2 Samuwɛli 19:1 - ALLALA KUMƐ

¹ Anu ya a fɔ Yohabu ye ko Mansa Dawuda ye ala den Abasalɔm dila biribiri yisi-tinya bolo!

2 Samuwɛli 19:1 Iomraidhean Croise

Ko-Dabirɛnu 37:35

Yakobala dannu ya anu taya ka anu fa madiya kɔnɔ a ma sɔn a rade-koe ma. A ko, “Nde si to nna dan kɛ dila ha n ni a taran lakira.” A tora dila ala dan Yusufula ko la wo nya le.

2 Samuwɛli 18:12

Kɔnɔ kɛlɛ-dan wo ya a fɔ a ye ko, “Hali i ya wodi-gbɛ-gbu waga kelen de di n ma, n ti n bolo-nɔlɔnɛ tugu mansɛla dan la. Mansɛ ya min fɔ wobɛ i ta-nyɔgɔ mɔgɔ filɛ ye, Abisayi anubɛ Itayi, kɔni, male ya wo lamɔɛn de! A ya a fɔ wo ye ko wo kana ko-wo-ko ma ala den Abasalɔm na ka a tɛgɛ alela ko ma.

2 Samuwɛli 18:14

Yohabu ya a fɔ keminɛ wo ye ko, “N sa n tɔrɔla kumala ile fɛ tun.” A ya tanba sawa bi. A ya Abasalɔm kɛndɛ taran dunnɛ kɔlɔma wo la. A ya tanbɛ wonu nakɛ. Wonu tara gbangban Abasalɔm kɔgɔ rɔ.

2 Samuwɛli 18:20

Yohabu ya a fɔ a ye ko, “Bawo mansɛla dan ara faga bi, a ma bɛn, ile ni ta wo fɔ mansɛ ye. Wo ti ma kuma-nyimɛ la a yala. Lunyɛ do, i si ta i dantɛgɛ mansɛ ye kɔnɔ bi, a ma kɛn, ile ni wo ma.”

2 Samuwɛli 18:33

Kumɛ wo ya a ma, mansɛ yisi tinyanta dɔgɔma-ma-de! Mansa Dawuda yɛlɛta tarɛ dɛ kuma ka ta san-bɔn la. A ye tala dila a bolo fɛ. A ye a fɔla ko, “E, nna dan! Nna den Abasalɔm. E, nna den Abasalɔm. Ni nde le fagara i gbɛ rɔ nun, nna den Abasalɔm, ile ni to, wo le di n ye.”

2 Samuwɛli 18:5

Yohabu wo, Abisayi wo, Itayi wo, a ya wonu masara. A ko, “Ka a tɛgɛ ndela ko ma, wo yandi, wo kana ko ma kemini-mɛsɛ wo la, nna den Abasalɔm, kɔni.” Kɛlɛ-dan min bɛɛsi ye nyɔ rɔ, wonu ya Mansa Dawuda yen kɛ fɔla anuna kun-tiginu ye.

2 Samuwɛli 19:2

Kɛlɛ-dannu ya a lamɔɛn min kɛ ko mansɛ ye ala dan dila, anuna wulɔn-sewɛ mara anu bolo yisi magboyɛ la.

Hɛnkilimaya-Kumɛnu 17:25

Kun-takolɔn si diyi-kɛ anubɛ yakɔrɔ-mamɔɛ sanba a sɔrɔnnɛnu ma.

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.