2 Samuwɛli 15:30 - ALLALA KUMƐ

³⁰ Mansa Dawuda dimatoe ya Ɔlifi kɔnkɛ yɛlɛ. A salɛ yamatogonnɛ, ado a tonta-rakolɔn ye tagamana ka a yira ko a yisi tinyanɛ. Minnu damasi bilara a fɛ, wo dama kunyɛ yamatogonnɛ wo nya na le.

2 Samuwɛli 15:30 Iomraidhean Croise

2 Samuwɛli 15:29

Sedoki anubɛ Abiyatari ya tɔn-kenkirɛ bi. Anu sɛgira Yerusalɛm soe burɔ. Anu tora nyɔ.

2 Samuwɛli 19:4

Mansɛ ya a kolonkɛ dogon. A ya a karɛ sa-a-rɔ di-kɛ-tinɛ. A ko, “E, nna dan. Nna den Abasalɔm. E, nna den Abasalɔm.”

2 Samuwɛli 19:5

Yohabu tara mansɛ taran a warɛ bɔn la. A ya a fɔ ale mansɛ ye ko, “I wara min ma kɛ la, wo ara a ma, ila kɛlɛ-dannu bara miliya bi. Mɔgɛ kɛnu denu bara wobɛ ila denbayɛnu niyi lakanan, ila dannu wo, ila musinu wo, anubɛ i fɛ-sigi-musinu, kɔni.

Ɛsita 6:12

Heman ban kɛ mala, Mɔdekɛyai sɛgira a gbɛ rɔ bolon-don-dɛ la. Kɔnɔ Heman kun-nayiginɛ burimatoe sɛgira a warɛ bɔn la yisi-magboyɛ anubɛ miliyɛ la a bolo.

Yaburi 42:3

Su-ni-tele, n bi dila. N ya-yi le manɛ n beli-fan la. Tuma-wo-tuma, n yogenu si n manyinika ko, “Ileta Alla ye mintɔ?”

Yaburi 43:5

N ya a fɔ n nyɛrɛ ma ko, “Nfenna n yisi magboyanɛ? Nfenna n kɔndɔfilinɛ?” Hali wo, n si n yigi sa Alla rɔ. N si to a matɔgɔla iko n duruta a mala nya min nun. Nta kisilɛ anubɛ nta Alla le ale la.

Isikiyɛli 24:17

ado mɔgɔ-wo-mɔgɔ kana i yen yɛlɛla a ma fekufeku! I kun-nakolɔn kana to anubɛ i kin-takolɔn kana to fanan iko mɔgɛnu si a ma nya min saya-di-kɛ tinɛ. Mɔgɔ kana a lɔn defan ko i ye di-kɛ le kun na. I kana i yakɔrɛ dogon. I kana saya-di-kɛlɛnuta fen dɔn.”

Isikiyɛli 24:23

Wo kun-nakolɔn ti to anubɛ wo kin-takolɔn ti to fanan min si a yira mɔgɛnu na ko diyi ye wo yisi rɔ. A ko wo si bara ka a tɛgɛ wo hakɛnu ma, ado wo si to gbɛngbɛrɛnna wo nyɔgɔn ma.

Sakaraya 14:4

Wo wati rɔ, a si sɔ Ɔlifi kɔnkɛ kuma Yerusalɛm tele-bɔɛ wara la. Kɔnkɛ wo si bɔ tiila tele-bɔɛ wara la ha tele-yigi. A tɔnkɔn kelan si ta kantɔ-wara la, a tɔnkɔn doi ni ta dugula wara la.

Matiyu 5:4

Mɔgɔ-sewanɛ le wo mɔgɛ la min bi dila a yisi rɔ bawo Alla si a yisi-kimɛ!

Luka 19:29

A gbɛrɛnta Bɛtifagi anubɛ Bɛtani soenu ma tumɛ min Ɔlifi kɔnkɛ dafɛ, a ya ala karan-den filɛ sɔ a yarɔ.

Luka 19:37

A gbɛrɛnta Yerusalɛm soe ma tumɛ min, kilɛ ye yigila Ɔlifi kɔnkɛ kɔrɔ kan min, a gba-fɛ-bilala siyaman wulita baraka birala Alla ye. Anu bara Alla yen kabana-koenu kɛla nun min kɛ, anu bi a tantola anu kulu-mayɛlɛnɛ la wola ko la.

Luka 19:41

Yisa gbɛrɛnta Yerusalɛm soe ma tumɛ min, a ya a yen nkɛkuna, a dira ala ko la.

Luka 21:37

Tele-wo-tele, Yisa ye mɔgɛnu karanna Alla-Bato-Bɔn la. Suyi wa ke tumɛ min, a ni ta ki Ɔlifi kɔnkɛ kuma.

Luka 22:39

Yisa bɔra nyɔ ka ta Ɔlifi kɔnkɛ kuma iko a duruta a mala nya min. Karan-dannu bilara a fɛ.

Kɛwɔlɛnu 1:12

Wo kɔma, Yisata kilayɛnu bɔra Ɔlifi kɔnkɛ kuma ka sɛgi Yerusalɛm. Kɔnkɛ wonubɛ Yerusalɛm tɛmɛ si mɛli tala nyɔgɔn bɔ.

Romu 12:15

Sewa wonu fɛ minnu bi sewala. Di wonu fɛ minnu bi dila.

1 Kɔrɛnti 12:26

Ni sɔlɔmɔnya kelen tɔrɔta, a sɔlɔmɔnya-toe bɛɛ si tɔrɔ a fɛ. Ni sɔlɔmɔnya kelen ya gbiliyɛ sɔrɔn, a sɔlɔmɔnya toe bɛɛ si do sɔrɔn gbiliyɛ wo rɔ.