2 Samuwɛli 19:27 - ALLALA KUMƐ

²⁷ A tara n madon ile mansɛ wara. Kɔnɔ n tigi, ile manɛ de iko Allata melika. Ni koe min telenta ile yala, i ni wo ma.

2 Samuwɛli 19:27 Iomraidhean Croise

2 Samuwɛli 14:17

N ya n miri n nyɛrɛ ma n ko hali ita kuman-kan wo si a ma, n ni kisi. Mansɛ mani de iko Allata melika bawo a ya ko-nyimɛ anubɛ ko-yogomɛ dan-nafarɛ lɔn. Mansɛ, alamɛ ita Mari Alla tora i fɛ.”

2 Samuwɛli 14:20

A ya a ma le alako bɛnsɛnkɔninyɛ kɛ ni ban. N tigi, i hɛnkili kolo iko Allata melika min ya koe bɛɛ lɔn.”

2 Samuwɛli 16:3

Mansɛ ya a manyinika, a ko, “Mansa Sɔli mamanɛ Mɛfibasɛti, wo ye mintɔ kaka?” Saiba ko, “N ya a to Yerusalɛm soe burɔ le bawo a miri le ko Isirɛla mɔgɛnu bi a benbala nyamanɛ lasɛgila a ma le tun.”

2 Samuwɛli 16:4

Mansɛ ya a fɔ Saiba ye ko, “Mɛfibasɛti bolo-fan damasi, i halalɛ le wonu na gbɛ!” Saiba ko, “Ila keminɛ le nde la. Alamɛ n wara-koe ya i hɛnɛ.”

2 Samuwɛli 19:17

Wo nara a ta-nyɔgɛ Bɛnyamɛ bɔnsɔn-mɔgɔ waga kelen na a bolo. Mansa Sɔlila wɔli-kɛlɛ, Saiba nara ala den-kei mɔgɔ tan-ni-loli la a bolo fanan anubɛ yɔɔn mɔgɔ mogan. Wonu fɔlɔn kera Yorodan bɛ ma mansɛ ko.

2 Samuwɛli 9:13

Ale Mɛfibasɛti min kin filɛ bɔnɛ a kɔrɔ, a tora fen-dɔn-kɛla Mansa Dawuda fɛ Yerusalɛm soe burɔ.

2 Samuwɛli 9:3

Mansɛ ya a manyinika tun ko, “I ya Mansa Sɔlila kebila-mɔgɛ do lɔn min bi a kɛndɛ la kaka? N bi a fɛ ka ko-nyimɛ kɛ wo ye iko n bara lanyiri kiri Alla ye nya min nun” Saiba ya a fɔ a ye ko, “Yonatanna den kelen de nyɔ. Namarɛ le wo la.”

Yaburi 101:5

N si tɔn sigi wɛwɛ-salɛnu na minnu si nyɔgɔn-kɔma-kumɛ fɔ. N ti ke n muinna mɔgɔ-wasini fenfen kɔrɔ.

Yaburi 15:3

A ti mɔgɔ rafɔ, a ti ko-yogoma ma a diyana-mɔgɔ la, a ti a sigi-nyɔgɔla ko rakaran.

Bɔ-Koe-Iyipiti 20:16

“Wo kana foninya-sereyɛ bɔ.

Yɛrɛmaya 9:4

Bɛɛ ni a ma a fɛrɛma a diyana-mɔgɔ wara la. Hali i na-kelen-nyɔgɔ bɛrɛbɛrɛ le, i kana la a la. Bɛɛ ye a na-kelen-nyɔgɛ yanfala iko wo benba Yakoba. Bɛɛ ye tɔgɛ sala a diyana-mɔgɛ la.

1 Samuwɛli 29:9

Mansa Akisi ya a fɔ a ye ko, “I wara min bɛɛsi fɔ, n bara sɔn wonu ma. I latelennɛ le nde yala iko Allata melika. Kɔnɔ hali wo, n ta-nyɔgɔ-mansɛnu ko i kana bila ma fɛ kɛlɛ rɔ.