2 Samuwɛli 21:10 - ALLALA KUMƐ

¹⁰ Mansa Sɔli fɛ-sigi-musi Risipa wo ya kasa-kurɛ rasa farɛ kuma furi wonu dafɛ kɔnkɛ kuma nyɔ. Ka a bi dɔn-fen-kun-fɔlɔ-tɛgɛ-wati wo ma ha ka a sigi banda-yi kun-fɔlɛ la, a ye furi wonu kandanna. Tele rɔ, a si konanu gben furi wonu ma. Suyi rɔ fanan, a ni sogenu gben anu ma.

2 Samuwɛli 21:10 Iomraidhean Croise

Ko-Dabirɛnu 40:19

Ile ye tele sawa pe le bɔla. Wo kɔma, mansɛ si i kunyɛ tɛgɛ a dagɛ rɔ ka i don kɔlɔma ma. Konanu si i tɛgɛ kon!”

2 Samuwɛli 21:11

Risipa ye wo min mala, Mansa Dawuda ya wo lamɔɛn min kɛ,

2 Samuwɛli 3:7

Kɔnɔ lunyɛ do, Sɔlila den Mansa Isibosɛti ya karamɛ do layɛlɛ Abina ma. A ko wo ara a sa a fala gbɛrɛnya-musi Risipa fɛ, Ayala dunmusi, kɔni.

1 Mansɛnu 21:27

Mansa Ehabu ya Marita kumɛ wo lamɔɛn Nɛbi Ilaya bolo min kɛ, a ya ala duruki rafara yisi-tinya bolo ka kasa-kurɛ kiri a la. A ya a ban fen-dɔn-koe ma, a kira sani kasa-kurɛ wo kuma, ado hali a tenbi tagamana, a yisi magboyanɛ.

Yɛrɛmaya 14:22

Sibolo-gbɛrɛnuta bɛsɛnu si ke bandɛ lanala le, wa? San-kole si ke bandɛ lanala a nyɛrɛ ma, wa? Ade fɔ ile mata Mari Alla kelan min si wo ma. Ma yili-madiyanɛ ile kelen pe le ma. Ile le kelen pe si ko sufa kɛnu ma.

Isikiyɛli 39:4

Ale Mansa Kɔgi anubɛ ala kɛlɛ-dannu anubɛ a dɛnbɛnɛnu si faga Isirɛla kɔnkɛ wonu tɔ. N si a ma, anu suyi wonu ni ma soge anubɛ konanu beli-fan la.

Hoseya 6:3

Ma ni ma sɛbɛ don Mari lɔn-koe ma alako a ni to sɛgila ma ma tun iko sun-tele-tiyi ye nala sɔgɔma-wo-sɔgɔma nya min. A si to sɛgila ma ma tun iko samɛ min bi donna san-bo-san.”

Yowɛli 1:18

Ninkinu bi wundana bawo bin sa anu bolo anu si min dɔn, ado hali sagɛnu, a gbɛlɛ anu kuma.

Yowɛli 2:23

Mari si a fɔ wole, Yerusalɛm kɛnu fanan ye ko wo ni sewa ka a tɛgɛ ale Mari ara min ma wo ye. A ara banda-yi kun-fɔlɛ di wo ma, ado a ara bandɛ yirika lana wo ye min si wola sɛnɛnu tabɔ.

Sakaraya 10:1

Wo ni Mari matara ko a ni bandɛ lana a tumɛ rɔ, ado Mari ye a mala, bandɛ ye nala. Ale le ye bandɛ lanala hadama-dan ye alako ki-fannu ni ma-a-la wɔli-kɛ-tinɛnu tɔ.

Tɔn-Fɔɛ-Fila-Nyɔgɛ 11:14

Ni wo ya wo ma, a si bandɛ lana a wati rɔ, wo ye nyinina a ma tumɛ min. Wo si a ma, wo ni ki-fen-siyaman tɛgɛ anubɛ fui-fannu.

Tɔn-Fɔɛ-Fila-Nyɔgɛ 21:13

Anu ba a bira, kurɛ min bi a ma nun, a si a mayɛlɛma ka wonu bɔ a ma. Kei wo si musi wo lamara ala bɔn la ka fɛrɛ di a ma alako a ni karɛ kelen diyi kɛ ala mɔgɛnuna ko la. Wo kɔma, a si nyandan rasa ala kei ye.

Tɔn-Fɔɛ-Fila-Nyɔgɛ 21:22

“Ni mɔgɛ ya ko-yogomɛ ladan min si a ma, anu ni a faga, ni anu ya wo furi dun kɔlɔma la ka a ma tamasere la,

Tɔn-Fɔɛ-Fila-Nyɔgɛ 21:23

anu kana a furi-dunnɛ to nyɔ ha subagɛ ma. Fɔ anu ni wo togon wo tele nyɛrɛ rɔ, woletɔ Mari Allata dankɛ ti wola nyamanɛ bira. Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ.”

1 Samuwɛli 17:44

A ya a kɔgɔ raka Dawuda telen tɔ. A ko, “Na tun. N si i suyi di konanu anubɛ sogenu ma kaka!”

1 Samuwɛli 17:46

Bi tele kɛ rɔ, Mari si i don n bolo. N si i faga ka i kan natɛgɛ a dagɛ rɔ. N si Filisiti kɛlɛ-dannu suyi di konanu anubɛ sogenu ma. Duninya-mɔgɛ bɛɛ si a lɔn worɔ ko Alla ye Isirɛla mɔgɛnu kun na.