2 Samuwɛli 2:14 - ALLALA KUMƐ

¹⁴ Abina ya a fɔ Yohabu ye ko, “Ma ni mala kɛlɛ-dan donu nabɔ, anu ni solomurila kɛlɛ-kɛ ka a lɔn ni min si a ta-nyɔgɛ nɔ.” Yohabu fanan sɔnta wo ma.

2 Samuwɛli 2:14 Iomraidhean Croise

2 Samuwɛli 2:15

Mɔgɔ tan-ni-fila bɔra Bɛnyamɛ bɔnsɔn rɔ alako wonu ni kɛlɛ kɛ Mansa Isibosɛti ye. Mɔgɔ tan-ni-fila fanan bɔra Dawudata keminɛnu tɔ.

2 Samuwɛli 2:16

Anu yatɛ bɛnta mɔgɔ mogan-ni-nani ma. Bɛɛ ya a ta-nyɔgɔ bira a kan-kɔlɔma ma. Bɛɛ ya ata solomuri sɔrɔngbɔ fanan a ta-nyɔgɛ tɔnkɔn rɔ. Anu dama fagara anu nyɔgɔn fɛ nya-kun-kelen. Woletɔ anu ya kan tinɛ wo tɔgɔ sa Solomuru-Dugu.

2 Samuwɛli 2:17

Tiriyante wo rɔ, kɛlɛ-belebele buira anu tɛma. Dawudala keminɛnu ya Abina anubɛ Isirɛla kɛlɛ-dannu nɔ.

2 Mansɛnu 14:8

Mansa Hamasa ya kilayɛnu nata Isirɛla Mansa Yɛhowasi ma ko anu ni kɛlɛ.

Hɛnkilimaya-Kumɛnu 10:23

Kuntan si nyagalen ko-yogoma-kɛ-tinɛ nya min, hɛnkilimɛ fanan si nyagalen hɛnkilimayɛ la wo nya na le.

Hɛnkilimaya-Kumɛnu 17:14

Ka sɔsɔlɛ lawuli, wo mani de iko yi wa balan sɔgɔ. I ni sɔsɔlɛ wo ban yona alako a kana na to koloyala.

Hɛnkilimaya-Kumɛnu 20:18

Yanni mɔgɛ ni ko ladan, a ni mɔgɛ do nyini min si hɛnkili di a ma. Hali mɔgɛ ye kɛlɛ-belebele do kɛla, fɔ a ni mɔgɛ donu sɔrɔn minnu si hɛnkili di a ma.

Hɛnkilimaya-Kumɛnu 25:8

Mɔgɛ ban min tagbɛla, a kana bara koe wo la ka ta a ta-nyɔgɛ la kiti-tɛgɛlɛnu bara. Tumado, ni anu ya wo fɛsɛfɛsɛ, a si ma miliya-koe la ale bolo.