2 Samuwɛli 19:20 - ALLALA KUMƐ

²⁰ N bara a lɔn serr, ko n bara ko-yogomɛ le ma i la. Woletɔ bɔnsɔn minnu bi kantɔ findan ma, nde le wara ma wo mɔgɔ fɔlɔtɛ la ka bɔ Yusufu bɔnsɔn rɔ ka na i madiya tinɛ.”

2 Samuwɛli 19:20 Iomraidhean Croise

Ko-Dabirɛnu 48:14

Hali dan-dɔgɔmɛ le Ifɛrɛm la, Yakoba ya a bole ratantan ka a bolo-nyimɛ sa wo kuma. A ya a bolo-maran sa a kinamɛ Manasa kuma.

Ko-Dabirɛnu 48:20

Yakoba ya anuna duwɛ makofu wulɔn ko, “Isirɛla mɔgɛnu tenbi duwala, anu si duwɛ wo sanka ila dan kɛnu denu ma ka a fɔ ko, ‘Alamɛ i mara iko Ifɛrɛm anubɛ Manasa ye nya min.’ ” Woletɔ Yakoba ya Ifɛrɛm sɔ a kɔrɔ Manasa yarɔ duwɛ fɛ.

2 Samuwɛli 16:5

Mansa Dawuda ke Bahura soe burɔ, Mansa Sɔli na-kelen-nyɔgɛ Kɛra, wola den Simayi bɔra soe ka ta a taran nyɔ. A ye tala Mansa Dawuda mamɔɛnna.

2 Samuwɛli 19:21

Sɛruya-Abisayi ya a fɔ Dawuda ye ko, “Simayi min ya Marita mansa-yabɔnɛ mamɔɛn wulɔn, ma ti wo faga, wa?”

2 Samuwɛli 19:9

Anu bi anu nyɔgɔn sɔsɔla. Anu bi a fɔla anu nyɔgɔn ye ko, “Fɔlɔ nun, Mansa Dawuda ye ma kumafunfanna ka ma yogenu kɛlɛ. A ye ma tankala Filisitinu masibɛ ma. Kɔnɔ wo kɔma, ale ara a buri ala den Abasalɔm kɔrɔ ka nyamanɛ kun-nakolɔn to.

1 Mansɛnu 12:20

Isirɛla mɔgɔ damasi ya a lamɔɛn min kɛ ko Yɛrabowami ara sɛgi ka bɔ Iyipiti nyamanɛ rɔ, anu ya a kele anuna ladɛn-kinamɛ kuma ka a ma mansɛ la Isirɛla mɔgɛnu kuma. Fɔ Yuda bɔnsɔnnu, wonu denu tora Mansa Dawuda sɔrɛnu fɛ.

1 Mansɛnu 12:25

Mansa Yɛrabowami min bi Isirɛla mɔgɛnu kun na, wo ya Sɛkɛm soe mabɛn ka soe wo latanka tinɛnu nadan. Sɛkɛm wo ye Ifɛrɛm kɔnkɔ-nyamanɛ le tɔ. Ale Mansa Yɛrabowami sigira nyɔ rɔ wati-kundu-ni kɔrɔ. Wo kɔma, a bɔra nyɔ rɔ ka ta Pɛnuwɛli soe fanan latanka tinɛnu nadan.

Yɛrɛmaya 22:23

Wola mansɛla bɔn sɔra sida-fɛran minnu na ka bɔ Lɛbanan kɔnkɛnu kuma, ale mansɛ lafɛrɛnɛ sanɛ wo burɔ! Kɔnɔ dumɛ wa tagbaya a ma, a makinikininɛ si to iko nyaganɛ wa sigi tin kɔrɔ.

Hoseya 5:15

A ko a si a kɔɛn bɔ wo wara-koe rɔ feufeu, ha wo ni kɔrɔtɔ wo yisi rɔ. Tɔrɔyɛ wo wa wo rabɔ tumɛ min, wo ni na to ale Mari nyinina. A ko tumado ni wo tɔrɔta, wo si a nyini de worɔ.

Hoseya 5:3

Nde, Mari ya a lɔn Isirɛla ye nya min. Wo ti ke wo dogonna n ma. Wo ma wo telen n ye mumɛ! A ma bɛn defan, wo ni n bato.”