2 Samuwɛli 20:21 - ALLALA KUMƐ

²¹ ado ma miriya ma wo la. Bikirila den Siba min bɔnɛ Ifɛrɛmta kɔnkɔ-nyamanɛ rɔ, wo le wara murutiyɛ lawuli Mansa Dawuda kan ma. Ni wo ya wo don ma bolo, ma si bɔ wola soe kɛ dafɛ.” Musi wo ya a fɔ a ye ko, “Tana ma wo la. Ma si a kunyɛ lafili wo ma tarɛ kɔma yan.”

2 Samuwɛli 20:21 Iomraidhean Croise

2 Samuwɛli 20:1

Bikirila den kalabante Siba siginɛ Kiligali soe burɔ, ado Bɛnyamɛ bɔnsɔn-mɔgɛ do le ale la. Siba ya buri fɛ ka Isirɛla mɔgɛnu nadɛn. A ya a fɔ ko, “Ma ni ma bɔ Dawuda fɛ. Ma sa Yɛsila den Dawuda kɛ fɛ. Ma sɛgi wona ma warɛnu tɔ bawo male Isirɛla mɔgɛnu, mata mumɛ sa Dawuda wara-ko rɔ.”

2 Samuwɛli 20:2

Isirɛla mɔgɛ bɛɛ bɔra Mansa Dawuda fɛ ka bila Siba fɛ kɔnɔ Yuda nyamanita-mɔgɛnu tora Mansa Dawuda fɛ. Woletɔ ka a bi Yorodan bɛ ma ha ka ta ke Yerusalɛm soe rɔ, Yuda bɔnsɔn-mɔgɛnu denu dɔrɔn bilara Mansa Dawuda fɛ.

2 Samuwɛli 20:20

Yohabu ya a fɔ a ye ko, “Ade, ma ti wo ma,

2 Samuwɛli 23:18

Yohabu dɔgɔ Abisayi minnu na tɔgɛ Sɛruya, wo le ye kɛlɛ-kurugba bi-sawɛ kɛnu kun na. Abisayi wo le ya mɔgɔ kɛmɛ sawa faga ala tanbɛ la. Wo le ya a ma, ale tɔgɔ bɔra mɔgɔ bi-sawa kɛnu tɛma ka ma anuna kun-tigi la. Kɔnɔ ale ma tɔgɛ sɔrɔn iko mɔgɔ sawɛ kɛnu.

1 Mansɛnu 11:26

Nebatila den Yɛrabowami min bɔra Sɛrɛda soe burɔ Ifɛrɛm nyamanɛ rɔ, Mansa Silamɛnina mɔgɔ-ba do le ale la. A na tɔgɛ le Seruwa. Kɛɛ-musi le wo la. Ale Yɛrabowami murutiyara Mansa Silamɛni ma.

2 Mansɛnu 10:7

Anu ya Mansa Yehula kɛdi rakaran tumɛ min, anu ya Mansa Ehabu kegeya bi-wɔrɔnfilɛ wonu kunyɛ tɛgɛ a la. Anu ya wonu sa sendenu tɔ ka wonu nata Mansa Yehu ma Yɛsɛreli soe burɔ.

2 Mansɛnu 5:22

Kɛhasi ya a fɔ a ye ko, “Ko ma ma. N tigi le ya n sɔ i wara ka a fɔ i ye ko nɛbi-karan-den fila ara na kaka ka bɔ Ifɛrɛm kɔnkɔ-nyamanɛ rɔ. I ni a madɛnbɛ wodi-gbɛ minna gbiliyɛ anubɛ fui-fan bɔrɔ-talɛ rakɛn anubɛ fɛrɛya-bɔ-hakika fila la.”

Yɛrɛmaya 4:15

Kuman-kan ye nala ka bɔ Dan soe burɔ. A ye nala yisi-gbala-kumɛ la ka bɔ Ifɛrɛm kɔnkɔ-nyamanɛ rɔ.

Yɛrɛmaya 50:19

A ko a si Isirɛla mɔgɛnu nasɛgi anu halala-nyamanɛ rɔ. Dɔn-fan min bi bɔla Kamɛli kɔnkɛ kuma wo, anubɛ min bi bɔla Basan nyamanɛ rɔ wo, a ko anu si to wonu dɔnna. Ifɛrɛm bɔnsɔn nyamanɛ dɔn-fan wo, Kaliyadi bɔnsɔn nyamanɛ dɔn-fan wo, anu ni to fala wonu na.

Yasowa 24:33

Arunala den Ɛliyasa fagara. Anu ya a togon Ifɛrɛmta kɔnkɔ-nyamanɛ rɔ Kibiya soe burɔ min dira ala den Finihasi ma nun fɔlɔ.

Kɛlɛ-Kurugbɛnu 7:24

Kidiyɔn ya kilayɛ lata Ifɛrɛm bɔnsɔn-mɔgɛnu ma minnu siginɛ nyɔ-kɔnkɔ-nyamanɛ rɔ, a ko, “Wo na ma dɛnbɛ ma yogenu kɛlɛla ka kilɛ tɛgɛ anu ma Yorodan bɛ anubɛ yi-mɛsɛnu dafɛ ma yarɔ.” Ifɛrɛm bɔnsɔn-mɔgɛnu ya Yorodan bɛ anubɛ a dafɛ yi-mɛsɛnu bira-a-la ha ka ta ke Bɛti-Bara soe burɔ iko Kidiyɔn ya a sara anu bara nya min.

Kɛlɛ-Kurugbɛnu 9:55

Ala kɛlɛ-dannu ya a yen min kɛ ko a ara faga, anu dama nyɛnsɛnta. Anu tara anu barɛnu tɔ.

1 Samuwɛli 24:6

Dawuda ya a fɔ ala keminɛ wonu ye ko, “Ka ko-yogomɛ ma nna kun-tigi la, alamɛ Mari ya n tanka wo ma bawo Mari le ya ale yabɔ ka a ma mansɛ la. N kana ko-wo-ko ma a la bawo Mari le ya a sigi mansayɛ la.”

1 Samuwɛli 26:9

Kɔnɔ Dawuda ya a fɔ a ye ko, “I kana ko-wo-ko ma a la bawo ni mɔgɔ-wo-mɔgɔ ya ko ma Marita mansa-yabɔnɛ la, ale Mari si wo tigi tɔrɔ.