2 Samuwɛli 2:6 - ALLALA KUMƐ

⁶ Alamɛ Mari tora wo fɛ ka to ko-nyimɛ kɛla wo ye. Nde fanan si wo bira boloko-nyimɛ-kɛ ka a tɛgɛ wo ara min nadan.

2 Samuwɛli 2:6 Iomraidhean Croise

2 Samuwɛli 10:2

Mansa Dawuda ya a fɔ ko, “Fɔ n ba Henɔn kɛ ma n diyana-mɔgɛ la iko mabɛ a fa Nɛhasi manɛ nya min nun.” Wo le ya a ma, Mansa Dawuda ya kilayɛnu nata a fa saya-kɔndɔli-kɛ tinɛ. Kilayɛ wonu kenɛ Amon nyamanɛ rɔ,

2 Samuwɛli 15:20

I ma mɛ wɛ n fɛ fɔlɔn. Nde si sɔn kama wo rɔ, i ni to yilan-yilanna n fɛ, ado nde nyɛrɛ-nyɛrɛ ma n ta tinɛ lɔn? I bɔnsɔn minnu bi yan, wonu bi, i ni sɛgi anu na soe. Alamɛ Mari tora i fɛ ka ko-nyimɛ kɛ i ye.”

2 Samuwɛli 2:7

Wola mansɛ Sɔli ara so-mayɛlɛma-kɛ. Anu bara nde sigi a gbɛ rɔ Yuda nyamanɛ rɔ. Woletɔ wo ni wo yisi gbɛlɛya ka wo kerinteya.”

2 Samuwɛli 9:3

Mansɛ ya a manyinika tun ko, “I ya Mansa Sɔlila kebila-mɔgɛ do lɔn min bi a kɛndɛ la kaka? N bi a fɛ ka ko-nyimɛ kɛ wo ye iko n bara lanyiri kiri Alla ye nya min nun” Saiba ya a fɔ a ye ko, “Yonatanna den kelen de nyɔ. Namarɛ le wo la.”

2 Samuwɛli 9:7

Mansa Dawuda ya a fɔ a ye ko, “Hali i ma kilan. N si ko-nyimɛ kɛ i ye ka a tɛgɛ i fa Yonatanna ko ma. N si i benba Mansa Sɔli halala-dugi bɛɛsi lasɛgi ile ma. N si a ma, ma ni to ma de-nyinina kan-tina-kelen.”

Yaburi 57:3

a si a lamɔɛn san-kole rɔ ka n kisi. A si n yoge bɛɛ nɔ. Alla si ata hinɛ anubɛ lanayɛ yira n na.

Hɛnkilimaya-Kumɛnu 14:22

Min bi ko-yogomɛ rabɛnna a hadama-den-nyɔgɛ kan ma, ko-nyima-kilɛ si to-a-rɔ wo ma. Kɔnɔ min bi ko-nyimɛ rabɛnna a hadama-den-nyɔgɛ ye, wo si diya mɔgɛnu ye. Anu si la a la fanan.

Matiyu 10:16

“Wo ni wo tole masɔ! N bi wo latala sulukinu tɛma iko sagɛnu. Wo ni halliya iko duguma-fannu. Wo ni ma kɛlɛ-tɛgɛbɛlɛ la iko kangbɔɛnu.

Matiyu 5:44

Kɔnɔ kaka, n bi a fɔla i ye ko i ni i yogenu keni ka madiyali kɛ anu ye, hali minnu sa i birala a kin na!

Matiyu 5:7

Mɔgɔ-sewanɛ le wo mɔgɛ la min bi kinikinina donu ma bawo Alla si kinikini ale fanan ma!

Yasowa 2:14

Mɔgɔ filɛ wonu ya a fɔ a ye ko, “Mari wa soe kɛ di ma ma tumɛ min, ni i ma a fɔ mɔgɔ-wo-mɔgɔ ye ko ma ye nala le, ma si ko-nyimɛ kɛ i ye iko i ya ko-nyimɛ kɛ ma ye nya min. Ni ma ti na ko-nyimɛ kɛ i ye, Mari Alla ni male fanan halaki.”

Ruti 1:8

Anu bi kilɛ la tumɛ min, a ya a fɔ a mama-nyaganɛ wonu ye ko, “Min fisa, wo sɛgi wo nanu barɛ. Wo ya mabɛ nna dannu fɛ-bira a kilɛ fɛ. Alamɛ Mari ya wo dɛnbɛ iko wo ya ma fɛ-bira nya min.