2 Samuwɛli 20:13 - ALLALA KUMƐ

¹³ A ya furi wo bɔ kilɛ la nya min wo, kɛlɛ-dannu bilara Yohabu fɛ. Anu tara Siba sagaran tinɛ.

2 Samuwɛli 20:13 Iomraidhean Croise

2 Samuwɛli 20:1

Bikirila den kalabante Siba siginɛ Kiligali soe burɔ, ado Bɛnyamɛ bɔnsɔn-mɔgɛ do le ale la. Siba ya buri fɛ ka Isirɛla mɔgɛnu nadɛn. A ya a fɔ ko, “Ma ni ma bɔ Dawuda fɛ. Ma sa Yɛsila den Dawuda kɛ fɛ. Ma sɛgi wona ma warɛnu tɔ bawo male Isirɛla mɔgɛnu, mata mumɛ sa Dawuda wara-ko rɔ.”

2 Samuwɛli 20:11

Yohabula kɛlɛ-dan do sɔra Amasa furi dafɛ. A ya a kan mayɛlɛ, a ko, “Ni mɔgɛ minnu bi Yohabu anubɛ Mansa Dawuda fɛ, wo ni bila Yohabu fɛ.”

2 Samuwɛli 20:14

Kɔnɔ wo ya a taran, Siba ara bɔ Isirɛla nyamanɛ kan tinɛ bɛɛ rɔ. A ke Ebɛli-Bɛti-Meyaka soe dafɛ, a fa Bikiri kebila-mɔgɛnu ya anu kundɛn nyɔ. Anu donta soe wo burɔ anu nyɔgɔn fɛ.

2 Mansɛnu 18:17

Asiriya mansɛ wo ya ala kɛlɛ-den-kun sawa bi ka ala kɛlɛ-den-siyaman bila wonu fɛ Lesi soe burɔ ka wonu nata Hɛsakaya bira tinɛ Yerusalɛm soe burɔ. Wonu ke Yerusalɛm, anu danta kura ku tinɛ dafɛ. Yi min madɛnnɛ kɔnkɛ kun tɛma, wo worɔn ye yigila ha kura ku tinɛ wo dafɛ.

Hɛnkilimaya-Kumɛnu 16:17

Mɔgɔ-nyimɛ ye bilala kila-telennɛ min fɛ, wo kanɛ le ko-yogoma-kilɛ ma. Ni min ya a tagama-tinɛ yabɔ, wo si simayɛ sɔrɔn.

Aiseya 36:2

A ya a fɔ ala kandɛ ye ko a ni bɔ Lesi soe burɔ ka ta kɛlɛ-den-siyaman na a bolo Yerusalɛm soe burɔ. Wo si a fɔ a ye ko fɔ Mansa Hɛsakaya ni dɛgɛ min a ye. Kandɛ wo danta kura ku tinɛ dafɛ. Yi min siginɛ a rɔ kɔnkɛ kun tɛma, wo worɔn ye yigila ha kura ku tinɛ wo dafɛ.

Aiseya 62:10

Wole Yerusalɛm kɛnu, wo bɔ soe burɔ. Minnu bi sɛgila ka bɔ biralɛ rɔ, wo ni kilɛ rabɛn wonu ye yɔnyɔn! Wo ni kurinu bɔ kila-kole la. Wo ni falafalɛ layɛlɛ san ma tamasereyɛ la sibolenu ye.

Aiseya 7:3

Mari ya a fɔ nde, Aiseya ye ko mabɛ nna den Seyari-Yasubu ni ta Mansa Ehasi taran. Yi min nadɛnnɛ kɔnkɛ kun tɛma, wo worɔn ye yigila ha kura-ku-tinɛ wo dafɛ. A ko ma si mansɛ taran kilɛ la nyɔ.

Yɛrɛmaya 31:21

Wole Isirɛla mɔgɛnu, wo ni wo sɛgi-kilɛ latɛgɛ. Wo ni wola kila-da-kunyɛ nyini alako wo ni ta a labɔ wo warɛ ma. Wole Isirɛla mɔgɛnu, wo sɛgi wo warɛ. Wo sɛgi wola soenu tɔ.

Yilan-Yilan Koe 20:19

Kilayɛnu ya madiyali kɛ tun ko, “Ma ye tagamana kila-kole le dɔrɔn fɛ. Hali wo, mabɛ mala kolo-fannu, ma ya yi-wo-yi min, ma si wo sara, alako tun, male ni kilɛ sɔrɔn.”

Maraka 10:46

Anu tara Yɛrikɔ soe burɔ. Yisa anubɛ ala karan-dannu anubɛ nyama-ba ye bɔla Yɛrikɔ tumɛ min, Timeyala dan min tɔgɛ Batameyasi, wo siginɛ kilɛ fɛ. Fiyɔn le ale la. A ye tarali kɛla.

Kɛlɛ-Kurugbɛnu 21:19

Anu ya a fɔ ko, “Ma si ladiyɛ min kɛ Mari ye san la Sailo soe burɔ, wo wati ara gbɛrɛn.” (Sailo kɛ, a ye Bɛtɛli soe kan tɔ le, Lɛbona soe dugu la. Kilɛ min bi Bɛtɛli soe anubɛ Sɛkɛm soe tɛma, Sailo ye wo tele-bɔɛ wara la le.)

1 Samuwɛli 6:12

Anu ya ninki-yuwan wonu nawuli tumɛ min, wonu dimatoe tara Bɛti-Simɛsi kilɛ la gbonkan! Filisitinuna mansa loli wonu bilara ninki wonu fɛ ha Bɛti-Simɛsi dan la.