2 Samuwɛli 18:27 - ALLALA KUMƐ

²⁷ So-makandannɛ min sɔnɛ tarɛ kuma, wo ya a fɔ ko, “Yarɔ mɔgɛ wo buri-kɛ-bole manɛ de iko Ahimahasi.” Mansɛ ko worɔ, “Nba, mɔgɔ-hakikɛ le wo la. A ye nala kuma-nyimɛ le la wo la.”

2 Samuwɛli 18:27 Iomraidhean Croise

2 Samuwɛli 18:26

Wo kɔma, so-makandannɛ wo ya kei-dogbɛrɛ burimatoe yen nala tun, a kelan. A ya a fɔ da-makandannɛ ye ko, “I ma do fanan burimatoe yen nala tun.” Mansɛ ya a fɔ tun ko, “Wo fanan bi nala kuma-nyimɛ le la.”

1 Mansɛnu 1:42

Yohabu ma a kan wo laban, Saraka-Masɔla Abiyatarila den Yonatan nara anu taran. Adonaya ya a fɔ a ye ko, “I madon n na. N lanɛ a la ko nna mɔgɔ-nyimɛ le ile la. N lanɛ a la ko i wara na kuma-nyimɛ do le fɔ tinɛ n ye.”

2 Mansɛnu 9:20

Tara-makandannɛ wo ya a fɔ tun ko, “A fila nyɔgɛ min tara anu mafɛlɛn tinɛ, n ma wo fanan yen sɛgila tun de!” Ale tara-makandannɛ wo ya a fɔ tun ko, “Mɔgɛ min sɔnɛ anu yarɔ, wo ye kirindi laburila iko yuwɛ, ado Nimisila den Yehu si kirindi laburi wo nya na le.”

Hɛnkilimaya-Kumɛnu 25:13

Yi-kimɛ si kɔrɔ-tɛgɛlɛ yisi kima nya min, kilaya-lakɛla-nyimɛ fanan si a tigi yisi kima wo nya na le.

Hɛnkilimaya-Kumɛnu 25:25

Sarakani-nyimɛ min bi bɔla wula-yan la ka mɔgɔ taran, wo si diya i ye iko anu ba yi-kimɛ di mɔgɔ-kan-nagbalanɛ ma.

Aiseya 52:7

Mɔgɔ wa kilayɛ yen nala kuman-kan-diyamɛ la a bolo ka bɔ kɔnkɛnu tɔ, wo di mɔgɛ ye, ado yisi-kimɛ le si taran wo kɔma. A ye a fɔla Yerusalɛm ye ko anu bara kisi. A ko anuta mansɛ le Alla la.

Romu 10:15

Ado nfan, mɔgɛ si sarakanɛ wo lake kama, ni mɔgɔ ma anu sɔ? Iko a sɛbɛnɛ Allala kitabu rɔ nya min, a ko, “Mɔgɔ wa kilayɛ yen nala kibara-nyimɛ la a bolo, wo di mɔgɛnu ye.”