san bi-nani kɔrɔ.

Tɔn-Fɔɛ-Fila-Nyɔgɛ 21:22

“Ni mɔgɛ ya ko-yogomɛ ladan min si a ma, anu ni a faga, ni anu ya wo furi dun kɔlɔma la ka a ma tamasere la,

Yasowa 10:26

Wo kɔma, Yasowa ya mansa lolɛ wonu faga ka anu furi dun kɔlɔma loli ma ha wurɛ la.

Yasowa 8:29

A ya Eyai mansɛ dun kɔlɔma la ha wurɛ la. Tele mayigira tumɛ min, Yasowa ya a fɔ mɔgɛnu ye ko, “Wo ni a layigi ka bɔ kɔlɔma la ka a furi sa tarɛ dɛ la. Wo ni kuru-kundinu nadɛn a kuma.” Anu ya a ma iko Yasowa ya a fɔ anu ye nya min. Ha bi, wo ye nyɔ.

1 Samuwɛli 10:1

Samuwɛli ya dantɛgɛ-tuli do bi ka a kɛ Sɔli kunyɛ rɔ ka a sunbu. A ko, “Mari ara ile le yabɔ ka ma mansɛ la Isirɛla mɔgɛnu kun na. I si mansayɛ kɛ Marita mɔgɛnu kun na ka anu matanka anu yogenu ma minnu bi anuna foolɛ rɔ. I wa bɔ n dafɛ bi, i si kemini fila taran Resɛli kanbɛ dafɛ Sɛlɛsa soe kɔma Bɛnyamɛta nyamani-dan la. Kemini filɛ wonu si a fɔ i ye ko, ‘I ye sofɛlɛ minnu nyinina nun, wonu bara yen.’ Anu si a fɔ tun ko, ‘I fa hɔnni ma sofɛlɛ wonu wara-koe la tun. A hɔnnɛ ile le wara-koe la gbɛ bawo tuma-wo-tuma, a ye a fɔla ko a ma a lɔn a si min ma ala dan wara-koe rɔ. Wo bɛɛ wa ma tumɛ min, wo le ye a yirala i la ko Mari le wara i yabɔ ka i ma mansɛ la.’

1 Samuwɛli 10:24

Samuwɛli ya a fɔ mɔgɛnu ye ko, “Wo ara a yen Mari ara mɔgɛ min yabɔ? A nyɔgɔn-takɛn sa wo do-wo-do rɔ yan tɔ.” Mɔgɛ wo bɛɛ ya anu kan nabɔ anu nyɔgɔn fɛ anuna mansa kura wo ye ko, “Alamɛ i mɛra!”

1 Samuwɛli 10:26

Sɔli fanan sɛgira a warɛ Kibiya soe burɔ. Alla ara minnu yisi yɛlɛma, wo mɔgɔ-malɔnnɛ donu bilara a fɛ.

1 Samuwɛli 11:4

Anuna kilayɛ kera Kibiya soe burɔ Mansa Sɔli ye kan min. Anu ya nimisa-koe wo rakaran anu ye min kɛ, mɔgɔ damasi donta diyi-kɛ rɔ.

1 Samuwɛli 24:21

A ya a fɔ Dawuda ye tun ko, “I keli n ye Mari yakɔrɔ bi, ko i ti n tɔgɔ latunu ka n mamanɛnu nato.”

1 Samuwɛli 24:22

Dawuda ya lanyiri kiri Mansa Sɔli ye. Mansɛ anubɛ ala kɛlɛ-dannu tara soe. Dawuda anubɛ ala keminɛnu sɛgira anu kɔma anu dogon-tina-kɔrɛnu tɔ.