2 Samuwɛli 17:8 - ALLALA KUMƐ

⁸ Bɛɛ ya a lɔn serr, ko i fa Dawuda anubɛ ala kɛlɛ-dannu tagbɛlɛ, ado anu fere iko kulu-yuwan. Ni mɔgɛ ya ala dannu bi, wo ya a lɔn wo si min ma. Wo ya a lɔn fanan ko kɛlɛ-kurugba-kɔrɛ le i fa la woletɔ anubɛ ala kɛlɛ-dannu ti ki kan-tina-kelen.

2 Samuwɛli 17:8 Iomraidhean Croise

2 Samuwɛli 15:18

Ala mɔgɔ-banu sɔra a dafɛ nyɔ. A makandannɛnu tara a yarɔ. A nara Filisiti kɛlɛ-dan mɔgɔ kɛmɛ wɔrɛ (600) minnu na ka bɔ Kati soe burɔ, a ya wonu fanan sɔ a yarɔ.

2 Samuwɛli 17:9

Tumado kɔrɛ, a dogonnɛ faran la kan do. Ni wo ma, a ye kan tinɛ do rɔ. Ni Mansa Dawuda wulita ila kɛlɛ-dan donu kɛlɛla tumɛ min, mɔgɔ-wo-mɔgɔ ya wo lamɔɛn, wonu si belenna a fɔla anu nyɔgɔn ye ko mansɛ ara wuli Abasalɔmta kɛlɛ-dannu natola.

2 Samuwɛli 23:16

Kɛlɛ-kurugba sawɛ kɛ minnu tara Mansa Dawuda taran nyɔ, wonu ya anu taya ha anu tenbira Filisitinu tɛma. Anu tara yi bi kɔlɔn wo rɔ Bɛtalehɛm tarɛ dafɛ. Anu sɛgira yi wo la anu bolo mansɛ wara. Kɔnɔ Mansa Dawuda ma sɔn yi wo minna fɔ ka yi kimɛ wo labɔn Mari ye.

2 Samuwɛli 23:18

Yohabu dɔgɔ Abisayi minnu na tɔgɛ Sɛruya, wo le ye kɛlɛ-kurugba bi-sawɛ kɛnu kun na. Abisayi wo le ya mɔgɔ kɛmɛ sawa faga ala tanbɛ la. Wo le ya a ma, ale tɔgɔ bɔra mɔgɔ bi-sawa kɛnu tɛma ka ma anuna kun-tigi la. Kɔnɔ ale ma tɔgɛ sɔrɔn iko mɔgɔ sawɛ kɛnu.

2 Mansɛnu 2:24

Nɛbi Ilaisa ya a tintan ka a yɛ wuya a rɔ. Wo kɔma, a ya anu danka Mari tɔgɛ rɔ. Tiriyante wo rɔ, sogo-ferema fila bɔra anu burila firɛ rɔ ka na kemini-mɛsɛ mɔgɔ bi-nani ani mɔgɔ fila (42) mafarafara.

Hɛnkilimaya-Kumɛnu 17:12

Yanni i ni kun-takolɔn taran masiba-koe ladanna, a fisa, i ni yara-denbɛ taran minna dannu bara tunu a ma.

Hɛnkilimaya-Kumɛnu 28:15

Minnu kuma-kuma-fɔla sa, ni karagbɛlɛ mara mansɛ la wonu kuma, a si a lagbɛlɛya anu kuma iko yara-kɔnkɔtoe wa a labɔ sogenu ma.

Isikiyɛli 19:2

Yara-makawanɛ le anu na la yarɛnu tɛma. A ya ala dannu makolo yara-kei-makawanɛnu denu tɛma.

Daniyɛli 7:5

“Wo kɔma, n ya sogo-ferema fila nyɔgɛ min yen, wo mani de iko yarama-yɛlɛnkan. Wo sɔnɛ a kɔma kin filɛ kun na. Kɔgɔ-barasa-kolo sawa kankannɛ a dɛ la. Soge wo ya kuman-kan lamɔɛn ko, ‘Ta, i ni soge dɔn iko a di i ye nya min.’

Hoseya 13:8

N si kɛ wo ma iko sogo-ferema-yuwan, ala dan wa tunu a ma. A si wo buyi laka. A ye kɛla wo ma kan min, a ye wo dɔnna nyɔ le sa! N si wo rafarafara iko sogo-dalamɛ si a ma nya min.

Kɛlɛ-Kurugbɛnu 18:25

Dan bɔnsɔn-mɔgɛ wonu ya a fɔ ko, “Hali ma ma wo kuman-kan lamɔɛn ma tɛma yan tun! Ni wo ma, kemini-karagbɛlɛ kɛnu si wobɛ ila denbayɛnu faga tɛrr!”

1 Samuwɛli 16:18

Ala wɔli-kɛlɛ do ya a fɔ ko, “Kei do ye Bɛtalehɛm soe burɔ. A tɔgɛ le Yɛsi. Ala dan do ye nyɔ, wo kusan sɔrɔn fɔla dɔgɔma-ma-de! A kerinte. Kɛlɛ-kurugbɛ le, ado a kusan kumala fanan. A mafɛlɛn di. Mari fanan bi a fɛ.”

1 Samuwɛli 17:50

Hali faan anubɛ tanbɛ sa Dawuda bolo, a ya Kolati nɔ ka a faga lenfiran-kuri la.

1 Samuwɛli 23:23

A si a dogon kan tinɛ min tɔ, wo ni nyɔ lɔn. Wo la a la serr, wo wa ban a wara-koe fɛsɛfɛsɛla wati min, wo ni na a fɔ n ye. Wo kɔma, mabɛ si ta wona. Ni a taranta a ye nyɔ le, n si a nyini Yuda nyamanɛ wo kan tinɛ bɛɛ rɔ.”