2 Samuwɛli 17:17 - ALLALA KUMƐ

¹⁷ Kɔnɔ wo ya a taran, Abiyatarila den Yonatan wo anubɛ Sedokila den Ahimahasi dogonnɛ Ɛnrogɛli tenke dafɛ Yerusalɛm soe kɔma bawo a ma di anu ye mɔgɔ ni anu yen donna soe burɔ. Yɔɔn-sunkurɔn do ye nyɔ nun, wo le si to ta-ni-sɛgi kɛla anu tɛma alako koe minnu ba tenbi soe, anu denu ni wo lɔn yi wo dafɛ nyɔ. Wo kɔma, anu burimatoe si ta wo fɔ Mansa Dawuda ye.

2 Samuwɛli 17:17 Iomraidhean Croise

2 Samuwɛli 15:27

Mansa Dawuda ya a fɔ Sedoki ye tun ko, “Ko-rayennɛ le ile la. Ila den Ahimahasi anubɛ Abiyatarila den Yonatan bi. I ni sɛgi anu na i bolo soe burɔ. Alamɛ Alla tora i fɛ.

2 Samuwɛli 15:35

I si saraka-masɔlɛnu taran nyɔ, Sedoki anubɛ Abiyatari. I ya kuma-wo-kuma lamɔɛn Mansa Abasalɔm wola bɔn la, i ni ta wo fɔ mɔgɔ filɛ wonu ye.

2 Samuwɛli 15:36

Anuna dannu Ahimahasi anubɛ Yonatan, wonu fanan bi nyɔ. I ya kuma-wo-kuma lamɔɛn n bara-koe rɔ, i si a fɔ dan wonu ye. Wonu fanan si na wo fɔ nde ye.”

1 Mansɛnu 1:42

Yohabu ma a kan wo laban, Saraka-Masɔla Abiyatarila den Yonatan nara anu taran. Adonaya ya a fɔ a ye ko, “I madon n na. N lanɛ a la ko nna mɔgɔ-nyimɛ le ile la. N lanɛ a la ko i wara na kuma-nyimɛ do le fɔ tinɛ n ye.”

1 Mansɛnu 1:9

Lun kelen, Adonaya ya sagɛnu anubɛ ninkinu anubɛ ninki-bulan-tɔlɔnɛnu ma sarakɛ la kuri do kuma min tɔgɛ Duguma-Fen-Kuri. Kuri wo sɔnɛ Ɛnrogɛli tenke dafɛ. Ale Adonaya ya a dɔgɛnu kele anubɛ mɔgɔ-ba min bɛɛ ye Yuda bɔnsɔn nyamanɛ rɔ alako anu bɛɛ ni bɛn saraka-bɔɛ wo rɔ.

Yasowa 15:7

ka ke Nanparan fole ma ka yɛlɛ ha Diba soe ha ka ta ke Kɛlailoti kantɔ min yɛ lamununnɛ Adumim don-dɛ la Nanparan fole dugu la. Wo kɔma, dan wo tara ha ka ke Ɛnsimɛsi tenke ma ka bɔ Ɛnrogɛli soe ma

Yasowa 18:16

Dan wo le yigira tun kɔnkɛ kɔrɔ min yɛ layiginɛ Hinom lɛɛ ma min bi Rɛfayim folo-kunyɛ la. Ka bɔ nyɔ, a tara dugu la ka tenbi Hinom lɛɛ la ka ta ke kɔnkɔ-bolɔn do ma min bi Yerusalɛm soe kantɔ ha ka ta ke Ɛnrogɛli tenke ma.