2 Samuwɛli 20:19 - ALLALA KUMƐ

¹⁹ Mala soe kɛ, Isirɛla nyamanɛ kun-bira-soe le, yisi-kima-soe le, ado a so-burɔ-mɔgɛnu kan-kelen-tigi le anu na Isirɛla mɔgɛnu ye. Nfenna wo ye soe kɛ tinya-koe rɔ? A sɔgɛ ye wo la, wo ni Marita soe kɛ tinya?”

2 Samuwɛli 20:19 Iomraidhean Croise

Ko-Dabirɛnu 18:23

Iburayima ya a madon Mari la doni ka a manyinika ko, “I si mɔgɔ-telennɛnu fanan halaki mɔgɔ-yogomɛnu fɛ, wa?

2 Samuwɛli 14:16

N ya a lɔn fanan serr, ko fɔ i wa i wɔlɔ matɔlɔ n na ka n tanka mɔgɛnu masibɛ ma min bi mabɛ nna dan wo faga-koe rɔ. Ni wo don mara, Alla ya nyamanɛ min di male Isirɛla mɔgɛnu ma, anu bara n gben nyamanɛ wo rɔ.

2 Samuwɛli 17:16

Wo kɔma, a ya a fɔ anu ye tun ko, “Wo ni kilayɛ lata Mansa Dawuda ma kaka. Wo ni a fɔ a ye ko anu kana ki bɛ-tɛgɛ tinɛnu tɔ wulɛ rɔ bi. Anu ni Yorodan bɛ tɛgɛ yona-yona alako anu kana na anubɛ ala kɛlɛ-dannu bira ka anu faga.”

2 Samuwɛli 20:18

Musi wo ya a fɔ Yohabu ye ko, “Fɔlɔ nun, anu kɛnɛna a fɔla ko, ‘Wo ta tonya nyini tinɛ Ebɛli soe burɔ,’ ado wo mara le.

2 Samuwɛli 20:20

Yohabu ya a fɔ a ye ko, “Ade, ma ti wo ma,

2 Samuwɛli 21:3

Mansa Dawuda ya kilayɛ lata Kibiyon kɛnu ma ka anu kele. Wonu ke, a ya a fɔ anu ye ko, “A sɔgɛ ye wo la, n ni nfen ma wo ye? Ko-yogomɛ min sigira wo la, a sɔgɛ ye n na, nde ni wo fɛ-bira. Wo si a ma, wo ni duwa Marita mɔgɛnu ye.”

1 Mansɛnu 8:53

I ya Isirɛla mɔgɛnu yabɔ duninya-mɔgɛnu tɛma ka anu ma itɛ la iko i ya a fɔ Nɛbi Musa ye nya min wo tumɛ i ye anu nabɔla Iyipiti nyamanɛ rɔ.”

Yaburi 106:5

I ni sɔn, n ni ila mɔgɛnu yen tala yarɔ alako nde fanan ni do sɔrɔn anuta sewɛ rɔ. Nde fanan ni n wasi i la iko ita mɔgɛnu.

Yaburi 124:3

anu si ma kɛndɛ lakunu nun anu yisi-kuna-wɛ ma.

Yaburi 33:12

Marita sibolo-yabɔnɛ si to a diya. Alla ara anu denu minnu yabɔ, anu sewanɛ si to.

Yaburi 78:71

A ya a bɔ saga fɛ bira tinɛ alako a ni ala mɔgɛnu kumafunfan. Alla ya a ma mansɛ la Isirɛla mɔgɛnu kun na.

Yɛrɛmaya 51:34

Babilɔn Mansa Nɛbukanasa ara Yerusalɛm soe dɔn. A ya soe rakolonya iko yi-bara-takolɔn. A ya a dama lakunu iko ninkinankɛ. Min di a ye, a ya wo bi ka a toe lakɛ a rɔ.

Yɛrɛmaya 51:44

Mari ko a si Babilɔn kɛnuna bɛsi Bɛli tinya. Mɔgɛnu ya min bɛɛ kankan bɛsi wo ye, anu si wo bɛɛ lasɛgi a tiginu ma. Sibolo-wo-sibolo ti a kɔ tun! Babilɔn tarɛnu si na bui.

Nimisa Koe 2:16

I yoge bɛɛ ye i mayɛlɛnna. Anu bi i lafɛyala ka i rasɛ. Anu bi a fɔla ko, “Male le ya a kasara. Nba, ma ara mɛ tele min makɔnɔna, wo le kɛ la, yɔ!”

Nimisa Koe 2:2

N Tigi Mari ma kinikini so-mɛsɛ fenfen ma Yuda nyamanɛ rɔ. A ara anu bɛɛ halaki pɔ! So-latankanɛ min bɛɛ ye Yuda nyamanɛ lakanan-koe la, a ara wo bɛɛ labui fugbu! A ya nyamanɛ anubɛ a mɔgɔ-banu fɛrɛn dugi la yarabiyi bolo.

Nimisa Koe 2:5

Ma Tigi Mari ara ma ma yoge la ka Isirɛla nyamanɛ tinya. Tarɛ mininɛ soe minnu ma wo, a bon-kinyɛnu wo, a ara wo bɛɛ halaki pɔ! A ara male Yuda kɛnuna tɔrɔyɛ layiriba kosɛbɛ!

Yilan-Yilan Koe 16:32

ka anu kɛndɛ lakunu anubɛ anuna denbayɛ anubɛ anu bolo-fan damasi. Korata wɔli-kɛlɛnu fanan taranta anu tɛma. Wo kɔma, dugu-dɛ latogonta anu ma. Anu tununta yen!

Yilan-Yilan Koe 26:10

Dugi dɛ lakara anu kɔrɔ ka anu nakunu. Tɛ ya Kora gba-fɛ-bilalɛ mɔgɔ kɛmɛ fila mɔgɔ bi-loli (250) mintan gburr!

1 Kɔrɛnti 15:54

Woletɔ bagbuyi min si tuli, wo wa yɛlɛma bagbuyi la min ti tuli tumɛ min, wo si a ma, min sɛbɛnɛ Allala kitabu rɔ, wo ni bɔ-a-la. A sɛbɛnɛ ko, “Sayɛ ara halaki. Nɔlɛ ara kanbali!”

2 Kɔrɛnti 5:4

Ma tenbi duninya-fani-bɔn kɛ la, ma ye kurunna iko mɔgɛ tenbi dunu-belebele-wɛ kɔrɔ. Ma sa a fɛ, ma ni bɔ ma fɛrɛ-bɔnkɛ kɛnu tɔ fɔ ka Arinyɛnɛtɛ fanan bila ma kan na. Woletɔ ma fɛrɛ-bɔnku-fagamatoe kɛnu si yɛlɛma nimayɛ la.

Tɔn-Fɔɛ-Fila-Nyɔgɛ 20:10

“Wo wa ta mɔgɛ minnu kɛlɛ tinɛ soe do burɔ, wo ni fɛrɛ di anu ma, anu ni dɛgɛ min wo ye.

Tɔn-Fɔɛ-Fila-Nyɔgɛ 32:9

Kɔnɔ a ya Yakoba bɔnsɔn-mɔgɛnu namara a nyɛrɛ ye.

Kɛlɛ-Kurugbɛnu 5:7

Mɔgɛnu ya anu buri ka anu bɔ Isirɛla so-mɛsɛnɛnu tɔ. A ara to mala wo nya na le ha nde, Dɛbora ara ma Isirɛla mɔgɛ bɛɛsi na la.

1 Samuwɛli 10:1

Samuwɛli ya dantɛgɛ-tuli do bi ka a kɛ Sɔli kunyɛ rɔ ka a sunbu. A ko, “Mari ara ile le yabɔ ka ma mansɛ la Isirɛla mɔgɛnu kun na. I si mansayɛ kɛ Marita mɔgɛnu kun na ka anu matanka anu yogenu ma minnu bi anuna foolɛ rɔ. I wa bɔ n dafɛ bi, i si kemini fila taran Resɛli kanbɛ dafɛ Sɛlɛsa soe kɔma Bɛnyamɛta nyamani-dan la. Kemini filɛ wonu si a fɔ i ye ko, ‘I ye sofɛlɛ minnu nyinina nun, wonu bara yen.’ Anu si a fɔ tun ko, ‘I fa hɔnni ma sofɛlɛ wonu wara-koe la tun. A hɔnnɛ ile le wara-koe la gbɛ bawo tuma-wo-tuma, a ye a fɔla ko a ma a lɔn a si min ma ala dan wara-koe rɔ. Wo bɛɛ wa ma tumɛ min, wo le ye a yirala i la ko Mari le wara i yabɔ ka i ma mansɛ la.’

1 Samuwɛli 26:19

N tigi, n bi min fɔla i ye, i wɔlɔ matɔlɔ wo la. Ni Mari le wara a ma, i wara nɔrɔ n ma, sarakɛ si a ma, ale Mari yisi ni yɛlɛma n bara-koe rɔ. Kɔnɔ ni mɔgɛnu denu gba ye, alamɛ wonu tiginu ya Marita dankɛ sɔrɔn bawo anu bara n gben Marita nyamanɛ rɔ ka n nata nyamani-gbɛrɛ rɔ alako n ni sibolo-gbɛrɛnuna bɛsɛnu kɔ nyɔ.