2 Samuwɛli 15:31 - ALLALA KUMƐ

³¹ Mansa Dawuda ya a lamɔɛn tumɛ min ko Ahitafɛli ara kofu Abasalɔm ma murutiya tinɛ, mansɛ ya madiyali kɛ. A ko, “Mari, i yandi, alamɛ ko kana bɔ Ahitafɛlita makawandili-kan rɔ.”

2 Samuwɛli 15:31 Iomraidhean Croise

2 Samuwɛli 15:12

Abasalɔm don ala saraka-bɔɛ rɔ, a ya kilayɛ lata Ahitafɛli ma Kailo soe burɔ. Mansa Dawuda makawandilɛ do le wo la. Abasalɔm ara yanfɛ min kiri a fa kan ma, a ara fɔlɔla fanka sɔrɔnna wo rɔ. Abasalɔm gba-fɛ-bilalɛnu tora siyayala.

2 Samuwɛli 16:23

Ahitafɛli ya Abasalɔm makawandi ko-wo-ko la, a si wo bira iko Alla nyɛrɛta kumɛ. Mansa Dawuda anubɛ Abasalɔm mɔgɔ filɛ bɛɛ lara le ala makawandili-kumɛ la nun.

2 Samuwɛli 17:14

Abasalɔm anubɛ Isirɛla mɔgɔ-banu lara Husayita kumɛ wo la ka tenbi Ahitafɛlitɛ la. Mari ara ban a latɛgɛla ko anu kana Ahitafɛlita makawandili nyimɛ wo bira alako a si Abasalɔm halaki nya min.

2 Samuwɛli 17:23

Ahitafɛli ya a yen min kɛ ko anu sa ata kawandili-kan birala tun, a ya kirikɛ sa ala sofɛlɛ kuma. A sigira a la ka a warɛ-kilɛ bira. A ke a warɛ-soe burɔ, a ya a kɛɛ ratala. A ban wo la, a tara a dun kɔlɔma la ka a nyɛrɛ faga. Anu ya a furi bi ka ta a togon anuta kebila kaburu-soe la.

2 Samuwɛli 17:5

Abasalɔm ya a fɔ anu ye ko, “Nba, wo ni Husayi fanan kele. Ma ni a lɔn ale fanan bi min fɔla.”

2 Samuwɛli 17:7

Husayi ya a fɔ anu ye ko, “Ahitafɛli ara kumɛ min fɔ kɛ la, ma kana wo bira wona.

Yobu 5:12

A si yanfantenuna ko-rabɛn tinya alako anu kana na ta yarɔ anuna kɛwuyɛ la.

Yaburi 109:3

ka kuma-yogomɛnu fɔ n bara-koe rɔ. Anu bi kɛla n ma fu! N ma kɔrɛ yen a la.

Yaburi 3:1

E, Mari, n yogenu siyayanɛ pu! Mɔgɔ-siyaman bara anu kan-kɔ sɔ n na.

Yaburi 41:9

Hali n lara n kenite-bɛrɛbɛrɛ min na, ma ye ma bole layigila miran kelen tɔ, wo fanan bara a kan-kɔ sɔ n na.

Yaburi 55:10

Anu sonson ye tagamana mɔgɛnu kuma su-ni-tele. Anu sa fenfen kun na fɔ kɛlɛ-tɛgɛ anubɛ nanparan.

Yaburi 55:12

Ni n yoge le ya n manyini, n si ke n muinna le wo ma. Ni n kɛlɛ-nyɔgɛ yɛ tɛgɛra n tɔ, n si ke a masangbala le

Aiseya 19:3

Koe min bɛɛ rabɛnnɛ Iyipiti kɛnu bolo, a si wonu tinya anu ma pɔ! A si kumakɔɛ ladon anu tɛma. Anu si anuna bɛsɛnu madiya alako wonu ni anu dɛnbɛ. Anu si ta bolo-tafɛlɛnna-su bɛɛ wara alako wonu ni hɛnkili di anu ma.

Aiseya 44:25

A ko a ara yi-kɔrɔ-fɛlɛnnɛnu ma kun-takolɔnnu na. Lole-lakɔrɔsilɛnu bi ko-natoe minnu fɔla, a ara wonu ma ko fuyi la. A ko minnu bi anu hɛnkili mayirala, a ara wonu sɔsɔ feu, woletɔ anu si a lɔn ko ko-fuyi le anuna hɛnkilimayɛ la.

Yɔni 13:18

“N sa kɛ bɛɛ fɔla wo damasi ma. N bara minnu yabɔ, n ya wonu lɔn. Kɔnɔ min sɛbɛnɛ Allata kitabu rɔ, fɔ wo ni bɔ-a-la. A sɛbɛnɛ ko, ‘Mabɛ min bara ma bole layigi miran kelan rɔ, wo ara a kan-kɔ sɔ n na.’

1 Kɔrɛnti 1:20

Nba, hɛnkilimɛnu anubɛ tɔn-karan-mɔgɛnu anubɛ sɔsɔli-sala-wɛnu, wonu bi kama? Alla ara a lagbɛ ko duninya kɛ hɛnkilimayɛ, yuwaya-koe le wo la!

Yemesi 3:15

Hɛnkili-su wo ma yigi ka bɔ Arinyɛni tɔ. Hadama-danta kɛ-nya-yogomɛ anubɛ duninyatɛ le wo la. Setanɛ bolo-gbɛ le wo la,