2 Samuwɛli 16:21 - ALLALA KUMƐ

²¹ Ahitafɛli ya a fɔ a ye ko, “Ta i sa i fa fɛ-sigi-musinu fɛ, a ya ala bolɔn to minnu bolo, kɔni. I wa wo ma tumɛ min, Isirɛla mɔgɛ damasi si a lɔn wo rɔ ko diyanaya ti taran wobɛ i fa tɛma tun, ado wo si a ma, ila mɔgɛnu ni kerinteya.”

2 Samuwɛli 16:21 Iomraidhean Croise

Ko-Dabirɛnu 34:30

Yakoba ya a fɔ ala den Simiyɔn anubɛ Lifayi ye ko, “Wo ara nanparan le di n ma kɛ la. Wo sɔn kɛ si a ma, ma si gboya Kenannu anubɛ Perasanu anubɛ sibolo-gbɛrɛ dama ye, ado male ma siya iko anu denu. Ni wonu ya anu nadɛn ma kan ma, anu si ma lato dogbe!”

Ko-Dabirɛnu 38:16

Yuda ya a kɔndɔn. A ya a fɔ a ye ko, “Na, n ni n sa i fɛ.” Musi wo ko, “Ile si nfen di n ma, ki-n-bara-kelanla ko la?” Yaga, a mama-nyaganɛ le kɔnɔ a ma a lɔn.

Ko-Dabirɛnu 6:4

Nima-fan wonu ya anu sa dunmusi wonu fɛ tumɛ min, dunmusi wonu ya mɔgɔ-yan-bɛnu sɔrɔn. Dan wonu denu mara sɛnbɛ-tiginu anubɛ tɔgɔlamɛnu na.

2 Samuwɛli 10:6

Amonnu ya a lɔn min kɛ ko anu bara Mansa Dawuda ma anu yoge la, anu tara Siriya kɛlɛ-dan mɔgɔ waga mogan (20,000) masan Soba soe anubɛ Bɛti-Rihobu soe burɔ. Anu tara mɔgɔ waga tan-ni-fila masan Tɔbu nyamanɛ rɔ fanan. Anu tara Meyaka nyamanita mansɛ wara ka ale anubɛ ala kɛlɛ-dan mɔgɔ waga kelen (1,000) masan.

2 Samuwɛli 12:11

Mari ko a ara ban a latɛgɛla ko fɔ ila bonna-mɔgɛ do wa tɔrɔyɛ lana i kuma. A ko fɔ a wa ila musinu bi i bolo ka anu di kei-gbɛrɛkɛ ma. Wo wa ma tumɛ min, i si a lɔn wo rɔ ko a ara min fɔ, tonyɛ le wo la. Kei wo si a sa ila musinu fɛ tele rɔ gbaga!

2 Samuwɛli 13:5

A fa-kinamala den Yonadabu ya a fɔ a ye ko, “I si min ma, ta i sa, i ni i nyɛrɛ lakiraya. I fa wa na i mafɛlɛn tinɛ, i ni a fɔ wo ye ko i dɔgɛ Tema ni na dɔn-fan te i ye yan tɔ. Ale Tema nyɛrɛ-nyɛrɛ ni i de-nyini.”

2 Samuwɛli 15:16

Ale mansɛ anubɛ ala denbayɛnu ya anu buri anubɛ ala mɔgɔ-banu. Fɔ a fɛ-sigi-musi mɔgɔ tan, a ya ala bolɔn to wonu denu bolo.

2 Samuwɛli 16:20

Abasalɔm ya a makawandilɛ Ahitafɛli manyinika. A ko, “Ma ara ke Yerusalɛm soe burɔ. Ma ni nfen ma gbɛ?”

2 Samuwɛli 17:7

Husayi ya a fɔ anu ye ko, “Ahitafɛli ara kumɛ min fɔ kɛ la, ma kana wo bira wona.

2 Samuwɛli 2:7

Wola mansɛ Sɔli ara so-mayɛlɛma-kɛ. Anu bara nde sigi a gbɛ rɔ Yuda nyamanɛ rɔ. Woletɔ wo ni wo yisi gbɛlɛya ka wo kerinteya.”

2 Samuwɛli 20:3

Mansɛ ke ala bolɔn la Yerusalɛm soe burɔ, a ya ala bolɔn wo to a fɛ-sigi-musu mɔgɔ tan minnu bolo, a ya anu to birɛ rɔ anu siyi-tele-bɛɛ kɔrɔ. Wonu ma fenfen ban a bolo kɔnɔ a ma sɔn kila wonu bara tun. Wonu tora sigini anu dan na wo nya na le iko kɛɛ-musu-magboyanɛnu.

1 Mansɛnu 11:25

Mansa Silamɛnita wati rɔ, anubɛ Mansa Hedadi mara Isirɛla yogo-bɛrɛbɛrɛ la, ado a ya Mansa Silamɛni yakɔrɔ-mamɔ.

1 Mansɛnu 2:17

Nba, Adonaya ko, “I yandi, i ni kuma Mansa Silamɛni ye kamasɔrɔn a ti a ban ile bolo. Abisagi min bɔra Sunam soe burɔ, a ni wo di n ma. N ni a ma nna musi la.”

1 Mansɛnu 2:22

Mansa Silamɛni ya a fɔ a na ye ko, “Nfenna i ye Abisagi manyinikala Adonayala ko la? Ni a sɔgɛ ye i la, n ni Abisagi di Adonaya ma, a fisa, i ni mansayɛ fanan manyinika ala ko la kamasɔrɔn n kɔrɔ-kina le ale la. Ile ma a lɔn ko ala fasalɛ le Saraka-Masɔla Abiyatari anubɛ Yohabu la minnu sa nta mansayɛ rɔ?”

Saraka-Masɔlɛnuta Tɔnnu 18:8

Mɔgɔ kana a sa kɛnu fanan fɛ, a na sena musi anubɛ

Saraka-Masɔlɛnuta Tɔnnu 20:11

Ni kei do ya a sa a fala musi do fɛ, a ara a fa layarabi worɔ. Wo si keminɛ wonubɛ musi wo faga. Anu tɔgɛ si to anu nyɛrɛ la.

Sakaraya 8:13

A ko fɔlɔ nun, sibolo-gbɛrɛnu kɛnɛna anu nyɔgɔn dankala ko, “Alamɛ i kasarata iko Yuda anubɛ Isirɛla nyamanɛ kasaranɛ nya min.” Kɔnɔ a ko ale si wo kisi wo ma. Wo kɔma, ale sibolo-gbɛrɛ kelan wonu si duwa anu nyɔgɔn ye ko, “Alamɛ wo sabatira iko Yuda anubɛ Isirɛla sabatinɛ nya min.” Woletɔ wo ni wo kerinteya. Wo kana kilan.

1 Kɔrɛnti 5:1

Nba, n ya a lamɔɛn ko yɛlɛnya-su do ye wo tɛma hali Alla-lɔnbɛlɛnu ti sɔn min sifa ma, ado tɛrɛna-ko le wo la n bolo. Anu ko mɔgɛ donubɛ a na-sena-musi ye kila.

1 Samuwɛli 13:4

Isirɛla mɔgɛ damasi ya a lamɔɛn ko Mansa Sɔli ara bui Filisitinu ma, ado anu ya a lamɔɛn fanan ko Isirɛla mɔgɛnu gboyanɛ Filisitinu ye lass! Isirɛla mɔgɛ bɛɛ kofura Mansa Sɔli ma Kiligali kɛlɛ rɔ.

1 Samuwɛli 27:12

Mansa Akisi lara Dawuda la kosɛbɛ! A ya a miri a nyɛrɛ ma ko, “Bawo Dawuda ma di a wara-mɔgɛnu ye Isirɛla nyamanɛ rɔ, a si to wɔlila n ye a siyi-tele-bɛɛ rɔ.”