2 Samuwɛli 18:5 - ALLALA KUMƐ

⁵ Yohabu wo, Abisayi wo, Itayi wo, a ya wonu masara. A ko, “Ka a tɛgɛ ndela ko ma, wo yandi, wo kana ko ma kemini-mɛsɛ wo la, nna den Abasalɔm, kɔni.” Kɛlɛ-dan min bɛɛsi ye nyɔ rɔ, wonu ya Mansa Dawuda yen kɛ fɔla anuna kun-tiginu ye.

2 Samuwɛli 18:5 Iomraidhean Croise

2 Samuwɛli 16:11

Mansa Dawuda ya a fɔ Abisayi anubɛ ala mɔgɔ-banu ye tun ko, “Nde faga-sɔgɛ ye n halala-den-sɔrɔnnɛ la. Hali wo ma tɛrɛna n mamɔɛn kɛ la Bɛnyamɛ bɔnsɔn-mɔgɛ kɛ bolo. Mari le wara a fɔ a ye ko a ni n mamɔɛn. Wo ni a to nyɔ, a ni n mamɔɛn iko a di a ye nya min.

2 Samuwɛli 17:14

Abasalɔm anubɛ Isirɛla mɔgɔ-banu lara Husayita kumɛ wo la ka tenbi Ahitafɛlitɛ la. Mari ara ban a latɛgɛla ko anu kana Ahitafɛlita makawandili nyimɛ wo bira alako a si Abasalɔm halaki nya min.

2 Samuwɛli 18:12

Kɔnɔ kɛlɛ-dan wo ya a fɔ a ye ko, “Hali i ya wodi-gbɛ-gbu waga kelen de di n ma, n ti n bolo-nɔlɔnɛ tugu mansɛla dan la. Mansɛ ya min fɔ wobɛ i ta-nyɔgɔ mɔgɔ filɛ ye, Abisayi anubɛ Itayi, kɔni, male ya wo lamɔɛn de! A ya a fɔ wo ye ko wo kana ko-wo-ko ma ala den Abasalɔm na ka a tɛgɛ alela ko ma.

2 Samuwɛli 19:1

Anu ya a fɔ Yohabu ye ko Mansa Dawuda ye ala den Abasalɔm dila biribiri yisi-tinya bolo!

Yaburi 103:13

Iko fa nyimayanɛ ala dan ye nya min, Mari fanan nyimayanɛ mɔgɛnu ye minnu bi a gbiliyala.

Luka 23:34

Yisa ko, “N Fa, nyama kɛ makoto bawo anu bi min mala, anu ma a lɔn!” Kɛlɛ-dannu ya ala kurɛnu fara anu nyɔgɔn tɛma koron-nakɛ fɛ.