2 Samuwɛli 16:22 - ALLALA KUMƐ

²² Anu ya fani-bɔn sɔ Abasalɔm ye bolɔn wo kuma Isirɛla mɔgɛnu si a yen kan min. Abasalɔm ya a sa a fa fɛ-sigi-musi wonu fɛ nyɔ.

2 Samuwɛli 16:22 Iomraidhean Croise

2 Samuwɛli 11:2

Lunyɛ do wura dɛ fɛ, Mansa Dawuda ya a lasɔ kinɔgɔ rɔ. A tara sɔ ala san-bɔn kuma. A ye nyɔ tumɛ min, a ya musi do yen, a ye a kula. Musi wo kin dɔgɔma-ma-de!

2 Samuwɛli 15:16

Ale mansɛ anubɛ ala denbayɛnu ya anu buri anubɛ ala mɔgɔ-banu. Fɔ a fɛ-sigi-musi mɔgɔ tan, a ya ala bolɔn to wonu denu bolo.

2 Samuwɛli 20:3

Mansɛ ke ala bolɔn la Yerusalɛm soe burɔ, a ya ala bolɔn wo to a fɛ-sigi-musu mɔgɔ tan minnu bolo, a ya anu to birɛ rɔ anu siyi-tele-bɛɛ kɔrɔ. Wonu ma fenfen ban a bolo kɔnɔ a ma sɔn kila wonu bara tun. Wonu tora sigini anu dan na wo nya na le iko kɛɛ-musu-magboyanɛnu.

Aiseya 3:9

Hali anu yala-yen si a yira ko anu yilikinɛ. Anu hakɛ sanɛ gbɛ rɔ iko Sɔdɔm kɛnutɛ mara nya min. Anu tinya-koe ara to a ma, ado anu nyɛrɛ gbɛ le wo la, yɔ!

Yɛrɛmaya 3:3

Ka a tɛgɛ wo sɔn wonu ma, banda ma na wɛ fɔlɔn de, ado hali banda-yi-kun-fɔlɛ, wo ma na. Wo ya-lakalan-nya manɛ iko yɛlantɛ. Mɔgɛ ti miliya-sumɛ yen wo yakɔrɛ ma.

Yɛrɛmaya 8:12

A bɛnta kun-tigi wonu ni miliya anu kɛ-nya-yogomɛ la. Kɔnɔ miliyɛ-bɔrɔ-pɛrɛ, a sa anu yɛ la. Hali anu bara hakɛ-siyaman kɛ, mɔgɔ ti miliyɛ bira anu yakɔrɛ ma lefan! Wo le si a ma, anu fanan bi buila iko doinu. Mari ko mɔgɛnu-tɔrɔ-tele wa ke, wonu denu si fɛrɛn dugu la.

Isikiyɛli 24:7

I ni wo ma bawo anu taranta mɔgɛnu fagala soe burɔ tumɛ min, anu yele ma tinti dugi ma, a si don dugu la kan min. Anu yele yigira fara-gbaran ma, bɛɛ si a yen kan min.

Yilan-Yilan Koe 25:6

Anu banta mɔgɛ wonu fagala tumɛ min, anu donta diyi-kɛ rɔ. Isirɛla kei do nara Midiyan musi do la a bolo.

Filipai 3:19

Wonuna ban le nyahanama la bawo anuta Alla le anu bagbuyi-natanu na. A bɛnnɛ, anu ni miliya koe minnu na, anu wasinɛ wonu tɔ. Anu bi anu mirila duninyata-fannu denu dɔrɔn ma.