2 Samuwɛli 20:22 - ALLALA KUMƐ

²² Musi wo tara kɛwuya-kumɛ wo fɔ so-burɔ-mɔgɛ bɛɛ ye. Anu tara Siba kunyɛ tɛgɛ a la ka a lakɛ Yohabu ma tarɛ kɔma. Yohabu ya kɛlɛ-buri fɛ alako anu ni bɔ nyɔ. Anu sɛgira anu barɛnu tɔ. Yohabu tara Mansa Dawuda wara Yerusalɛm.

2 Samuwɛli 20:22 Iomraidhean Croise

2 Samuwɛli 18:16

Yohabu ya a ma, anu ya kɛlɛ-buri fɛ alako anu ni fara kɛlɛ la. Ala kɛlɛ-dannu ya anu bɔ Isirɛla mɔgɛ doinu fɛ.

2 Samuwɛli 18:17

Anu ya Abasalɔm furi bi ka a lafili denka-filon-bɛ do rɔ gbɔngbɔn wo kɔrɔ. Anu ya kuri ladɛn a furi kuma denkɛ wo rɔ ka a yamatogon kuri la. Isirɛla mɔgɛ bɛɛsi sɛgira anu barɛnu tɔ.

2 Samuwɛli 2:28

Yohabu ya kɛlɛ-buri fɛ alako anu ni fara anu kɛlɛ-nyɔgɛ kɛnu gbenna. Kɛlɛ banta anu tɛma.

2 Samuwɛli 20:1

Bikirila den kalabante Siba siginɛ Kiligali soe burɔ, ado Bɛnyamɛ bɔnsɔn-mɔgɛ do le ale la. Siba ya buri fɛ ka Isirɛla mɔgɛnu nadɛn. A ya a fɔ ko, “Ma ni ma bɔ Dawuda fɛ. Ma sa Yɛsila den Dawuda kɛ fɛ. Ma sɛgi wona ma warɛnu tɔ bawo male Isirɛla mɔgɛnu, mata mumɛ sa Dawuda wara-ko rɔ.”

2 Samuwɛli 20:16

Kɔnɔ musu-hɛnkilimɛ do ye soe wo burɔ. Wo ya Yohabu rakele ko, “Wo ni wo tole masɔ. Wo ni Yohabu kele n ye. A ni na. Kuma ye n bolo, n bi min fɔla a ye.”

Makawandili Kumɛnu 7:19

Hɛnkilimayɛ si koe min nyinya mɔgɔ kelen ma, kun-tigi tan ti ke wo nyɔgɔ-sufa mala so-kun kelan ye.

Makawandili Kumɛnu 8:11

Mɔgɛnu bi tola karagbɛlɛyɛ kɛla bawo anu sa anuna tɔrɔyɛ sɔrɔnna yona.