2 Samuwɛli 17:25 - ALLALA KUMƐ

²⁵ Abasalɔm ya Amasa ma ata kɛlɛ-den-kun-tigi la Yohabu gbɛ rɔ. (Amasa wo fa tɔgɛ le Yɛta. Sumanyila bɔnsɔn-mɔgɛ do le ale Yɛta la. Yɛta wo ya Nɛhasila dunmusi Abigɛli furu. Abigɛli wo kɔrɔ musi le Sɛruwa la, Yohabu na, kɔni.)

2 Samuwɛli 17:25 Iomraidhean Croise

2 Samuwɛli 17:26

Abasalɔm anubɛ ala kɛlɛ-dannu ya anu daga makɛ Kaliyadi nyamanɛ rɔ.

2 Samuwɛli 19:13

Mansa Dawuda ya a fɔ anu ye tun ko anu ni a fɔ Amasa ye ko, “N na-kelen-nyɔgɔ-bɛrɛbɛrɛ le ale la. Woletɔ ka a dabira bi ma, n bara ale ma nna kɛlɛ-den-kunyɛ la Yohabu gbɛ rɔ. Ni n ma a ma wo nya, alamɛ Mari ya n gbesi a rɔ.”

2 Samuwɛli 19:14

Mansɛla kumɛ wo ya a diya don Yuda mɔgɛnu tɔ. Anu lara a la feu! Anu ya kilayɛ lata ka Mansa Dawuda anubɛ ala mɔgɔ-banu makele.

2 Samuwɛli 20:4

Mansa Dawuda ya a fɔ Amasa ye, ala kɛlɛ-den-kunyɛ, kɔni, a ko, “Ta Yuda mɔgɛnu kundɛn. I ni na anu na sina matenbi.”

1 Mansɛnu 2:28

Yohabu ya a lamɔɛn ko Mansa Silamɛni ya Adonaya faga tumɛ min, a burimatoe tara saraka-bɔ-tinɛ bolon filɛ bira Marita Fani-Bɔn yarɔ alako a ni kisi. (Yohabu sɔra Adonaya fɛ nun kɔnɔ a ma sɔ Abasalɔm fɛ.)

1 Mansɛnu 2:32

Mari si dunɛ wo sigi Yohabu kuma bawo a ya mɔgɔ-telenni fila faga, Nɛrila den Abina anubɛ Yɛtala den Amasa, kɔni. (Isirɛla mɔgɛnuna kɛlɛ-den-kunyɛ le Abina kɛ la nun. Yudala mɔgɛnuna kɛlɛ-den-kunyɛ le Amasa kɛ la nun.) N fa ma ko lɔn kɛnu faga-koe rɔ, ado mɔgɔ filɛ kɛnu fisa Yohabu ko.

1 Mansɛnu 2:5

“Sɛruya Yohabu ara min ma n na, i ni i yili to wo ko. A ya nna kɛlɛ-den-kun fila faga yisi-kima-wati le tɔ, Nɛrila den Abina anubɛ Yɛtala den Amasa, kɔni. Wonu bara mɔgɔ-fagɛ kɛ nun kɛlɛ rɔ kɔnɔ ale Yohabu ya a tayili sara anu na wola ko la ka anu denu faga yisi-kima-wati le tɔ. A ara mɔgɔ filɛ minnu faga kɛ la, wonu ma ko tinya. Kaka, wonu dunɛ ara to nde kuma. N yisi tɔrɔnɛ wola ko la.

1 Ko-Kɔrɔta-Karan 12:19

Dawuda anubɛ Filisitinu wulita wati min ka ta Mansa Sɔli kɛlɛ tinɛ, Manasa bɔnsɔn kɛlɛ-dan donu nara kofu Dawuda ma wo wati rɔ. Kɔnɔ Filisitinuna mansɛnu ma sɔn Dawuda ni kɛlɛ kɛ bawo anu bi kilanna ko Dawuda kana na ta anu don Mansa Sɔli bolo, ala kun-tigi-kɔrɛ, kɔni. Woletɔ anu ya ale Dawuda lasɛgi a kɔma Sikilagi soe burɔ fass!

1 Ko-Kɔrɔta-Karan 2:13

Obɛdila den Yɛsi ya den-kei wɔrɔnfila sɔrɔn. Ala sarɛ le Ɛliyabu la. Wo tatugunnɛ le Abinadabu wo, Sama wo,