2 Samuwɛli 15:23 - ALLALA KUMƐ

²³ Mansa Dawuda anubɛ ala mɔgɛnu bi tala, so-burɔ-mɔgɛnu bi dila anuna ko la anu sɛbɛ-kuna-wɛ la. Mansɛ anubɛ ala mɔgɛnu ya yi do tɛgɛ min tɔgɛ Kidirɔn. Anu kunyɛ telennɛ wulɛ wara le la.

2 Samuwɛli 15:23 Iomraidhean Croise

2 Samuwɛli 15:22

Wo le ya a ma, Mansa Dawuda ya a fɔ a ye ko, “Nba, ma ta.” Itayi anubɛ ala kɛlɛ-dannu anubɛ anuna denbayɛnu tara Dawuda fɛ.

2 Samuwɛli 15:28

Bɛ si tɛgɛ kan min wulɛ rɔ, n si i makɔni nyɔ ha ila kilayɛ ni ke n ma.”

2 Samuwɛli 16:2

Mansa Dawuda ya ale Saiba manyinika. A ko, “I ye tala nfen mala kɛ dama la?” Saiba ya a fɔ a ye ko, “Sofɛlɛ kɛnu nara ila denbayɛ ye alako anu kana tagama anu kian la. Dɔn-fan kɛnu, ila mɔgɛnu dɔntɛ le wonu na. Anu ba bandan tagamana kan min wulɛ rɔ, anu si anu kan lakimɛ nɔnbɔ-gbɔ-yi wo la.”

1 Mansɛnu 15:13

A ya a mama Meyaka wo bɔ mansa-musuyɛ la bawo a ara bɛsi-musumɛ Asura muninyɛ ladan min mamilita. A ya bɛsɛ wo bi ka a rakerikeri ka a mintan Kidirɔn lɛɛ rɔ.

1 Mansɛnu 2:37

Ni i ya Kidirɔn yi tɛgɛ tuma-wo-tuma, i ni a lɔn worɔ serr, ko fɔ i wa faga, ado ni i fagara, i nyɛrɛ gbɛ le wo la.”

2 Ko-Kɔrɔta-Karan 29:16

Saraka-masɔlɛ wonu donta Bato-Bɔn sɛninya-koe rɔ. Fan minnu bi Bato-Bɔn wo latinyana, anu ya wonu nabɔ kata kɔma. Lifayi doinu ya anu bi nyɔ ka ta anu na fɔɔ Kidirɔn lɛɛ rɔ Yerusalɛm soe kɔma.

Yɛrɛmaya 31:40

Anu bi furinu togonna lɛɛ min tɔ, ado a manɛ anu bolo sundu-kunyɛ la, ale soe si ta tele-bɔɛ wara la ha nyɔ. Anuna soe wo le ye bɔla sɔla nyɔ ma ka ta furr, ha Kidirɔn yi kɔgɔma. Soe wo le si ta fanan ka ta a labɔ Yerusalɛm don-dɛ la min tɔgɛ, “Soee.” Tɛngbɛnya wo dama si ma Marita so-sɛnimɛ la. A ko nyɔ ti kasara tun!

Matiyu 3:1

San yirika tenbinɛ, Yɔni-Batasi-Kɛlɛ ya kawandili-bɔɛ dabira wulɛ rɔ Yudiya nyamanɛ rɔ.

Matiyu 3:3

Ado nfan, Nɛbi Aiseya taranta kumala Yɔni kɛ lela ko la nun. A ya a fɔ ko, “Mɔgɛ do ye gbele-gbelenna wulɛ rɔ. A ye a fɔla ko, ‘Bɛɛ ni kilɛ laka Mari ye. Bɛɛ ni kila latelennɛ ladan a ye.’ ”

Luka 1:80

Dan wo koloyara ka sɛnbɛ sɔrɔn Alla wara-koe rɔ. A tora wula-da-rakolɔn rɔ ha a bɔ tumɛ kera gbɛ rɔ Isirɛla mɔgɛnu ye tumɛ min.

Yɔni 18:1

Yisa banta madiyalɛ kɛ kɛla tumɛ min, anubɛ ala karan-dannu tara ka Kidirɔn yi tɛgɛ. Ki-fannu bi kan tinɛ wo rɔ. Yisa anubɛ ala karan-dannu donta ki-fan wonu kɔrɔ.

Romu 12:15

Sewa wonu fɛ minnu bi sewala. Di wonu fɛ minnu bi dila.