2 Samuwɛli 21:16 - ALLALA KUMƐ

¹⁶ Filisiti kɛ do ye nyɔ, a yan, ado a kunba. A tɔgɔ le Isibi-Bɛnabi. Ale le si ta sila-tanbɛ la a bolo. Wola gbiliyɛ anubɛ yi kalon-talɛ rakɛn de! Faan-kurɛ ye a bolo fanan. Ale ya a lɔn ko a si Mansa Dawuda faga le.

2 Samuwɛli 21:16 Iomraidhean Croise

Ko-Dabirɛnu 14:5

A san tan-ni-nani nyɔgɛ ma, Mansa Kɛdolama anubɛ mansɛ minnu bi a dafɛ tele bɔɛ wara la, wonu tara sibolo-gbɛrɛkɛ-mɔgɛnu kɛlɛ tinɛ. Anu ya mɔgɔ-layan-bɛnu kɛlɛ Asirokanam soe burɔ. Anu ya Susinnu kɛlɛ Hama soe burɔ. Anu ya Eminnu kɛlɛ Kiriyateyim lɛɛ rɔ.

Ko-Dabirɛnu 6:4

Nima-fan wonu ya anu sa dunmusi wonu fɛ tumɛ min, dunmusi wonu ya mɔgɔ-yan-bɛnu sɔrɔn. Dan wonu denu mara sɛnbɛ-tiginu anubɛ tɔgɔlamɛnu na.

2 Samuwɛli 21:18

Lunyɛ do, anu tara Filisitinu kɛlɛ kan tinɛ do rɔ min tɔgɛ Kɔbu. Wati wo rɔ, Husayi kɛ Sibɛkayi ya Filisiti-yan-bɛ do faga min tɔgɛ Safi.

2 Samuwɛli 21:20

Anu tara ka Kati kɛnu kɛlɛ tun. Mɔgɔ-yan-bɛ do ye nyɔ, a bolo-kɔlɔni wɔrɔ, a kin-kɔlɔni wɔrɔ.

2 Samuwɛli 21:22

Mɔgɔ nanɛ minnu faganɛ kɛ la, mɔgɔ-sɛnbɛlama-wɛ minnu bi Kati soe burɔ, wonu kegeyɛ le kɛnu na. Dawuda anubɛ ala kɛlɛ-dannu denu ya wonu faga.

2 Samuwɛli 5:18

Filisiti kɛlɛ-dan wonu tara Rɛfayim lɛɛ bira-a-la ka anu daga makɛ nyɔ.

Yilan-Yilan Koe 13:28

Kɔnɔ hɛɛ, Kenan nyamanɛ wo gbɛlɛ! Nyɔ ragbɛlɛ! Fanka-tigi gbansannu bi nyɔ. Nyamanɛ wo soenu kolo dɔgɔma-ma-de, anubɛ a tara-belebele-wɛ minnu nadannɛ kuri la, mɔgɔ ti ke ka anu nɔ nyɔ. Wo kɔma, ma ya mɔgɔ-kinama-belebele-wɛnu yen nyɔ.

Tɔn-Fɔɛ-Fila-Nyɔgɛ 1:28

Ma ye tala nyɔ nfenna? Ko-lakɔrɔsilɛ minnu tara, wonu bara ma rakilan. Anu ko mɔgɛ minnu bi nyɔ, wonu kolo, ado anu yan ma ko. Anu ko tara-layan-bɛnu mininɛ anuna soenu ma sokesoke! Anu ko mɔgɔ-yan-bɛnu bi nyɔ minnu makilannɛ.’

Tɔn-Fɔɛ-Fila-Nyɔgɛ 2:10

(Fɔlɔfɔlɔ nun, mɔgɔ-makilannɛ siyaman bi Ari soe burɔ anu bi minnu kelela Iminnu. Anu yan ferengben iko Anakim mɔgɛnu.

Tɔn-Fɔɛ-Fila-Nyɔgɛ 2:11

Anu si kɛnubɛ Anakim mɔgɛnu kele ko Rɛfɛnnu kɔnɔ Mohabu kɛnu bi anu kelela ko mɔgɔ-makilannɛnu.

Tɔn-Fɔɛ-Fila-Nyɔgɛ 2:21

Samisumi kɛnu yan iko Anakim mɔgɛnu yan nya min. Fanka ye anu na, ado anu siya nun. Kɔnɔ Mari ya a ma, Lɔti kegeyɛ, Amonnu, kɔni, ya Samisuminu kɛlɛ ka anu faga. Anu sigira anuna nyamanɛ rɔ.

Tɔn-Fɔɛ-Fila-Nyɔgɛ 3:11

(Mansa Ɔku kelen pe le tonɛ a niyi la nun Rɛfɛnnu tɔ. Kɔnɔ tɔ-a-la, anu ya a faga. A ya ala nɛgɛ-sofa min nadan, wola yanyɛ, nunkan-nya kɔnɔntɔ. A kɔnɛ, nunkan-nya nani. Ha kaka, ala nɛgɛ-sofa ye Raba soe burɔ Amonnuna nyamanɛ rɔ.)

Tɔn-Fɔɛ-Fila-Nyɔgɛ 9:2

Mɔgɛ wonu fanan yan, anu kolo gbɛlɛ! Mɔgɛnu kɛnɛna a fɔla ko mɔgɔ-wo-mɔgɔ ti kɛnu nɔ!

Yasowa 11:22

Yasowa ya kɛlɛ kɛ kan min, Anakim bɔnsɔn-mɔgɛ bɛɛ fagara nyɔnu tɔ. Kɔnɔ donu tora Kesa soe burɔ anubɛ Kati soe burɔ anubɛ Asadadi soe burɔ bawo kɛlɛ ma ke wɛ nyɔ.

Yasowa 15:14

Anakila den-kei mɔgɔ sawɛ, Sɛsayi, Ahaiman, anubɛ Talamayi, Kelabu ya wonu kebilɛnu gben ka bɔ Hiburɔn soe burɔ.

1 Samuwɛli 17:7

Tanbɛ do fanan bi a bolo. Wo kalɛ kolo iko yese-dan-kɔn. Nɛgɛ min bi tanbɛ wo sungban la, wo gbili ka tenbi yi kalɔn kelan la. Ala kɛlɛ-den kelen bi nyɔ, wo le si ta ala nɛgɛ-walan la a yarɔ.