2 Samuwɛli 21:12 - ALLALA KUMƐ

¹² a tara Mansa Sɔli anubɛ Yonatan kole bi tinɛ Yebɛsi kɛnu bolo Kaliyadi nyamanɛ rɔ. (Yaga, Filisitinu ya Mansa Sɔli anubɛ ala den Yonatan faga Kilabowa kɔnkɛ kuma tele min tɔ, anu tara anu furi dun Bɛti-San soe tɛma tele wo le nyɛrɛ rɔ. Yebɛsi kɛnu tara Mansa Sɔli anubɛ ala den Yonatan furi kankan Filisitinu ma ka na anu na anu barɛ.)

2 Samuwɛli 21:12 Iomraidhean Croise

2 Samuwɛli 1:21

“Alamɛ duri anubɛ bandɛ kana yigi Kilabowa kɔnkɛ kuma. Alamɛ bin kana fɛrɛn nyɔ tun bawo kerintenuna nɛgɛ-walannu sanɛ nyɔ rɔ miliyɛ rɔ. Mansa Sɔlila nɛgɛ-walan ma ti mun tun tuli la min si a lamalan-malan.

2 Samuwɛli 1:6

Ale keminɛ ko, “N bi Kilabowa kɔnkɛ kuma tumɛ min, n ya Mansa Sɔli yen, ala tanbɛ sɔnɛ a kɔrɔ, a lɛngbɛnnɛ a rɔ, ado wo ya a taran fanan, a yoge minnu siginɛ kirindinu tɔ anubɛ a so-laburilɛnu, wonu bara gbɛrɛn a ma.

2 Samuwɛli 2:4

Yuda bɔnsɔn-mɔgɛnu nara ka Dawuda ma mansɛ la. Dawuda ya a lamɔɛn min kɛ ko Yɛbusi kɛ minnu bi Kaliyadi nyamanɛ rɔ, wonu bara Mansa Sɔli togon,

2 Samuwɛli 21:11

Risipa ye wo min mala, Mansa Dawuda ya wo lamɔɛn min kɛ,

2 Samuwɛli 21:13

Mansa Dawuda tara Mansa Sɔli anubɛ Yonatan kole wonu bi anubɛ mɔgɔ wɔrɔnfilɛ wonu kole Kibiyon kɛnu ya minnu faga, kɔni.

1 Ko-Kɔrɔta-Karan 10:1

Filisitinu anubɛ Isirɛla mɔgɛnu ya kɛlɛ dabira Kilabowa kɔnkɛ ma. Isirɛla mɔgɔ-siyaman fagara nyɔ rɔ. A toenu ya anu buri. Mansa Sɔli anubɛ ala dannu fanan ya anu buri.

1 Ko-Kɔrɔta-Karan 10:12

wonuna kɛlɛ-kurugbɛ minnu kerinte, wonu tara mansɛ anubɛ ala dannu furi bi nyɔ ka ta anu na anu bolo Yebusi soe burɔ. Anu ya furi wonu togon kɔlɔma-kuru-wɛ do kɔrɔ Yebɛsi soe wo burɔ. Tele wɔrɔnfila, wonu bi sunyɛ rɔ.

1 Ko-Kɔrɔta-Karan 10:8

Kɛlɛ banta lunyɛ min, wo banda kɛ, Filisitinu tara furi wonuna kɛlɛ-mirannu kankan tinɛ. Anu tara anu nabɔ Mansa Sɔli anubɛ ala den-keinu furi ma Kilabowa kɔnkɛ kuma.

Yasowa 17:11

Manasa ya soe donu sɔrɔn Isakari anubɛ Asɛrata nyamanɛnu tɔ. A ya soe minnu sɔrɔn, wo le kɛnu na, Bɛti-San, Ibiliyam, Dɔɔ min bi kɔgɔ-yi tina, Ɛndɔ, Teyanaka anubɛ Magidɔ ka wo sa anu dafɛ-so-nɛnu kuma.

1 Samuwɛli 28:4

Filisitinuna kɛlɛ-dannu ya anu daga makɛ Sunam soe dafɛ. Mansa Sɔli ya ata kɛlɛ-dannu Isirɛla mɔgɛnu fanan kundɛn ka anu daga makɛ Kilabowa kɔnkɛ kɔrɔ.

1 Samuwɛli 31:1

Filisitinu anubɛ Isirɛla mɔgɛnu ya kɛlɛ dabira Kilabowa kɔnkɛ kuma. Isirɛla mɔgɔ-siyaman fagara nyɔ rɔ. A toenu ya anu buri. Mansa Sɔli anubɛ ala dannu fanan ya anu buri.

1 Samuwɛli 31:3

Kɛlɛ gbiliyara Mansa Sɔli kuma. A yogenuna kalabɛn bɛnta a la. A tanban boloko-yogomɛ-kɛra.

1 Samuwɛli 31:4

A ya a fɔ ala kɛlɛ-miran-madununɛ ye ko, “Ila faan sagan a rɔ. I ni n faga alako Filisiti-kemininyabɛlɛ kɛnu kana na anu diya n faga-koe la ka n mɔnima-fagɛ-kɛ.” Kɔnɔ keminɛ wo kilanta a faga-koe ma. Mansa Sɔli nyɛrɛ-nyɛrɛ ya ala faan bi ka wo sɔ dugi ma. A ya a burun faan wo sun na.