2 Samuwɛli 19:40 - ALLALA KUMƐ

⁴⁰ Mansa Dawuda ke Yorodan bɛ kɔgɔma, Yuda nyamanita-mɔgɛnu anubɛ Isirɛla nyamanita-mɔgɛ donu bilara ale mansɛ fɛ. A tara Kiligali soe burɔ, Basilayila den Kimahama bilanɛ a fɛ.

2 Samuwɛli 19:40 Iomraidhean Croise

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

2 Samuwɛli 19:10

Ma ya Abasalɔm min dantɛgɛ ka a ma mala mansɛ la a gbɛ rɔ, wo kunyɛ ara to kɛlɛ rɔ. Nfenna worɔ, mɔgɔ do ti a sɛbɛ don Mansa Dawuda bi-koe ma ka na a la yan?”

2 Samuwɛli 19:37

A ma, n ni sɛgi n barɛ alako n kanbɛ ni to n fa anubɛ n natɛ dafɛ. N tigi, i ma nna den Kimahama yen? Ta wo la i bolo. I ni ko-nyimɛ kɛ wo ye iko a di i ye nya min.”

2 Samuwɛli 19:9

Anu bi anu nyɔgɔn sɔsɔla. Anu bi a fɔla anu nyɔgɔn ye ko, “Fɔlɔ nun, Mansa Dawuda ye ma kumafunfanna ka ma yogenu kɛlɛ. A ye ma tankala Filisitinu masibɛ ma. Kɔnɔ wo kɔma, ale ara a buri ala den Abasalɔm kɔrɔ ka nyamanɛ kun-nakolɔn to.

Matiyu 21:9

Nyama min bi tagamana Yisa yarɔ anubɛ nyama min bi tagamana a kɔma, wonu ya gbele-gbelan dabira ko, “Mansa Dawudala dan, i ni sɛnɛ! Min bi nala Mari tɔgɛ rɔ, Allata duwɛ ni to wo kuma! Alla tanto!”