2 Samuwɛli 15:27 - ALLALA KUMƐ

²⁷ Mansa Dawuda ya a fɔ Sedoki ye tun ko, “Ko-rayennɛ le ile la. Ila den Ahimahasi anubɛ Abiyatarila den Yonatan bi. I ni sɛgi anu na i bolo soe burɔ. Alamɛ Alla tora i fɛ.

2 Samuwɛli 15:27 Iomraidhean Croise

2 Samuwɛli 15:34

Kɔnɔ ile ye min mala n ye, i ni sɛgi Yerusalɛm soe burɔ. I ni a fɔ Abasalɔm ye ko, i si to a fɛ iko i tora a fa fɛ nya min. Ni Ahitafɛli ya makawandili-kuma-wo-kuma fɔ, i ni a masɔsɔ.

2 Samuwɛli 15:36

Anuna dannu Ahimahasi anubɛ Yonatan, wonu fanan bi nyɔ. I ya kuma-wo-kuma lamɔɛn n bara-koe rɔ, i si a fɔ dan wonu ye. Wonu fanan si na wo fɔ nde ye.”

2 Samuwɛli 17:17

Kɔnɔ wo ya a taran, Abiyatarila den Yonatan wo anubɛ Sedokila den Ahimahasi dogonnɛ Ɛnrogɛli tenke dafɛ Yerusalɛm soe kɔma bawo a ma di anu ye mɔgɔ ni anu yen donna soe burɔ. Yɔɔn-sunkurɔn do ye nyɔ nun, wo le si to ta-ni-sɛgi kɛla anu tɛma alako koe minnu ba tenbi soe, anu denu ni wo lɔn yi wo dafɛ nyɔ. Wo kɔma, anu burimatoe si ta wo fɔ Mansa Dawuda ye.

2 Samuwɛli 18:19

Sedokila den Ahimahasi ya a fɔ Yohabu ye ko, “A ma, n ni n buri tala ka kuma-nyimɛ kɛ fɔ mansɛ ye ko Mari ara a lakisi a yogenu ma.”

2 Samuwɛli 24:11

Mari ya a fɔ Mansa Dawudala ko-rayennɛ Kadi ye ko, “Ta a fɔ Dawuda ye ko ko sawa ye nyɔ n bi min yirala a la, a ni kelen bi wonu tɔ. A wa fenfen bi kɛ sawɛ rɔ, ale le wo la.” Mansa Dawuda ya a lasɔ min kɛ sɔgɔma,

1 Mansɛnu 1:42

Yohabu ma a kan wo laban, Saraka-Masɔla Abiyatarila den Yonatan nara anu taran. Adonaya ya a fɔ a ye ko, “I madon n na. N lanɛ a la ko nna mɔgɔ-nyimɛ le ile la. N lanɛ a la ko i wara na kuma-nyimɛ do le fɔ tinɛ n ye.”

1 Mansɛnu 4:15

Ahimahasi ye Nafatali sigisɔn-nyamanɛ kun na. A ya Mansa Silamɛnina den Basimati furu.

1 Ko-Kɔrɔta-Karan 25:5

Alla ya den-kei mɔgɔ tan-ni-nani anubɛ dunmusi mɔgɔ sawa di Himan kɛ ma, mansɛla nɛbi, kɔni. Alla ya lanyiri kiri Himan ye dan kɛnu bara-koe rɔ alako ale Himan wara-koe ni sabati.

1 Ko-Kɔrɔta-Karan 6:8

Ahituba ya Sedoki sɔrɔn. Sedoki ya Ahimahasi sɔrɔn.

1 Samuwɛli 9:6

Wɔli-kɛlɛ wo ya a fɔ ko, “A makɔnɔ fɔlɔn. Nɛbi do ye yan mɔgɛnu bi min gbiliyala bawo a ya kuma-wo-kuma fɔ, wo si bɔ-a-la. Ma ta wo wara. Tumado ale si sofɛlɛ wonu tina yira ma la.”

1 Samuwɛli 9:9

Sɔli ya a fɔ a ye ko, “Tonyɛ le wo la. Ma ta.” Anu tara soe burɔ, nɛbi wo ye kan min. Anu bi so-kɔnkɛ yɛlɛla tumɛ min, anu bɛnta sunkurunnɛ donu na minnu bi tala yi-bi-tinɛ. Anu ya sunkurunnɛ wonu manyinika ko, “Ko-rayennɛ wo ye soe burɔ, wa?” (Wo wati rɔ, anu si nɛbinu kele ko, “Ko-rayennɛ.” Ni Alla-manyinika-sɔgɛ ye mɔgɛ do la, a si a fɔ ko, “Ma ni ta ko-rayennɛ wara.”)