2 Samuwɛli 17:23 - ALLALA KUMƐ

²³ Ahitafɛli ya a yen min kɛ ko anu sa ata kawandili-kan birala tun, a ya kirikɛ sa ala sofɛlɛ kuma. A sigira a la ka a warɛ-kilɛ bira. A ke a warɛ-soe burɔ, a ya a kɛɛ ratala. A ban wo la, a tara a dun kɔlɔma la ka a nyɛrɛ faga. Anu ya a furi bi ka ta a togon anuta kebila kaburu-soe la.

2 Samuwɛli 17:23 Iomraidhean Croise

2 Samuwɛli 15:12

Abasalɔm don ala saraka-bɔɛ rɔ, a ya kilayɛ lata Ahitafɛli ma Kailo soe burɔ. Mansa Dawuda makawandilɛ do le wo la. Abasalɔm ara yanfɛ min kiri a fa kan ma, a ara fɔlɔla fanka sɔrɔnna wo rɔ. Abasalɔm gba-fɛ-bilalɛnu tora siyayala.

2 Samuwɛli 15:31

Mansa Dawuda ya a lamɔɛn tumɛ min ko Ahitafɛli ara kofu Abasalɔm ma murutiya tinɛ, mansɛ ya madiyali kɛ. A ko, “Mari, i yandi, alamɛ ko kana bɔ Ahitafɛlita makawandili-kan rɔ.”

2 Samuwɛli 16:23

Ahitafɛli ya Abasalɔm makawandi ko-wo-ko la, a si wo bira iko Alla nyɛrɛta kumɛ. Mansa Dawuda anubɛ Abasalɔm mɔgɔ filɛ bɛɛ lara le ala makawandili-kumɛ la nun.

2 Samuwɛli 17:22

Wo le ya a ma, Mansa Dawuda anubɛ ala mɔgɛnu donta bɛ-tɛgɛ rɔ. Yanni banda-ka-da-pinpi ni ke, anu banta tenbila.

1 Mansɛnu 16:18

Ale Mansa Simiri ya a yen min kɛ ko kɛlɛ-dan wonu bara na bui Tirisa soe ma a siginɛ kan min, a tara kan-tina-latankanɛ do rɔ ala bolɔn burɔ. Mansa Simiri ya tɛ tugun nyɔ la. Tɛ ya nyɔ mintan gburr! Ale tora tɛ rɔ.

2 Mansɛnu 20:1

Kɛ wati ya a taran, Mansa Hɛsakaya kun ma ara kɔ kirayɛ bolo. A tora doni, a ni lakiraya. Emɔsila den Nɛbi Aiseya tara a kɔndɔn tinɛ. A ya a fɔ a ye ko, “Mari ko yanni i ni faga, i ni i fɛ-koe mumɛ bɛɛ rabɛn bawo a ko i ti kirayɛ kɛ nɔ.”

Yobu 31:3

Kɔnɔ karagbɛlɛnu si kasarɛ sɔrɔn. Ko-yogoma-kɛlɛnu si tɔrɔ.

Yaburi 109:20

Mari, n yogenu tɔrɔ wo nya na le katarala minnu bi ko-yogoma-su kɛnu fɔla n ma.

Yaburi 5:10

E, Alla, mɔgɔ sufa wonu bira ka anu tɔrɔ anu hakɛla ko la. A ma, anuna yanfanteyɛ wonu ni sɛgi anu denu kɔgɔ rɔ. Anu tɔrɔ ka a tɛgɛ anu hakɛ anubɛ anuna murutiyɛ ma. I ni anu bɔ i yakɔrɔ.

Yaburi 55:23

E, Alla, i si mɔgɔ-fagalɛ anubɛ foninya-fɔlɛnu natosokɔrɔ lakira hali anu siyi ma ban. Kɔnɔ nde lanɛ ile la.

Hɛnkilimaya-Kumɛnu 16:18

Mɔgɔ-wasinɛ ti mɛ buila. Wasinteyɛ si mɔgɛ kasara.

Hɛnkilimaya-Kumɛnu 19:3

Mɔgɛ si a nyɛrɛ tinya ala kuntanyɛ la kɔnɔ hali wo, a si a tɛgɛ sigi Mari ma.

Aiseya 38:1

Kɛ wati ya a taran, Mansa Hɛsakaya kun ma ara kɔ kirayɛ bolo. A tora doni, a ni lakiraya. Nde, Emɔsila den Nɛbi Aiseya tara a kɔndɔn tinɛ. N ya a fɔ a ye ko, “Mari ko yanni i ni faga, i ni i fɛ-koe mumɛ bɛɛ rabɛn bawo a ko i ti kirayɛ kɛ nɔ.”

Matiyu 27:5

Yudasi ya wodi wo fili Alla-Bato-Bɔn burɔ. A tara. Wo kɔma, a tara a nyɛrɛ dun yili la.