2 Samuwɛli 21:1 - ALLALA KUMƐ

¹ Mansa Dawudata wati rɔ, kɔnkɔ-fitinɛ donta nyamanɛ wo rɔ. San sawa dɛgɛdɛgɛ, kɔnkɛ ye nyɔ. Mansa Dawuda ya Mari manyinika wola ko la. Mari ya a fɔ a ye ko, “Wo mara bawo Mansa Sɔli anubɛ a kebila-mɔgɛnu bara Kibiyon mɔgɛ donu faga.”

2 Samuwɛli 21:1 Iomraidhean Croise

Ko-Dabirɛnu 12:10

A ma mɛ kɔnkɔ-fitinɛ burunta Kenan nyamanɛ wo kuma bɛff! Wo le ya a to, Burama wulita ka ta Iyipiti nyamanɛ rɔ alako a ni wati-kundu-ni kɛ nyɔ.

Ko-Dabirɛnu 26:1

Iko kɔnkɔ-fitinɛ nara nyamanɛ wo rɔ Iburayimata wati rɔ nya min, kɔnkɔ-fitinɛ nara wo nya na le Isiyaka fananta wati rɔ. Isiyaka tara Filisitinuna Mansa Abimɛlɛki warɛ min siginɛ Kirari soe burɔ.

Ko-Dabirɛnu 41:57

Duninya-mɔgɛ bɛɛsi tara Yusufu wara Iyipiti nyamanɛ rɔ dɔn-fen nyini tinɛ bawo kɔnkɔ-fitinɛ ara duninya-mɔgɛ bɛɛ tɔrɔ wati wo rɔ.

Ko-Dabirɛnu 42:5

Mɔgɔ-siyaman bɔra nyamani-gbɛrɛnu tɔ ka ta dɔn-fen san tinɛ, ado Yakobala dannu taranta anu tɛma kamasɔrɔn kɔnkɔ-fitinɛ ye anu barɛ Kenan nyamanɛ rɔ.

Ko-Dabirɛnu 43:1

Kɔnkɔ-fitinɛ tora anu tɔrɔla Kenan nyamanɛ rɔ.

2 Samuwɛli 16:8

I wara Mansa Sɔlila nyamanɛ bi a bolo ka ala mɔgɔ-siyaman faga woletɔ Mari ye i tɔrɔla kɛ nya na ila mɔgɔ fagɛla ko la. Mari ara ila nyamanɛ di ila den Abasalɔm ma. I wara kasara pɔ, ile mɔgɔ-fagalɛ.”

2 Samuwɛli 20:26

Aira min bɔra Yeyaya soe burɔ, saraka-masɔlɛ do le wo fanan na.

2 Samuwɛli 21:5

Kibiyon kɛ wonu ya a fɔ ko, “Sɔli ye ma lato-koe le tɔ nun. A sɔgɔ sa a la, male fenfen ni to ma niyi la Isirɛla nyamanɛ rɔ.

2 Samuwɛli 24:1

Mari fonde bɔra Isirɛla mɔgɛnu ma tun, woletɔ a ya a ma, Mansa Dawuda ya anu yakɔrɔ-mamɔ. Mari ya a fɔ Mansa Dawuda ye ko, “Ta Isirɛla nyamanita-mɔgɛnu anubɛ Yuda nyamanita-mɔgɛnu dan ka anu yatɛ lɔn.”

2 Samuwɛli 5:19

Mansa Dawuda ya Mari manyinika, a ko, “Ni n tara Filisitinu kɛlɛ tinɛ, n si anu nɔ, wa?” Mari ko, “Ɔn, n si a ma, i ni anu nɔ.”

2 Samuwɛli 5:23

Mansa Dawuda ya Mari manyinika tun anu kɛlɛ-koe rɔ. Mari ko, “I kana anu kɛlɛ dabira yan bara la de! Bɔ anu kɔma kilɛ la pɔpɔ kɔlɔma siyamɛnu bi kan min. I ni anu kɛlɛ dabira nyɔ.

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

1 Mansɛnu 18:2

Nɛbi Ilaya wulita ka kilɛ bira. Wo ya a taran, kɔnkɔ-fitinɛ ara a lagbɛlɛya Samariya kɛnu kuma.

2 Mansɛnu 6:25

Kɛlɛ wo tora-a-la ha, kɔnkɔ-fitinɛ donta anuna so-karantan wo rɔ. Kɔnkɛ wo gbɛlɛyara ha, sofɛli-kunyɛ santa wodi-gbɛ-gbuni bi-segin la, ado hali kangbo-bo-gbalɛ yi-lafɛ-nya kelen, wo santa wodi-gbɛ-gbu-ni loli la.

2 Mansɛnu 8:1

Nɛbi Ilaisa ya Sunam musi minna dan lakɛndɛya nun, a ya musi wo makawandi ko kɔnkɔ-fitinɛ ye nala nyamanɛ wo rɔ san wɔrɔnfila kɔrɔ. A ko a ni ala denbayɛnu bi ka ta anu na kan-tina-gbɛrɛkɛ!

Yobu 10:2

E, Alla, i yandi, i kana n kunyɛ don gbaran rɔ. Ni n bi kiti-sufa min tɔ, wo yira n na.

Yaburi 27:8

Mari, i ya a fɔ n ma wati min ko n ni i bato, n ma n kun tadu. N nara le.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Saraka-Masɔlɛnuta Tɔnnu 26:26

N si a ma, wola dɔn-fannu ni dɔgɔya. Hali denbaya kelan duruta dɔn-fan tela daga kelan min tɔ, n si a ma, denbaya tan mɔgɛnu ni dɔn-fan te daga kelan wo rɔ anu nyɔgɔn fɛ. Wo wa a tala wo nyɔgɔn tɛma, a ti a bɔ. Wo dama kɔnkɔtoe si to.

Yilan-Yilan Koe 27:21

A si a yɛ bɛn Ɛliyasa ma. Wo si ke ka nde diyana-koe lɔn fen fila fɛ min bi saraka-masɔla-wɛla kɔgɔ-dala-kurɛ ma. Yasowa anubɛ Isirɛla mɔgɛnu si min ma, kɛnu si a ma, Ɛliyasa ni wo rakaran anu ye.”

Yasowa 7:1

Mari ya a fɔ Isirɛla mɔgɛnu ye nun ko, “Wo ni Yɛrikɔ soe halaki ka fen bɛɛ tinya a rɔ tɛrr!” Kɔnɔ mɔgɔ kelen bi nyɔ min tɔgɛ Ekan, wo ma Marila kumɛ bira. Mari diminyara Isirɛla mɔgɛnu ma wola ko la. (Ekan wo, a fa tɔgɛ Kami, a benba tɔgɛ Sabadi. A bɔra Serahata denbayɛ rɔ Yuda bɔnsɔn rɔ.)

Yasowa 9:20

Ma si min ma, wo le kɛ la. Ma si anu kɛndɛ to iko ma ya lanyiri kiri nya min. Ni ma ya anu tinya, Mari si ma tɔrɔya.

Ruti 1:1

Yanni Isirɛla mɔgɛnu ni anuta nyamani-tigiya-koe dabira tumɛ min, kɔnkɔ-fitinɛ nara anuna nyamanɛ wo rɔ. Kei do ye Bɛtalehɛm soe burɔ Yuda bɔnsɔn-mɔgɛnuna nyamanɛ rɔ,

1 Samuwɛli 10:22

Anu ya Mari manyinika tun a wara-koe ma, anu ko, “Ale ye mintɔ? A ye ma tɛma yan?” Mari ya a fɔ ko, “Wo ma a dogonnɛ yen dunɛnu kɔma wo la?”

1 Samuwɛli 23:11

Kiyaila kɛnu si n don Mansa Sɔli bolo, wa? Mansa Sɔli ye nala le iko n bara a lamɔɛn nya min, wa? Isirɛlata Mari Alla, i yandi, n bara i madiya. I ni n yabi!” Mari ya a fɔ a ye ko, “Ɔn, a ye nala le.”

1 Samuwɛli 23:2

Dawuda ya Mari manyinika, a ko, “N si ta le Filisiti kɛnu kɛlɛla, wa?” Mari ya a fɔ ko, “Ɔn, ta anu kɛlɛ. I ni Kiyaila mɔgɛnu nakanan anu masibɛ ma.”

1 Samuwɛli 23:4

Dawuda ya Mari manyinika tun. Mari ya a fɔ a ye ko, “Ta Kiyaila kɛnu kumafunfan bawo n si a ma, i ni Filisitinu nɔ.”