2 Samuwɛli 19:43 - ALLALA KUMƐ

⁴³ Isirɛla nyamanita-mɔgɛnu ya a fɔ anu ye tun ko, “Male letan mansɛ kɛ la iko tan ka tenbi wo la. Nfenna wo ye tɛgɛla ma rɔ? Wo ara nyina le, wa? Male le fɔlɔn ma mansɛla na-koe fɔ yan?” Anu tora anu nyɔgɔn sɔsɔla ha kɔnɔ Yuda nyamanita-mɔgɛnuta kumɛ gbɛlɛyara ka tenbi Isirɛla mɔgɛnutɛ la.

2 Samuwɛli 19:43 Iomraidhean Croise

2 Samuwɛli 19:14

Mansɛla kumɛ wo ya a diya don Yuda mɔgɛnu tɔ. Anu lara a la feu! Anu ya kilayɛ lata ka Mansa Dawuda anubɛ ala mɔgɔ-banu makele.

2 Samuwɛli 19:9

Anu bi anu nyɔgɔn sɔsɔla. Anu bi a fɔla anu nyɔgɔn ye ko, “Fɔlɔ nun, Mansa Dawuda ye ma kumafunfanna ka ma yogenu kɛlɛ. A ye ma tankala Filisitinu masibɛ ma. Kɔnɔ wo kɔma, ale ara a buri ala den Abasalɔm kɔrɔ ka nyamanɛ kun-nakolɔn to.

2 Samuwɛli 20:1

Bikirila den kalabante Siba siginɛ Kiligali soe burɔ, ado Bɛnyamɛ bɔnsɔn-mɔgɛ do le ale la. Siba ya buri fɛ ka Isirɛla mɔgɛnu nadɛn. A ya a fɔ ko, “Ma ni ma bɔ Dawuda fɛ. Ma sa Yɛsila den Dawuda kɛ fɛ. Ma sɛgi wona ma warɛnu tɔ bawo male Isirɛla mɔgɛnu, mata mumɛ sa Dawuda wara-ko rɔ.”

2 Samuwɛli 20:6

Ale mansɛ ya a fɔ Abisayi ye ko, “Siba kɛta nanparan ye tenbila le Abasalɔmtɛ la. Nna kɛlɛ-dannu bi, wo ni a sagaran. Ni wo ma, a si ta soe donu bi tarɛ mininɛ minnu ma, ado a masɔrɔn-koe si gbɛlɛya ma bolo.”

2 Samuwɛli 5:1

Wo kɔma, Isirɛla mɔgɔ damasi nara Dawuda warɛ Hiburɔn soe burɔ. Anu ya a fɔ a ye ko, “Yele kelen de ma dama la.

1 Mansɛnu 12:16

Mɔgɛ wonu ya a yen min kɛ ko Mansa Rihobowami sa a wɔlɔ matɔlɔla anu na, anu ya sɔnkɛ tɛgɛ, anu ko, “Ma sa nyinina Dawuda anubɛ a kebilɛ ma tun! Anu bara nfen ma ma ye? Ni Isirɛla mɔgɛ le yɛ, bɛɛ ni sɛgi a warɛ! Fɔ ni ile Rihobowami tora mansayɛ la i fa Dawudala denbayɛnu kun ma.” Anu ban wo fɔla, Isirɛla mɔgɛ bɛɛsi sɛgira a warɛ.

Hɛnkilimaya-Kumɛnu 13:10

Wasinteyɛ si na kɛlɛ-nyɔgɔnyɛ le la kɔnɔ min si a tole masɔ kawandili-kan la, hɛnkilimɛ le wo tigi la.

Hɛnkilimaya-Kumɛnu 15:1

Kuma-makimani-fɔɛ si mɔgɔ-yisi-bɔnɛ kimɛ kɔnɔ kuma-yogoma-fɔɛ si tɛ tugu mɔgɔ-yisi-bɔnɛ la.

Hɛnkilimaya-Kumɛnu 17:14

Ka sɔsɔlɛ lawuli, wo mani de iko yi wa balan sɔgɔ. I ni sɔsɔlɛ wo ban yona alako a kana na to koloyala.

Hɛnkilimaya-Kumɛnu 18:19

Ni mɔgɛ ya a na-kelen-nyɔgɛ yisi-tinya-koe ladan, wo burɛ-lɔn-koe gbɛlɛ a bolo iko tarɛ mininɛ soe min ma. Ala diminyɛ si ma wo tɛma iko tarɛ min dɛ latogonnɛ nɛgɛ-kankan la.

Romu 12:21

Wo kana sɔn, ko-yogomɛ ni nɔ-ko sɔrɔn wo ma. Wola ko-nyimɛnu ni nɔ-ko sɔrɔn ko-yogomɛnu ma.

Kalesiya 5:15

Kɔnɔ ni wo tora ko ladanna iko sogo-feremɛnu ka wo nyɔgɔn madumɛ ka wo nyɔgɔn dɔn, feda worɔ, wo ni a ma wo fɛrɛma, ni wo ma, wo si wo nyɔgɔn kasara pɔ!

Kalesiya 5:20

bɛsi-kɔɛ wo, anubɛ suwagayɛ. Gboyanayɛ anubɛ nyɔgɔn-kɛlɛ ti ban anu tɛma. Anu bi anu nyɔgɔn makeliyala ka diminya anu nyɔgɔn ma ka anu miri anu nyɛrɛ dɔrɔn ma. Hali anu kurɔn ladɛnnɛ, anu ta si nyɛnsɛn kɛlɛ-tɛgɛ-koe la.

Kalesiya 5:26

Ma kana wasi. Ma kana ma nyɔgɔn nadiminya. Ma kana ma nyɔgɔn makeliya.

Filipai 2:3

Wo kana ko-wo-ko kɛ ka a bɛn wo nyɛrɛta nata ma. Wo kana ko ladan min si a ma, wo ni wo nyɛrɛ kɔrɔbi nya min. Wo ni wo famayigi wo nyɔgɔn ye. Wo kana ko ladan min si a yira ko wo fisa wo nyɔgɔn ko mumɛ!

Yemesi 1:20

ado mɔgɔta diminyɛ ti Allala telenbagayɛ labɔ gbɛ ma iko a ya a latɛgɛ nya min.

Kɛlɛ-Kurugbɛnu 8:1

Ifɛrɛm bɔnsɔn-mɔgɛnu ya anu tɛgɛ sigi Kidiyɔn ma, anu ko, “I wara nfen ma ma la kɛ la? Nfenna i wulita Midiyan kɛnu kɛlɛla, i ma ma kele?” A ya anu tɛgɛ sigi a ma dɔgɔma-ma-de!

Kɛlɛ-Kurugbɛnu 9:23

Wo kɔma, Alla ya gboyanayɛ ladon Sɛkɛm mɔgɛnu anubɛ anuna mansɛ Abimɛlɛki tɛma bawo anu ya a na-kelen-nyɔgɛnu faga. Murutiyɛ wo mara a tayili-sarɛ la Alla bolo.