2 Samuwɛli 2:1 - ALLALA KUMƐ

¹ Dawuda ban saya-tolon kɛla, a ya Mari manyinika. A ko, “N ni ta sigi soe do kun na wo rɔ Yuda nyamanɛ rɔ, wa?” Mari ko, “Ɔn!” Dawuda ko, “Soe nyamintan ye wo la?” Mari ko, “Hiburɔn soe.”

2 Samuwɛli 2:1 Iomraidhean Croise

Ko-Dabirɛnu 13:18

Burama ya ala dagɛ wayan ka ta a daga makɛ Mamirela kɔlɔma-kuru-latankanɛ donu kɔrɔ minnu bi Hiburɔn soe dafɛ. A ya saraka-mintan-tinɛ do sɔ Mari ye nyɔ.

Ko-Dabirɛnu 32:2

Yakoba ya anu yen tumɛ min, a ko, “Allata daga makɛ tinɛ le kɛ la.” Woletɔ a ya kan tinɛ wo tɔgɔ sa ko, “Daga Makɛ Tina Fila.”

2 Samuwɛli 15:7

San nani tenbinɛ, ale Abasalɔm ya a fɔ a fa Dawuda ye ko, “N fa, n siginɛ Siriyanu tɛma wati min Kesa nyamanɛ rɔ, n ya lanyiri kiri Mari ye. N ko ni a ya n bi ka na n na Yerusalɛm soe burɔ, n si ta a bato Hiburɔn soe burɔ. I yandi, a ma, n ni ta ka nna lanyiri latɔnbagaya Mari ye.”

2 Samuwɛli 2:11

San wɔrɔnfila karɛ wɔrɔ, a ye Yuda nyamanɛ kun na Hiburɔn soe burɔ.

2 Samuwɛli 5:19

Mansa Dawuda ya Mari manyinika, a ko, “Ni n tara Filisitinu kɛlɛ tinɛ, n si anu nɔ, wa?” Mari ko, “Ɔn, n si a ma, i ni anu nɔ.”

2 Samuwɛli 5:23

Mansa Dawuda ya Mari manyinika tun anu kɛlɛ-koe rɔ. Mari ko, “I kana anu kɛlɛ dabira yan bara la de! Bɔ anu kɔma kilɛ la pɔpɔ kɔlɔma siyamɛnu bi kan min. I ni anu kɛlɛ dabira nyɔ.

1 Mansɛnu 2:11

Dawuda ya mansayɛ kɛ Isirɛla nyamanɛ kuma san bi-nani kɔrɔ. San wɔrɔnfila kɔrɔ, a siginɛ Hiburɔn soe burɔ. San bi-sawa ani san sawa kɔrɔ, a siginɛ Yerusalɛm.

1 Ko-Kɔrɔta-Karan 29:7

Anu ya minnu nadɛn Marita Bɔn sɔ-koe rɔ ka a sa mansɛtɛ kuma, wo le kɛnu na. Anu nara sɛnɛ la minna gbiliyɛ anubɛ fui-fan bɔrɔ waga fila ani kɛmɛ loli anubɛ bɔrɔ kelenta (2,501) gbiliyɛ rakɛn. Anu nara wodi-gbɛ la minna gbiliyɛ anubɛ fui-fan bɔrɔ waga lolila (5,000) gbiliyɛ rakɛn. Anu nara silɛɛ la minna gbiliyɛ anubɛ fui-fan bɔrɔ waga kɔnɔntɔla (9,000) gbiliyɛ rakɛn. Anu nara nɛgɛ la minna gbiliyɛ anubɛ fui-fan bɔrɔ waga bi-lolila (50,000) gbiliyɛ rakɛn.

2 Ko-Kɔrɔta-Karan 11:10

Sora wo, Aiyalɔn wo, anubɛ Hiburɔn.

Yaburi 143:8

Sɔgɔma-wo-sɔgɔma, i ni to n hɛnkili labilala ila keninteya-yɛlɛmabɛlɛla ko la bawo n bara n yigi sa ile le tɔ. N bi madiyali kɛla alako n si ta kilɛ min fɛ, i ni wo yira n na.

Yaburi 27:4

N bara Mari manyinika ko kelen pe lela ko ma. N bi nyinina wo le ma a bolo, wo le, ka n siyi-tele mumɛ bɛɛ dunu Mari Bato-Bɔn la. Wo si a ma, n ni to kawala ata nyimayɛ ma nyɔ rɔ ka to hɛnkili sɔrɔnna a bolo.

Isikiyɛli 36:37

“Nde, i Tigi Mari si sɔn Isirɛla mɔgɛnu ni n madiya tun. N si a ma, anu ni to siyayala iko saga wɔrɛ.

Yilan-Yilan Koe 27:21

A si a yɛ bɛn Ɛliyasa ma. Wo si ke ka nde diyana-koe lɔn fen fila fɛ min bi saraka-masɔla-wɛla kɔgɔ-dala-kurɛ ma. Yasowa anubɛ Isirɛla mɔgɛnu si min ma, kɛnu si a ma, Ɛliyasa ni wo rakaran anu ye.”

Yasowa 15:13

Iko Mari ya a fɔ Yasowa ye nya min, a ya Yuda nyamanɛ do di Yuda kɛ do ma, Yɛfunɛla den Kelabu, kɔni. Yasowa ya Hiburɔn soe di Kelabu ma min bi Anaki fa Araba bolo fɔlɔ nun.

Kɛlɛ-Kurugbɛnu 1:1

Yasowata fagɛ kɔmɛ, Isirɛla mɔgɛnu ya Mari manyinika, anu ko, “Ma bɔnsɔn nyamintan fɔlɔn si ta Kenan kɛ-toenu kɛlɛ tinɛ?”

1 Samuwɛli 10:22

Anu ya Mari manyinika tun a wara-koe ma, anu ko, “Ale ye mintɔ? A ye ma tɛma yan?” Mari ya a fɔ ko, “Wo ma a dogonnɛ yen dunɛnu kɔma wo la?”

1 Samuwɛli 23:2

Dawuda ya Mari manyinika, a ko, “N si ta le Filisiti kɛnu kɛlɛla, wa?” Mari ya a fɔ ko, “Ɔn, ta anu kɛlɛ. I ni Kiyaila mɔgɛnu nakanan anu masibɛ ma.”

1 Samuwɛli 23:4

Dawuda ya Mari manyinika tun. Mari ya a fɔ a ye ko, “Ta Kiyaila kɛnu kumafunfan bawo n si a ma, i ni Filisitinu nɔ.”

1 Samuwɛli 30:31

anubɛ Hiburɔn soe. Anubɛ ala keminɛnu ya anu kian sɔ kan tinɛ min bɛɛ rɔ, a ya nyɔ-mɔgɔ-banu kɔ.