2 Samuwɛli 20:1 - ALLALA KUMƐ

¹ Bikirila den kalabante Siba siginɛ Kiligali soe burɔ, ado Bɛnyamɛ bɔnsɔn-mɔgɛ do le ale la. Siba ya buri fɛ ka Isirɛla mɔgɛnu nadɛn. A ya a fɔ ko, “Ma ni ma bɔ Dawuda fɛ. Ma sa Yɛsila den Dawuda kɛ fɛ. Ma sɛgi wona ma warɛnu tɔ bawo male Isirɛla mɔgɛnu, mata mumɛ sa Dawuda wara-ko rɔ.”

2 Samuwɛli 20:1 Iomraidhean Croise

Ko-Dabirɛnu 46:21

Yakobala den Bɛnyamɛ, wo tara ala den-kei mɔgɔ tan la a bolo Iyipiti nyamanɛ rɔ, Bela wo, Bika wo, Asiba wo, Kɛra wo, Neyaman wo, Ehi wo, Rɔsi wo, Mupim wo, Hupim wo, anubɛ Arada.

2 Samuwɛli 15:10

A ke nyɔ, a ya kilayɛ lata Isirɛla bɔnsɔn tan-ni-filɛ damasi ma. A ko, “Ni wo ya buru-kan lamɔɛn, wo ni gbele-gbelen sewɛ bolo. Wo ni a fɔ ko, ‘Abasalɔm ara ma mansɛ la Hiburɔn soe burɔ.’ ”

2 Samuwɛli 16:11

Mansa Dawuda ya a fɔ Abisayi anubɛ ala mɔgɔ-banu ye tun ko, “Nde faga-sɔgɛ ye n halala-den-sɔrɔnnɛ la. Hali wo ma tɛrɛna n mamɔɛn kɛ la Bɛnyamɛ bɔnsɔn-mɔgɛ kɛ bolo. Mari le wara a fɔ a ye ko a ni n mamɔɛn. Wo ni a to nyɔ, a ni n mamɔɛn iko a di a ye nya min.

2 Samuwɛli 16:7

A ya Mansa Dawuda mamɔɛn dabira tun. A ko, “I bɔ yan! Ile mɔgɔ fagalɛ, ko-yogoma-kɛlɛ.

2 Samuwɛli 18:17

Anu ya Abasalɔm furi bi ka a lafili denka-filon-bɛ do rɔ gbɔngbɔn wo kɔrɔ. Anu ya kuri ladɛn a furi kuma denkɛ wo rɔ ka a yamatogon kuri la. Isirɛla mɔgɛ bɛɛsi sɛgira anu barɛnu tɔ.

2 Samuwɛli 20:2

Isirɛla mɔgɛ bɛɛ bɔra Mansa Dawuda fɛ ka bila Siba fɛ kɔnɔ Yuda nyamanita-mɔgɛnu tora Mansa Dawuda fɛ. Woletɔ ka a bi Yorodan bɛ ma ha ka ta ke Yerusalɛm soe rɔ, Yuda bɔnsɔn-mɔgɛnu denu dɔrɔn bilara Mansa Dawuda fɛ.

2 Samuwɛli 20:22

Musi wo tara kɛwuya-kumɛ wo fɔ so-burɔ-mɔgɛ bɛɛ ye. Anu tara Siba kunyɛ tɛgɛ a la ka a lakɛ Yohabu ma tarɛ kɔma. Yohabu ya kɛlɛ-buri fɛ alako anu ni bɔ nyɔ. Anu sɛgira anu barɛnu tɔ. Yohabu tara Mansa Dawuda wara Yerusalɛm.

2 Samuwɛli 23:6

Kɔnɔ Alla-lɔnbɛlɛnu mani de iko wɔnɛ, mɔgɔ mako sa min na. Mɔgɛnu ti anu bole tugu anu na.

1 Mansɛnu 12:16

Mɔgɛ wonu ya a yen min kɛ ko Mansa Rihobowami sa a wɔlɔ matɔlɔla anu na, anu ya sɔnkɛ tɛgɛ, anu ko, “Ma sa nyinina Dawuda anubɛ a kebilɛ ma tun! Anu bara nfen ma ma ye? Ni Isirɛla mɔgɛ le yɛ, bɛɛ ni sɛgi a warɛ! Fɔ ni ile Rihobowami tora mansayɛ la i fa Dawudala denbayɛnu kun ma.” Anu ban wo fɔla, Isirɛla mɔgɛ bɛɛsi sɛgira a warɛ.

1 Mansɛnu 21:10

Wo ni karagbɛlɛ mɔgɔ fila sigi a yakɔrɔ. Mɔgɔ filɛ wonu ni to ko kelen tɔ, anu ni a fɔ ko, ‘Nebɔti kɛ le ya Alla anubɛ mansɛ rasɛ.’ Wo ni ale Nebɔti bira ka a labɔ soe kɔma. Wo ni a mabon kuri la ha a ni faga.”

2 Ko-Kɔrɔta-Karan 10:16

Mɔgɛ wonu ya a yen min kɛ ko Mansa Rihobowami sa a tole masɔla anu na, anu ya sɔnkɛ tɛgɛ. Anu ko, “Ma sa nyinina Mansa Dawuda anubɛ a kebilɛ ma tun! Anu bara nfen ma ma ye? Isirɛla mɔgɔ damasi, bɛɛ ni sɛgi a warɛ! Fɔ ni ile Rihobowami tora mansayɛ la i fala denbayɛnu kun na.” Anu ban wo fɔla, Isirɛla mɔgɛ bɛɛsi sɛgira anu barɛ murutiyɛ rɔ.

2 Ko-Kɔrɔta-Karan 10:6

Mansa Rihobowami tara hɛnkili nyini a fa makawandilɛnu bolo. A ya wonu manyinika ko, “N si mɔgɛ kɛnu yabi kama?”

Yaburi 17:13

Mari, i lawuli n yogenu kan ma ka anu nɔ. N yogenu tagborokan. I ni n nakisi wunduyogenu ma.

Yaburi 34:19

Mɔgɔ-nyimɛ si tɔrɔya-siyamɛ sɔrɔn kɔnɔ hali wo, Mari si a kisi tɔrɔyɛ wo bɛɛsi ma.

Hɛnkilimaya-Kumɛnu 25:8

Mɔgɛ ban min tagbɛla, a kana bara koe wo la ka ta a ta-nyɔgɛ la kiti-tɛgɛlɛnu bara. Tumado, ni anu ya wo fɛsɛfɛsɛ, a si ma miliya-koe la ale bolo.

Hɛnkilimaya-Kumɛnu 26:21

Ni i ko tɛ ni to wɔlɔnna, fɔ i wa kinbi do kɛ a kuma. Ni i ko tɛ ni to birala, fɔ i wa sɔgɛ do sɔ a la. Ni i ko sɔsɔlɛ ni wara, fɔ sɔsɔli-sala-wɛ wa atɛ bila a rɔ.

Maraka 3:24

Ni mɔgɛnu bi anu nyɔgɔn kɛlɛla nyamani-wo-nyamani rɔ, wo nyamanɛ ti mɛ.

Luka 19:14

Kɔnɔ a ma di ala nyamanita-mɔgɛnu ye min kɛ, anu ya kilayɛnu nata a gbere la ka a fɔ ko, ‘Ma sa a fɛ, kei kɛ ni ma mala mɔgɔ-ba la tun.’

Luka 19:27

Nba, n yoge kɛnu, a ma di minnu ye ko n ni ma anuna mansɛ la, wo na wonu na yan ka anu faga n yala!’ ”

Yɔni 13:8

Pita ya a gbɛ a ye, a ko, “N fa, wo ti ma! N ti sɔn ile ni n kian maku mumɛ!” Yisa ya a yabi ko, “Ni n ma i kian maku, i ti ma nna karan-dan la tun!”

Tɔn-Fɔɛ-Fila-Nyɔgɛ 13:13

wo na-kelen-nyɔgɔ-kuntan do ara mɔgɛnu kɔndɔfili soe do rɔ ka anu nabɔ Allata kilɛ fɛ,

Kɛlɛ-Kurugbɛnu 19:22

Anu bi nyɛrɛ-ladiyɛ wo kun na, kemini-karagbɛlɛ donu nara kurɔn mini bɔn wo ma. Anu bi dɛ matugula anu ma. Anu bi a fɔla kɛmɔgɛ wo ye ko, “Kei min donta i kuma, a labɔ ma ma. Ma ni ma sa a fɛ.”

Kɛlɛ-Kurugbɛnu 3:27

Ifɛrɛm kɔnkɔ-nyamanɛ rɔ. A ke nyɔ, a ya kɛlɛ-kɛ-buri fɛ ka Isirɛla kɛlɛ-dannu nadɛn. A sɔra anu yarɔ ka bɔ kɔnkɛ wonu tɔ.

Ruti 2:3

Woletɔ Ruti fanan tara wɔli-kɛlɛnu fɛ sɛnɛ rɔ. A donta sangban-matɔnbɔn rɔ mɔgɛnu gba ma. Yaga, a tara Bowasila sɛnɛ le tɔ wo la.

1 Samuwɛli 13:2

Mansa Sɔli ya kɛlɛ-den waga sawa (3,000) bi ka bɔ Isirɛla mɔgɛnu tɛma. A ya a mɔgɛ toenu nasɛgi anu barɛnu tɔ. Ale ya kɛlɛ-dannu wo waga fila (2,000) bi. Wonu tora ale fɛ Mikimasi soe burɔ anubɛ kɔnkɔ-nyamanɛ rɔ Bɛtɛli soe dafɛ. A ya a to waga kelen (1,000) bila ala den Yonatan fɛ. Wonu tara Kibiya soe burɔ Bɛnyamɛta nyamanɛ rɔ.

1 Samuwɛli 2:12

Ilayita den-keinu kalabante. Anu ti sɔn Mari gbiliyala.

1 Samuwɛli 30:22

Kɔnɔ tinya-batoe anubɛ karagbɛlɛ donu bi Dawuda fɛ. Wonu ya a fɔ ko, “Ma ara na bolo-fan minnu na kɛ la, kɛnu ti fenfen sɔrɔn wonu tɔ bawo anu ma sɔn bilala ma fɛ. Anu ni anuna denbayɛnu denu dɔrɔn bi, anu ni ta.”