2 Samuwɛli 19:11 - ALLALA KUMƐ

¹¹ Isirɛla mɔgɛnuna kumɛ wo kera Mansa Dawuda ma. A ya a sara Saraka-Masɔla Sedoki anubɛ Abiyatari wara. A ya a fɔ wonu ye ko, “Wonu ni ta Yuda kun-tiginu bara ka ta anu manyinika ko, nfenna anu tafaganɛ nde, Mansa Dawuda makele-koe ma ka na n na nna mansaya-bolɔn la tun?

2 Samuwɛli 19:11 Iomraidhean Croise

2 Samuwɛli 15:29

Sedoki anubɛ Abiyatari ya tɔn-kenkirɛ bi. Anu sɛgira Yerusalɛm soe burɔ. Anu tora nyɔ.

2 Samuwɛli 18:14

Yohabu ya a fɔ keminɛ wo ye ko, “N sa n tɔrɔla kumala ile fɛ tun.” A ya tanba sawa bi. A ya Abasalɔm kɛndɛ taran dunnɛ kɔlɔma wo la. A ya tanbɛ wonu nakɛ. Wonu tara gbangban Abasalɔm kɔgɔ rɔ.

2 Samuwɛli 18:15

Wo kɔma, ale Yohabula kɛlɛ-dan mɔgɔ tan bi nyɔ. Wonu nara ka Abasalɔm naban.

2 Samuwɛli 19:10

Ma ya Abasalɔm min dantɛgɛ ka a ma mala mansɛ la a gbɛ rɔ, wo kunyɛ ara to kɛlɛ rɔ. Nfenna worɔ, mɔgɔ do ti a sɛbɛ don Mansa Dawuda bi-koe ma ka na a la yan?”

2 Samuwɛli 19:41

Wo kɔma, Isirɛla nyamanita-mɔgɛ damasi tara mansɛ taran nyɔ. Anu ya a fɔ ale mansɛ ye ko, “Ma tigi, nfenna ma na-kelen-nyɔgɛ Yuda mɔgɛ kɛnu miri ko sarati ye anu denu bolo ka ta wobɛ ila mɔgɛnu natenbi Yorodan bɛ la?”

1 Mansɛnu 2:35

Mansa Silamɛni ya Bɛnaya sigi kɛlɛ-dannu kun na Yohabu gbɛ rɔ. A ya Saraka-Masɔla Sedoki yabɔ ka a sigi Abiyatari gbɛ rɔ.

Matiyu 5:16

Iko lɛnpu si waan raka mɔgɛ ma nya min, wo ni wola kɛwɔlɛ yira mɔgɛnu na wo nya na le. Anu si wo kɛ-nya-nyimɛnu yen worɔ ka wo Fa gbiliya min bi Arinyɛni tɔ.

2 Kɔrɛnti 5:20

Nba, male mara Kirasitita kilayɛnu na alako ma ni ata kumɛ fɔ mɔgɛnu ye. Alla nyɛrɛ ye ma sɔla ka ma ata kuma-lakelɛ la min kɛ, ma ye wo madiyala Kirasitila ko la ko wo ni sɔn ko wo ti to mani Alla yogenu na fɔ ka wo ma a diyana-mɔgɛnu na!

2 Tɛsalonaika 3:9

Ma ma a fɔ ko a ma bɛn ko ma ni dɛnbɛnɛ sɔrɔn wo bolo. Ma wɔlita alako dɔrɔn male nyɛrɛ ni ma misalɛ la wo ye, ado wo ni wo nyɔgɔn kɛ.