2 Samuwɛli 15:20 - ALLALA KUMƐ

²⁰ I ma mɛ wɛ n fɛ fɔlɔn. Nde si sɔn kama wo rɔ, i ni to yilan-yilanna n fɛ, ado nde nyɛrɛ-nyɛrɛ ma n ta tinɛ lɔn? I bɔnsɔn minnu bi yan, wonu bi, i ni sɛgi anu na soe. Alamɛ Mari tora i fɛ ka ko-nyimɛ kɛ i ye.”

2 Samuwɛli 15:20 Iomraidhean Croise

2 Samuwɛli 2:5

a ya kilayɛ donu nata nyɔ. A ko, “Alamɛ wo ya Marita duwɛ sɔrɔn bawo wo ara wola mansɛ gbiliya ka a togon.

2 Samuwɛli 2:6

Alamɛ Mari tora wo fɛ ka to ko-nyimɛ kɛla wo ye. Nde fanan si wo bira boloko-nyimɛ-kɛ ka a tɛgɛ wo ara min nadan.

Yaburi 25:10

Minnu bi ata sarama-kan birala, a si ala telenbagayɛ anubɛ keninteyɛ yira wonu na.

Yaburi 56:8

N kira n ya la nya min, i fonde ni to wo ko. I ni n ya-yi lamara a dan na fan do rɔ alako i ni a lɔn n bara min nyɔgɔn diyi kɛ.

Yaburi 57:3

a si a lamɔɛn san-kole rɔ ka n kisi. A si n yoge bɛɛ nɔ. Alla si ata hinɛ anubɛ lanayɛ yira n na.

Yaburi 59:15

Anu bi iko wuli min bi soe yɛnyɛnna dɔnta-nyinɛ la. Ni a ma a bɔ anu bolo, anu ni to kurunna.

Yaburi 61:7

E, Alla, ila duwɛ ni taran ala mansayɛ rɔ burubukai! Ita hinɛ anubɛ ila lanayɛ ni a kandan.

Yaburi 61:8

N si to i tanto-bɛtinu bɔla i ye tele-wo-tele ka to nna lanyiri latɔnbagayala i ye.

Yaburi 85:10

Keninteyɛ anubɛ lanayɛ si bɛn ka anu nyɔgɔn kɔndɔn. Telenbagayɛ anubɛ yisi-kimɛ si anu nyɔgɔn tamɔnsɔn diyanayɛ bolo.

Yaburi 89:14

Ila mansaya-kuri kɛnɛ tonyɛ anubɛ telenbagayɛ le la. I ye koe min bɛɛsi ladanna, ma ye ila hinɛ anubɛ lanayɛ yenna wonu tɔ.

Hɛnkilimaya-Kumɛnu 14:22

Min bi ko-yogomɛ rabɛnna a hadama-den-nyɔgɛ kan ma, ko-nyima-kilɛ si to-a-rɔ wo ma. Kɔnɔ min bi ko-nyimɛ rabɛnna a hadama-den-nyɔgɛ ye, wo si diya mɔgɛnu ye. Anu si la a la fanan.

Hɛnkilimaya-Kumɛnu 3:3

I kana i bɔ keninteyɛ rɔ, wo kɔma, i kana lanayɛ boloka. Wonu ni ma ila kan-na-fan la ka anu sɛbɛ i yisi rɔ.

Emɔsi 8:12

wo kɔndɔfilinɛ si duninya tɔnkɔn nanɛ bɛɛ ratagama Marita kibara kelan kɛ nyinina kɔnɔ wo ti a yen mumɛ!

Yɔni 1:17

Alla ya tɔn don Nɛbi Musa bolo kɔnɔ hinɛ anubɛ tonyɛ, ale Yisa Kirasiti le nara wonu na.

1 Samuwɛli 23:13

Dawuda anubɛ ala keminɛ minnu si mɔgɔ kɛmɛ wɔrɔ (600) nyɔgɔn bɔ le, anu bɔra Kiyaila soe burɔ tiriya! Anu tora tala. Anu ma anu daga makɛ kan-tina-kelen. A lamɔɛn Mansa Sɔli bolo ko Dawuda ara bɔ Kiyaila, a ma a tɔrɔ tala nyɔ tun.