2 Samuwɛli 16:9 - ALLALA KUMƐ

⁹ Sɛruwa Abisayi ya a fɔ Mansa Dawuda ye ko, “N tigi, nfenna i ye sɔnna wuli kɛ ye i mamɔɛnna? A ma, n ni ta a kunyɛ tɛgɛ a dagɛ rɔ!”

2 Samuwɛli 16:9 Iomraidhean Croise

2 Samuwɛli 19:21

Sɛruya-Abisayi ya a fɔ Dawuda ye ko, “Simayi min ya Marita mansa-yabɔnɛ mamɔɛn wulɔn, ma ti wo faga, wa?”

2 Samuwɛli 19:22

Kɔnɔ Mansa Dawuda ya a fɔ ale Abisayi anubɛ a kɔrɔ Yohabu ye ko, “Yon ya i manyinika nun? A sɔgɛ ye wo la, wo ni nanparan di n ma, wa? Isirɛla mansɛ le nde la bi, ado a ma bɛn, Isirɛla mɔgɔ-wo-mɔgɔ ni faga bi tele.”

2 Samuwɛli 3:30

Yohabu anubɛ a dɔgɛ Abisayi ya anu dɔgɛ tayili sara bawo Abina le fɔlɔn ya anu dɔgɛ Asahɛli faga Kibiyon kɔnkɛ ma kɛlɛ kuma.

2 Samuwɛli 3:8

Kumɛ wo ya a ma, Abina diminyara bɛrɛkɛ! A ko, “Ile lara a la ko n si bila i fa Sɔlila denbayɛ la? Ile lara a la ko n bi ma yogenu denu fɛ, Yuda mɔgɛnu, kɔni? Kebi fɔlɔ nun, n sɔnɛ i fa anubɛ a dɔgɛnu fɛ anubɛ a diyana-mɔgɛnu. N ma sɔn Dawuda bole ni sa ile rɔ. Kɔnɔ a sɔgɛ ye i la, i ni fɛɛ sa n na musu-koe rɔ bi, wa?

2 Samuwɛli 9:8

Mɛfibasɛti ya a madu a kɔrɔ tun. A ko, “N tigi, wulu-suyi tenbira nde la. Nfenna i ye ko-nyimɛ kɛla nde ye?”

Bɔ-Koe-Iyipiti 22:28

“Wo kana nde, Alla rasɛ anubɛ ka wola kun-tiginu danka.

Luka 9:54

Ala karan-dannu, Yemesi anubɛ Yɔni ya kɛ yen tumɛ min, anu ko, “Ma tigi, i ye a fɛ, ma ni tɛ kele ka bɔ san-kole rɔ anu halaki-koe la, wa?”

Kɛwɔlɛnu 23:5

Pɔli ya anu yabi ko, “N kɔrɔnu, n ma a lɔn ko saraka-masɔla-kun-tigi-wɛ le nun, ado a sɛbɛnɛ Allata kitabu rɔ ko n kana kuma-yogomɛ fɔ mala kun-tigi ma.”

1 Pita 2:17

Wo ni mɔgɛ bɛɛ gbiliya. Wo ni wo ta-nyɔgɛ dɛnkɛninya-mɔgɛnu keni. Wo ni kilan Alla la ka nyamani-tigi gbiliya.

1 Samuwɛli 24:14

“Wola mansɛ ye min faga-koe rɔ, wo ma wo yen? Wo ma a yen a ye min manɛgɛnna? Nfen bi nde la? N mani de iko wulu-suyi. N dɔgɔ fanan iko muruntu-mɛrɛntɛ.