2 Samuwɛli 18:18 - ALLALA KUMƐ

¹⁸ Abasalɔm ye a niyi la tumɛ min, a ya kuri do sigi Mansɛnuna lɛɛ rɔ ka a tɔgɛ sa kuri wo kuma alako mɔgɛnu ni to anu mirila a ma. Wati wo rɔ, den sa a bolo min si ma a sugi la. Ha bi, anu bi kuri wo kelela ko Abasalɔm Yili-To-Kuri.

2 Samuwɛli 18:18 Iomraidhean Croise

Ko-Dabirɛnu 11:4

Anu ya a fɔ anu nyɔgɔn ye tun ko, “Wo na, ma ni so-karantan sɔ. Wo kɔma, ma ni san-bon-nayan-bɛ sɔ min si tugu san-kole la. Woletɔ ma tɔgɛ si bɔ. Ni ma ma wo ma, ma ra si nyɛnsɛn dugu-kole bɛɛ kuma.”

Ko-Dabirɛnu 11:9

Nyɔ-tɔgɛ sara Yabasanya kamasɔrɔn Mari ya duninya-mɔgɛ bɛɛ kuman-kan yabasan nyɔ le ka anu tanyɛnsɛn dugu-kole bɛɛ kuma.

Ko-Dabirɛnu 14:17

Burama sɛgira tumɛ min ka bɔ Mansa Kɛdolama anubɛ a ta-nyɔgɛ mansɛnu nɔ tinɛ, Sɔdɔm so-tigi-kurɛ tara anu nabɛn tinɛ Safɛ lɛɛ rɔ. (Anu bi lɛɛ wo kelela fanan ko Mansa lɛɛ.)

2 Samuwɛli 14:27

A ya den-kei mɔgɔ sawa ani dunmusi kelen de sɔrɔn. Dunmusi wo tɔgɛ le Tema. Tema kɛ kin dɔgɔma-ma-de!

Yaburi 109:13

Alamɛ a kegeyɛnu tora fagala. Alamɛ a tɔgɛ tununta a kɔma-mɔgɛnu tɛma yen!

Yaburi 49:11

Anuna kaburu si ma anu barɛ la tɛban! Hali dugi ye anu bolo kɔrɔma la, anu ya a laban kanbɛ le tɔ.

Aiseya 22:16

“Ile miri ko nfen bi ile la mansɛ wara yan? Yon ya a fɔ i ye ko i ni i nyɛrɛ kanbɛ sin farɛ rɔ yan?

Yɛrɛmaya 22:30

Ale Mari ko a ara ban a latɛgɛla ko fɔ ale Mansa Yɛhoyasin kɔrɔ wa kolonya filili! A wara-koe ti ta yarɔ muk! A kegeya-wo-kegeya ti taran a gbɛ rɔ Yuda nyamanɛ kun na Mansa Dawudata bɔn la. Mari kan le kɛ la.

Daniyɛli 4:30

N bi a fɔla ko, ‘Babilɔn so-karantan kɛ mafɛlɛn. Nde le ya soe kɛ sɔ alako ka nta sɛnbɛ mayira. Mɔgɛnu si a lɔn fanan ko n bi gbiliyɛ rɔ soe kɛ sɔ-nya bolo.’

Yilan-Yilan Koe 32:42

Makiri kegeyɛ do fanan min tɔgɛ Noba, wo fanan buira Kinati soenu ma. A ya soe wonu ma a tɔgɔma la ka anu kele ko Nobaya.

1 Samuwɛli 15:12

Wo wulun sɔgɔma subaga, a tara Mansa Sɔli labɛn tinɛ. A ya a lamɔɛn ko Mansa Sɔli ara ta Kamɛli soe burɔ ka kuri do sigi nyɔ min si a ma, mɔgɛnu yili ti bɔ a ko. Wo kɔma, Mansa Sɔli ya a lamɔɛn tun ko Samuwɛli ara ta Kiligali.