2 Samuwɛli 19:9 - ALLALA KUMƐ

⁹ Anu bi anu nyɔgɔn sɔsɔla. Anu bi a fɔla anu nyɔgɔn ye ko, “Fɔlɔ nun, Mansa Dawuda ye ma kumafunfanna ka ma yogenu kɛlɛ. A ye ma tankala Filisitinu masibɛ ma. Kɔnɔ wo kɔma, ale ara a buri ala den Abasalɔm kɔrɔ ka nyamanɛ kun-nakolɔn to.

2 Samuwɛli 19:9 Iomraidhean Croise

2 Samuwɛli 15:14

Mansɛ ya a fɔ ala mɔgɔ-banu ye minnu siginɛ Yerusalɛm ko, “Ma ma buri wona kaka Abasalɔm kɔrɔ. Ni wo ma, a si ma damasi bira ka so-burɔ-mɔgɛ damasi faga.”

2 Samuwɛli 18:17

Anu ya Abasalɔm furi bi ka a lafili denka-filon-bɛ do rɔ gbɔngbɔn wo kɔrɔ. Anu ya kuri ladɛn a furi kuma denkɛ wo rɔ ka a yamatogon kuri la. Isirɛla mɔgɛ bɛɛsi sɛgira anu barɛnu tɔ.

2 Samuwɛli 19:10

Ma ya Abasalɔm min dantɛgɛ ka a ma mala mansɛ la a gbɛ rɔ, wo kunyɛ ara to kɛlɛ rɔ. Nfenna worɔ, mɔgɔ do ti a sɛbɛ don Mansa Dawuda bi-koe ma ka na a la yan?”

2 Samuwɛli 19:40

Mansa Dawuda ke Yorodan bɛ kɔgɔma, Yuda nyamanita-mɔgɛnu anubɛ Isirɛla nyamanita-mɔgɛ donu bilara ale mansɛ fɛ. A tara Kiligali soe burɔ, Basilayila den Kimahama bilanɛ a fɛ.

2 Samuwɛli 22:44

“Nta mɔgɛ minnu murutiyara n ma, i ya n nakisi wonu masibɛ ma. I ya a ma, n tora mansayɛ la nyamanɛnu kun na. Hali n ma sibole minnu lɔn nun, wonu bara anu nyɛrɛ latenbi n ma kaka.

2 Samuwɛli 5:20

Mansa Dawuda tara Filisitinu nɔ kan tinɛ do rɔ anu nara to min kelela ko, “Mari Tugura Anu Kun Na.” Mansa Dawuda ya a fɔ ko, “Mari ara tugu n yogenu kun na iko yi wa fa, wo ye tugula a rɔ nya min.” Woletɔ anu ya kan tinɛ wo tɔgɔ sa “Mari Tugura Anu Kun Na.”

Yaburi 18:43

Nta mɔgɛ minnu murutiyara n ma, i ya n nakisi wonu masibɛ ma. I ya a ma, n tora mansayɛ la nyamanɛ kun na. Hali n ma sibole minnu lɔn nun, wonu bara anu nyɛrɛ latenbi n ma kaka.

Bɔ-Koe-Iyipiti 32:24

Woletɔ n ya a fɔ anu ye ko anu ni na anuna sɛnɛnu na. Anu ya anuna sɛnɛnu don n bolo. N ya anu sa tɛ rɔ tumɛ min, ninki-danla muninyɛ kɛ bɔra a nyɛrɛ ma.”

1 Samuwɛli 17:50

Hali faan anubɛ tanbɛ sa Dawuda bolo, a ya Kolati nɔ ka a faga lenfiran-kuri la.

1 Samuwɛli 18:25

Woletɔ mansɛ ya a fɔ anu ye ko anu ni ta a fɔ Dawuda ye ko, “N bi nyinina min ma ale bolo ka nna dunmusi furu a la, wo le, a ni ta Filisiti mɔgɔ kɛmɛ faga ka anu nakemininya. A ni na wonu sogo-kundinu na n ma. Wo si ma n tayili-sara la Filisitinu bara la.” (Mansɛ ye kɛ dama mala le alako Filisitinu ni Dawuda faga.)

1 Samuwɛli 19:5

A ya a niyi fili ka Kolati faga. Mari ya nɔlɛ di Isirɛla mɔgɛnu ma wo wati rɔ. Ile nyɛrɛ ya wo yen tumɛ min, i sewara. Nfenna worɔ, a sɔgɛ ye i la, i ni baga Dawuda ma fufafu, ado ale ma ko tinya i ma?”