2 Samuwɛli 17:16 - ALLALA KUMƐ

¹⁶ Wo kɔma, a ya a fɔ anu ye tun ko, “Wo ni kilayɛ lata Mansa Dawuda ma kaka. Wo ni a fɔ a ye ko anu kana ki bɛ-tɛgɛ tinɛnu tɔ wulɛ rɔ bi. Anu ni Yorodan bɛ tɛgɛ yona-yona alako anu kana na anubɛ ala kɛlɛ-dannu bira ka anu faga.”

2 Samuwɛli 17:16 Iomraidhean Croise

2 Samuwɛli 15:14

Mansɛ ya a fɔ ala mɔgɔ-banu ye minnu siginɛ Yerusalɛm ko, “Ma ma buri wona kaka Abasalɔm kɔrɔ. Ni wo ma, a si ma damasi bira ka so-burɔ-mɔgɛ damasi faga.”

2 Samuwɛli 15:28

Bɛ si tɛgɛ kan min wulɛ rɔ, n si i makɔni nyɔ ha ila kilayɛ ni ke n ma.”

2 Samuwɛli 15:35

I si saraka-masɔlɛnu taran nyɔ, Sedoki anubɛ Abiyatari. I ya kuma-wo-kuma lamɔɛn Mansa Abasalɔm wola bɔn la, i ni ta wo fɔ mɔgɔ filɛ wonu ye.

Yaburi 35:25

I kana sɔn, anu ni a fɔ n ma ko, “Ma ye nyinina min ma, wo le wara ma, yɔ! A ara tunu ma tɛma yen!”

Yaburi 55:8

N si n buri nun. N ni ta n ye kan tinɛ do rɔ, fɔnyɔ anubɛ bandɛ ti ke n ma kan min.

Yaburi 56:2

Telen-gbɛn, anu bi tugula n kan ma. N kɛlɛlɛnu siya kati!

Yaburi 57:3

a si a lamɔɛn san-kole rɔ ka n kisi. A si n yoge bɛɛ nɔ. Alla si ata hinɛ anubɛ lanayɛ yira n na.

1 Kɔrɛnti 15:54

Woletɔ bagbuyi min si tuli, wo wa yɛlɛma bagbuyi la min ti tuli tumɛ min, wo si a ma, min sɛbɛnɛ Allala kitabu rɔ, wo ni bɔ-a-la. A sɛbɛnɛ ko, “Sayɛ ara halaki. Nɔlɛ ara kanbali!”

2 Kɔrɛnti 5:4

Ma tenbi duninya-fani-bɔn kɛ la, ma ye kurunna iko mɔgɛ tenbi dunu-belebele-wɛ kɔrɔ. Ma sa a fɛ, ma ni bɔ ma fɛrɛ-bɔnkɛ kɛnu tɔ fɔ ka Arinyɛnɛtɛ fanan bila ma kan na. Woletɔ ma fɛrɛ-bɔnku-fagamatoe kɛnu si yɛlɛma nimayɛ la.

1 Samuwɛli 20:38

I kana to sɔnɛ i gbɛ rɔ nyɔ. I buri tala.” Dennɛ wo ya kalabɛn wo bi. A tara a don Yonatan bolo.