2 Samuwɛli 16:5 - ALLALA KUMƐ

⁵ Mansa Dawuda ke Bahura soe burɔ, Mansa Sɔli na-kelen-nyɔgɛ Kɛra, wola den Simayi bɔra soe ka ta a taran nyɔ. A ye tala Mansa Dawuda mamɔɛnna.

2 Samuwɛli 16:5 Iomraidhean Croise

2 Samuwɛli 16:14

Ale Mansa Dawuda anubɛ ala mɔgɛnu bi kela Yorodan bɛ ma tumɛ min, anu bara bandan dɔgɔma-ma-de! Anu ya anu niyi madɛn nyɔ.

2 Samuwɛli 16:4

Mansɛ ya a fɔ Saiba ye ko, “Mɛfibasɛti bolo-fan damasi, i halalɛ le wonu na gbɛ!” Saiba ko, “Ila keminɛ le nde la. Alamɛ n wara-koe ya i hɛnɛ.”

2 Samuwɛli 16:6

Simayi donta kuru-lakɛ rɔ Mansa Dawuda anubɛ ala mɔgɔ-banu ma. Kɔnɔ hali wo, mansɛ lafoonɛ ala kɛlɛ-dannu anubɛ a makandannɛnu na.

2 Samuwɛli 17:18

Kɔnɔ lun kelen, dennɛ do ya anu dogonnɛ yen nyɔ. Dennɛ wo tara wo fɔ Abasalɔm ye. Anu fanan ya anu buri ka ta anu dogon kei do warɛ Bahurim soe burɔ. Anu yigira kei wola kɔlɔn rɔ.

2 Samuwɛli 23:31

Abi-Abɔn ka bɔ Araba soe burɔ, Asamafɛti ka bɔ Bahurim soe burɔ,

2 Samuwɛli 3:16

Palatiyɛli tara dila ala musi wo gba la ha soe do burɔ min tɔgɛ Bahurim. Kɔnɔ Abina ya a fɔ a ye wati min ko, “Sɛgi i kɔma,” a ma a masɔsɔ. A sɛgira a kɔma a warɛ.

Ɛsita 2:5

Kei do ye Susa soe burɔ, Yahudiya le wo la. A tɔgɛ le Mɔdekɛyai. A fa tɔgɛ le Yeya. Wo fanan fa tɔgɛ le Simayi. Simayi fa fanan tɔgɛ le Kisi. Wonu bɔra Bɛnyamɛ bɔnsɔn-mɔgɛnu tɔ.

Yobu 30:11

Alla ara n tafaga min kɛ, anu bi n bira boloko-yogomɛ-kɛla anu sɛnbɛ bɛɛ la.

Yaburi 102:8

Telen-gbɛn, n yogenu bi n manyinina. Minnu bi n mɔɛnna, wonu bi n tɔgɛ mala dankali-kɛ-fan la.

Yaburi 109:28

Anu si to n dankala kɔnɔ ita duwɛ si to yigila n kuma. Minnu bi n kan ma, alamɛ wonu yarabira pɔ! Alamɛ nde, ita wɔli-kɛlɛ sewara.

Yaburi 69:26

Ile ya min tɔrɔ, anu denu fanan bi sɛgila wulila wo kan ma tun. Ile ya min tanban, anu fanan bi sɛgila do sala wo kuma.

Bɔ-Koe-Iyipiti 22:27

bawo wo kelan pe le ye a bolo. Ni wo sa nyɔ, a si nfen burun a ma? Ni burun-kura-tigi wo dira n dala tumɛ min, n si a di-kɛ-kan lamɔɛn kamasɔrɔn n si kinikini mɔgɔ-sufa wo ma.

Bɔ-Koe-Iyipiti 22:28

“Wo kana nde, Alla rasɛ anubɛ ka wola kun-tiginu danka.

Hɛnkilimaya-Kumɛnu 26:2

Iko kona ye tenbila mɔgɛnu kuma nya min ka ta a ye pon, mɔgɛ min ma ko tinya, ni i ya wo danka, dankɛ wo fanan bi tenbila wo kuma wo nya na le fɛlɛlɛ!

Makawandili Kumɛnu 10:20

I kana kuma-yogoma fɔ mansɛ kan ma, hali i miriya-gbuyɛ rɔ. I kana kuma nɔnfulu-tigi ma hali i tenbi ila konko la. Ni i ya wo ma, tumado, kona do si ta a fɔ a ye.

Aiseya 8:21

Mɔgɛnu si to yilan-yilanna nyamanɛ rɔ bawo anu kɔnkɔtoe, anu yigi la ara tɛgɛ. Wo si a ma, anu ni anuta mansɛ anubɛ anuna bɛsɛnu danka yisi-bɔɛ bolo. Hali anu ya anu yɛ sigi san-kole kɔrɔ

1 Samuwɛli 17:43

A ya a fɔ Dawuda ye ko, “Kɔlɔma wo ye i bolo nfenna? I miri ko wuli le nde la?” A ya Dawuda gboro ala bɛsɛnu tɔ.