2 Samuwɛli 15:25 - ALLALA KUMƐ

²⁵ Mansa Dawuda ya a fɔ Sedoki ye ko, “Wo ni tɔn-kenkirɛ lasɛgi a gbɛ rɔ tun Yerusalɛm soe burɔ. Ni n di Mari ye, a si a ma, n ni na tɔn-kenkirɛ kɛ yen n yɛ la a gbɛ rɔ tun, yɔ!

2 Samuwɛli 15:25 Iomraidhean Croise

2 Samuwɛli 6:17

Anu ya tɔn-kenkirɛ wo ladon ka a sigi a sigi-tinɛ rɔ fani-bɔn wo la, Mansa Dawuda ya min nadan kenkirɛ wo ye. A ya saraka-mintantɛ anubɛ yisi-kima-sarakɛnu bɔ Mari ye.

2 Samuwɛli 7:2

Mansa Dawuda ya a fɔ Nɛbi Netan ye ko, “Nde siginɛ bon-hakikɛ min nadannɛ sida kɔlɔma la kɔnɔ Marita tɔn-kenkirɛ wo siginɛ fani-bɔn la.”

Yaburi 122:1

Anu bara a fɔ n ye tumɛ min ko ma ni ta Mari Bato-Bɔn la, ma sewara ma nyɔgɔn fɛ,

Yaburi 122:9

Ka a tɛgɛ mata Mari Allata bɔnla ko ma, n ya madiyali kɛ Yerusalɛmta yarɔma-ta-koe ma.

Yaburi 26:8

E, Mari, i mayiginɛ Bato-Bɔn min na, bɔn wo di n ye kati! Kan-tinɛ le wo la ita gbiliyɛ ye kan min.

Yaburi 84:10

Ka tele kelan bɔ i Bato-Bɔn la, wo fisa tele waga kelan ko kan-tina-gbɛrɛ. Yanni n ni to siginɛ karagbɛlɛnuna bɔn la, a fisa, n ni to sɔni ile nta Alla Bato-Bɔn don-dɛ la.

Bɔ-Koe-Iyipiti 15:13

I ya male min kunka, i si ta ma yarɔ ita keninteya-banbɛlɛ la ka sɔ ma yarɔ ita sɛnbɛ la ha ma si ke nyamanɛ wo rɔ i ye i mayigila kan min.

Bɔ-Koe-Iyipiti 33:12

Musa ya a fɔ Mari ye ko, “I ye tola a fɔla n ye ko n ni ta mɔgɛ kɛnu na kɔnɔ min bi sɔla n yarɔ, i ma wo yira n na. Min sanɛ wo kuma, i ko i ya n sɔn lɔn. I ko n bara-koe ara i hɛnɛ.

Bɔ-Koe-Iyipiti 33:13

Nba, ni n bara-koe ara i hɛnɛ, i yandi, a ma, i ni i miriyanu yira n na alako n ni i lɔn. Wo le si a ma, n ni i tanɛ lɔn ka to i diyana-koenu kɛla. I ni a lɔn yati, ko ita mɔgɔ-yabɔnɛ le sibole kɛnu na.”

Aiseya 38:22

Mansa Hɛsakaya ya nde, Aiseya manyinika ko, “Ka a fɔ ko n si ta Mari Bato-Bɔn la tun, nfen si ma wo tamasere la?”

Yɛrɛmaya 25:30

Mari ko nde, Yɛrɛmaya ni a kuman-kan kɛ bɛɛ rakaran wole, ata mɔgɛnu ye ko ale Mari bɔrɔndɔ-bɔrɔndɔ-kan si bɔ Arinyɛni tɔ. A si san-sɛran nabɔ san-kole kɔma pon! A si bɔrɔndɔ-bɔrɔndɔ ala mɔgɛnu ma. A si yerelen tɛgɛ iko konima-dannu. A si kuma duninya-mɔgɛ bɛɛ ma.

Yɛrɛmaya 7:4

Wo ka la mɔgɛnuna foninya-kumɛnu na minnu bi a yonkanna a la ka to a fɔla ko, “Mari nyɛrɛta Bato-Bɔn le kɛ la min si ma kisi.”